我的臥底日記: 第三節

自從單0野賭檔之後,
我再次受到苗sir安排去到尖東某夜總會做一個泊車仔.. 
我係個泊車檔己經係到做0左三星期..
哩份工亦都算我人生最撚悶0既工作.. 
泊車..入咪表.. 泊車..入咪表…泊車..入咪表…
重覆又重覆…
我感覺到自己根本係一個泊車機械.. 
其實份工悶到不得止..而最令我最氣忿… 
就係我個拍檔-肥強…因為佢唔止係蠢撚過閪…. 
而且佢係一個”智障型柒碌”0既表表者 




佢每日都俾到蕉皮你踩…
而且你會發現佢會獲獲新鮮獲獲甘.. 


肥強慌慌張張咁跑過0黎:「佐治哥!有差佬呀..」 
我不以為然咁答佢: 「又點呀肥強?差佬又點?我0地又唔係犯法驚閪咩?你有毒品係身咩?」 
肥強個樣晃然大悟一樣: 「佐治哥你又0岩!」 
肥強慌慌張張咁答: 「但佐治哥..我唔記得入表…」 
我搖搖頭: 「肥強哥..你唔撚係呀..又唔記得?你見到差人..做咩跑過0黎..點解唔入表先?」 
肥強: 「SORRY…佐治哥……」 




我望住眼前5個客0既車俾人抄牌..我已經無力再跑過去入錶… 
我當時已經目空一切..心無雜念.. 
我剩係知道哩個星期已經發生0左第三次..
屌..佢個仆街…今個星期檔0野又要倒貼.. 
唉…..不過錢事小…一陣間又要俾個客屌… 
唉…以前做差人…抄人牌就俾人屌…
而家俾人抄牌我又俾人屌….究竟我係咪做邊行都會俾人屌….

我發誓..我復職當日…一定返0黎哩個泊車檔..
點解我要返0黎?因為我要搵返哩個”智障型柒碌”..拉佢入暗角..恨恨0地打撚柒佢一獲..以洩我心頭之恨…




 
 
 
 
 
 
 
我係哩到3個禮拜..我無錢落袋不特止..… 
仲要因為”智障型柒碌”0既”超卓工作表現”關係…. 
(因為條仆街..成鳩日hi返D車同唔鳩記得入咪錶)
而家我已經揹梗2萬債….係呀…你無睇錯…係揹梗2萬蚊數…. 
或者你睇到哩到…你0地會有個疑問.. 
點解佢”咁撚超卓”..點解佢仲可以留係泊車檔 
咪就係因為阿”智障型柒碌”同大DEE哥親戚關係.. 
所以佢刀槍不入….就算點智障法..都可以留係個泊車檔.. 




唉..我以為以前打工..先會遇到皇瑪褂.. 
我勢都估唔到..我而家連做臥底…都會遇到皇瑪褂.. 
唔通哩d都係天意?
 
 
 
不過撇除”智障型柒碌”0既拍檔至外.。。
我份工都有少少好處.. 
因為我份工關係(因為我係做夜總會泊車檔)..
我可以望住無數咁多嘅小姐返工！ 
高矮肥瘦..燕瘦橫肥..咩女都有..
我可以敢咁講..係到返工D小姐..比香港小姐有過之而無不及.. 
哩到有大波去到飛機場…基本上咩身材都可以見到..
我更加係到練到點樣目測..條女個波真定假.. 
而因為我食煙關係。。




有時候我都可以同佢哋吹到兩咀。。
更加有D小姐會傾個心同你做朋友.. 
而因為同佢0地熟關係..
佢0地都會講下佢d 0野..
 
你會發現佢哋做哩行。。來來去去都係個啲原因！ 
邊啲原因？咪又係差貴利。。屋企有事。。養屋企隻”狼狗”--！ 
但其實我覺得佢0地講個D種種原因都係籍口,
佢0地都係用0黎呃佢0地自己, 
令佢0地覺得佢0地做哩行..係理所當然.. 
俾佢0地過到自己個良心..
減低自己做哩行自己個罪惡感.. 
可能你0地會覺得哩班小姐。。
唔抵可憐。。自甘墮落。 
但當你同佢哋交心之後。。 




你會發現佢哋比某啲港女更真。。 
比某啲港女更懂男人諗咩。。 
更最重要0既係佢0地比某啲港女更加靚。。
 
 
 
或者我以AMY為例。。 
我係哩3個星期，
基本上。。我每個晚上都見到佢返工。。
佢亦都係同我較傾得最埋。。 

Amy一邊吞雲吐霧,一邊拍一拍我個檔口:「點呀。。？又係到hea..」 
我唉聲嘆氣：「鬼咩。。今日閒日..唔靜就有鬼」 
Amy:「話時話點點解你做哩行？人工又唔高。。工時又閪!」 
我搖一搖頭：「我讀書唔多。。無計啦…」 




唔通我做臥底..又話過你知咩..? 
我續問：「咁你哩!Amy姐你又點解入哩行？」 
Amy淡淡然咁答我:「點解做哩行?為興趣囉!」 
我嚟唔切反應：「下？」 
唔係掛..聽人講就講得多…
唔通真係有女仔會為興趣入哩行.. 
我再望望AMY個魔鬼身材..
再望下佢有幾分似淫KAY 0既樣.. 
我個腦又不由自主地幻想起一段又一段0既av情節…
 
 
Amy大笑:「哈哈哈。。屌你..你唔係信呀。。？」 
我頓時由幻想扯回現實.. 
Amy再抽一口煙:「我做哩行。。都係為咗自己條仔。。」 
又係哩d答案…唉… !?又係養自己屋企隻狼狗…
我都想識到d女仔..做小姐養我呀..
咁我就唔洗做臥底咁仆街0既工..
我：「怪唔知你同ivy咁好朋友。。」 
Amy好大力拍一拍我個手臂: 「仆街仔呀..我同佢點同哩.. 
ivy姐…係俾仔呃..養佢屋企狼狗.. 
而我做哩行係要養我條仔0既老豆老母..! 
佢0地2個都年紀老..要拎舊錢去供佢0地去住老人院..
你都知而家老人院月費好撚貴..1個閒閒0地7~8000!2個!都成萬幾蚊..
唔做哩行…點攪呀?」 
我滿面疑惑咁問: 「點解唔係你條仔養..要你養?」 
Amy面色一沉: 「佢早2年車禍過0左身..」 
我勁尷尬咁講: 「SORRY,我講錯0野」 
Amy眼泛淚光答我: 「傻啦,唔洗唔好意思..都過去0左」
我為0左打消哩個尷尬氣氛..
跟住我立刻打圓場：「不過估唔到AMY姐都係義氣仔女」 
Amy督住自己個鼻好自豪咁講：「梗係啦..我wor..amy姐wor..
你同我識0左3個禮拜..都知我義氣仔女..」 
我輕挑咁講: 「咁我幫襯你..你係咪都好義氣..唔收我錢先..」 
AMY用手指輕輕彈一彈我個鼻: 「屌..講哩D…
你呀..快d轉返份正行啦..你都要成家立室啦!」 
Amy: 「我返上去做0野啦..得閒再吹啦」 

當我望住Amy個背影一下一下上樓梯.. 
心裡有種感覺..就係覺得哩個女仔好真.. 
做人好有義氣... 
可能人0地會覺得佢0地哩行好污穢.. 
睇唔起佢0地哩個行業.. 
但身處哩個行業女仔…比現今港女真係好好多..