溝女入面,最重要既係first impression,阿詠覺得我係一個幽默既男仔,我頓時覺得自己前途一片光明。 

「話時話,點解呀毅你成餐飯一粒聲都唔出既?」阿詠突然講起呀毅。 

係啵,呀毅條蛋散平時好多野講架,點解今餐飯唔講野既?唔對路.... 

「無,我諗緊個project點做咋嘛。係啵,不如你一陣同阿蛋佢一齊做啦,我一陣都約左人唔得閒....」呀毅咁講法,即係同我呢個魔鬼既交易達成左啦  

「下,點得架,份project係你又唔係我既,況且我同阿蛋都係岩岩先識」 



「得架啦家姐,一次生兩次熟,況且阿蛋條友咁多野講,一次就熟啦。」 

阿詠未答得切,呀毅已經將佢面前碗餐蛋麵極速食完, 

「靠你啦家姐!」就係咁,佢衝左出門口,頭也不回,好鬼瀟灑 

「.......」我同阿詠都無野講,全間屋都好靜,得返個鐘既滴答聲 

dead air係溝女既大忌,我一定要搵個話題.... 



「你食飽未呀?不如傾下個project?」 

「好阿!」


Hi,溝女傾學術野,實悶死條女啦,但睇佢個野一係KPOP懵向左走向右走一係就local 情歌懵向左走向右走,得! 


我拎起放左係茶几既laptop, 

「你鐘意聽咩歌架?聽住歌黎做啦」就由呢到入手,將個重點由project轉去娛樂到! 



「好阿!UM.....The Script啦,佢地D歌好好聽」 

The Script...阿詠真係識貨,估唔到佢原來唔止靚,品味仲要有返咁上下  

「咦!我都有聽啵,有冇聽佢地新出隻nothing阿?」難得同阿詠有共同喜好,緊係延伸落去 

「有呀有呀!睇唔出你都有聽啵,蛋蛋」阿詠興奮到連個身都郁埋,對豐乳不經意咁掃到我,真係好軟仲要FEEL到佢突起既兩點  

「我都估唔到你有聽姐,我身邊都無咩人聽,包括呀毅條死仔。」 

「咪就係囉!我成日都話呀毅條死仔無品味,聽埋D爛鬼KPOP,都唔知唱緊咩 」
已有 0 人追稿