我的臥底日記: 第一節

根據維基百科解釋[臥底],
就是對敵方陣營進行秘密潛入、 
以進行暗中調查與搜集情報的工作的特工。 
此外，警察單位也會暗中進行派出臥底的行動，
對黑幫等集團組織進行秘密調查 
而我正正就係一個[臥底],我滲入黑幫足足有三年多, 
或者我想係哩到同大家分享一下我多姿多采,腥風血雨,
慘無人道嘅臥底生活!
 
可能你地會問我點解當初我會選擇當差.. ? 




為公義？為除暴安良？為社會出一份力？
屌，其實我邊有咁偉大！ 
其實我同普遍香港人一樣,打工係為層樓.. 
而我當差目的都一樣,都係為咗上車，為咗可以買到樓! 
試問現今有咩工可以低學歷,又有穩定嘅收入..? 
我可以答你.. 除咗當差..基本上現今社會..係無工作可以做到咁嘅條件..! 
點解我知?因為我加入警隊之前我都做過各行各業嘅工作.. 
待應,售貨員,文員,跟車我都做過…每份工都得萬零蚊收入..人工跑輸通漲,晉升無機會! 係哩個物價飛漲嘅年代..莫講話儲唔到首期筆錢....根本連養自己都有問題!
 
咁你地又可能問返我..咁當差之後..你係咪儲到首期買到樓..? 




我想同大家講..理想枉枉同現實係有差別.. 
係我當差哩一年裡面，樓市一日一日咁升， 
我份糧永遠追唔鳩到個市，而警察宿舍排嚟排去都未到我！ 
我想講我係個一年..我依然係個無樓一族..
仲未儲到首期..而家我每個月都要拎我一半嘅人工去租樓..
 
工作方面..…唔係行咇，就係抄牌，唔係抄牌,
就係行咇，每日重覆又重覆做埋哩d厭惡性工作! 
或者好多人會講抄牌有幾厭惡, 
起初我都係咁諗..但其實抄牌真係一件苦差.. 




首先抄完牌又要俾司機屌,唔抄又俾上司屌, 
因為我地每個環頭都要”追數”… 
而我追嘅..唔係”追”破案”數”字..而係”追”抄牌”數”字!
 
 
 
時間逐逐漸漸過去..不知不覺我係警隊已經一年, 
我經已由一個正常人變成一個行屍走肉,
我開始有啲後悔我當初嘅決定， 
正當我以為我一世都要過啲咁嘅生活，
直至有一日苗SIR安排滲入黑幫做卧底……. 
我嘅人生先開始出現變化..