家嫂: 44.

我仔細閱讀了整份文件，果然跟我所想的一樣！ 而且，有些細節是我之前一直沒有察覺，當答案放於眼前，卻又澄明的顯示出來。
 
 
我就撥了一通電話，約了（他/她）出來見面⋯
 
這一晚，我就約了在我的發蹟地，我的原點 - 老舊細小的小唐樓單位內會面⋯
 
噠⋯噠⋯噠⋯
 
到了。


 
我門也沒有關上，一直在等待這一刻。
 
「你終於到了」
 
「你約我黎呢度有咩講？」
 
「坐低先講」
 
我示意坐下，坐在那一套陳年的布沙發上⋯


 
他/她凝視著沙發良久。
 
「你唔記得嗱？呢張梳化係你揀架⋯」
 
那邊沒有任何回應。
 
「仲有⋯」
 
我拎起身上的這條領帶


 
「呢條呔你幫我洗返乾淨⋯而家好似新既一樣⋯」
「你連條呔間鋪執咗都記得，冇理由唔記得呢張梳化⋯」
 
那邊的臉上有一道黑色的直線從眼上落下⋯
 
「咁⋯⋯你想我叫你做 關文鳳 定係叫返你 梁惠娥 呢？」
 
沒錯，是Mandy。
 
「你居然可以整到完全唔同樣⋯我真係認唔到你」
 
她冷冷的哼了一聲
 
「咁多年走咗⋯ 你居然可以改頭換面返黎⋯ 我諗你既錢，都係靠男人呃返黎架啦？！」


 
她那黑色的直線又多了兩項
 
「我多得你當年，令我鼓起決心出走⋯ 不過我大命唔死得！ 」
 
她吸一口氣，嘗試強裝鎮定
 
「我⋯冇錯！⋯我係做咗幾年雞！ 一邊整容⋯ 一邊跟其他男人⋯ 你講得冇錯！ 我所有野都係靠男人！ 我要咁賤都係因為我當初識咗一個賤男人！ 一個我唔可以依靠既男人！！」
 
她說畢，眼淚就如雨一樣傾瀉
 
我沒有理會她的指控
 
「你搞咁多野想返黎報復我！ 為咩？！」
 


她流著淚的雙眼忽然笑了起來
 
「為咗要你後悔！」
 
我冷笑回應
 
「哼！ 但事實上你都只係能夠捉走Anna…」
 
「我响IFC見到佢我都有啲驚訝⋯ 你都幾好野⋯引到佢講咁多野⋯」
 
「係你個中間人一時疏忽用咗自己戶口過數比佢，我先至追到關你事啫⋯」
 
「原本我以為搵主謀呢件事可以再纏你耐啲⋯ 不過你真係比當年進步咗好多⋯ 特別係呃女人！」
 
「哈！ Anna 鍾意我都係多得你整死人地老豆！搞到人地有戀父情意結啫⋯」


「不過，你用殺父仇人做掩飾，我根本冇諗過佢真係會幫你⋯」
 
「佢根本唔知道幫緊我」
 
「嗯？」
 
「我响中間人既一堆相中，一眼就已經認得佢！ 所以，我先可以放心將你困响主謀呢個謎團入面咁耐⋯ 去完成我既目的！」
 
「你完成咗你既目的？」
 
「係⋯」
 
「我知道你借幾間空殻公司黎轉走我啲錢同食我啲貨既差價⋯」
 
我還是滿有信心的說


 
「但係都唔等於我間公司會因此出現問題⋯」
 
「哈！哈哈哈哈～～～」
她笑得非常有自信，而且當中夾雜著悲憤
 
「你到咁多年後都係唔明白我⋯」
「我似係因為錢咩？！ 我係為錢當初就唔會嫁你！」
 
她的情緒失控，我覺得她是因為報仇失敗而發瘋起來。
 
「咁你搞咁多野返到黎，又即係做咗啲咩呢？ 我真係唔覺我有咩損失⋯」
 
我自己也覺得失笑，好像連一點傷也沒有，但她竟然覺得已經達到目的。
 
「係咩？ 你有冇發覺好耐冇見過你個楚兒⋯⋯」
她的表情實在太得意，令我也有些許害怕
 
「楚兒？ 阿權會⋯⋯ 等等！！」
 
我馬上拿起電話想打給楚兒
 
「唔駛打喇⋯ 個電話號碼已經唔會再通⋯」
 
「你⋯ 對⋯⋯楚兒⋯」
 
我不敢想，也不敢講出口，楚兒被她殺了吧⋯
 
「放心！ 我冇殺佢，哼！ 睇你緊張到！」
 
她頓了一頓續說
 
「一個被人拋棄又冇埋個BB既女人，要佢生存仲慘過叫佢去死！！ 哈哈哈哈⋯⋯」
 
她的笑聲比夜义還要可怕，不過最可怕的，是她的手法相當殘忍。
 
聽她的意思，阿權終於都反叛了⋯ 
 
「你叫阿權拋棄楚兒⋯ 仲整到佢冇咗個BB....」
 
我拳頭已經握得就快爆開一樣！ 我一想起楚兒，就已經想殺了這個女人⋯⋯
 
「阿權咁迷戀我，叫佢殺咗個女人都仲得呀⋯⋯ 哈哈⋯」
「阿權一話同佢離婚，佢就喊到癲咗⋯ 你知啦，大肚婆情緒又唔穩定⋯ 喔！ 咁說小產咗囉～」
 
她的表情相當得意，就好像完成了一件藝術品!
 
這個女人⋯⋯ 已經瘋了！
 
「楚兒話哂係你個女⋯⋯」
 
我還沒有說完，她就激動的說
 
「唔該分清楚！ 佢係你個女！ 哈！ 嚴格黎講係你同你舊情人生既野女！」
 
她雙眼的紅根已經變成魔鬼，原來她處心積慮就是要報復我當年的背叛。
 
「你當年突然同你 '最鍾意' 既舊女友撞返！ 幽會咗一段時間你以為我咩都唔知！？ 」
 
她完全進入回憶狀態，已經被過去吞噬了
 
「人地仲要為你生咗個女！ 佢好命⋯ 生完個女就死咗！ 你就將佢既一切投射哂落個女度⋯」
 
原來如此⋯ 她說到底最憎恨那個她⋯ 我最愛的女人
 
「你睇下佢！ 楚兒細細個就已經同個女人一模一樣！ 所以你一直都將一切最好既留比佢！」
 
「既然你要當佢係嗰個女人，我就當佢係嗰個賤女人咁報復！」
 
仇恨，可以將一個女人變成魔鬼，也可以化身成為另一個人歸來報復
 
「我當年就係忍唔到！所以我情願拋低兩個仔⋯⋯都要走⋯⋯嗚⋯」
 
我已經了解一切，而且懷疑她有點精神錯亂⋯ 所以正想打電話報警⋯
 
「你唔駛諗住報警捉我！ 除非你唔想搵返你個楚兒！ 而且⋯⋯ 你已經輸咗喇⋯ 哈哈！」
 
我輸了？
 
輸什麼⋯⋯ 是說楚兒嗎？ 還是Anna?
 
我為了楚兒安全，只好由她擺佈
 
一想到楚兒安全，我也就如洩了氣的氣球一樣⋯
 
Mandy 正打算轉身離開，她離開時拋下一句
 
「好快你就會知道你真係輸哂喇⋯⋯哈哈哈哈」