【高登英雄世紀】Golden Heroes Universe　: 第三話

第三話

角色：雪哈拉莎德、亞穆


「我終於親眼驗證到藍寶石既傳聞，不枉我巫女　－　雪哈拉莎德花咗整整一個月既心機去追查，實在太興奮喇！多謝你講咁多野比我聽啊小樹木，我遲啲一定會介紹玫瑰小姐比你識架！」


雪哈拉莎德好興奮咁錫咗佢手上既木頭一大啖。離佢大約２百米距離既山坡下，就係藍寶石怪物同灰衫少年既球場。雪哈拉莎德一面凝望住怪物對灰衫少年既追逐，一面繼續同手上既木頭傾計。






巫女－雪哈拉莎德的衣着
https://drive.google.com/open?id=0ByOz1DAAl4KiODVTYU5vRHdqWjQ&authuser=0


「傳聞話俄羅斯一個小市鎮上年某一日，有一班神秘既亞洲人自稱為藍寶石教教徒，佢地使用唔同既地方語言係城市裏面不斷傳教。起初因為佢地有錢不斷幫助窮人，得到好多市民加入成為教徒，佢地用咗三個月既時間就令到全個城市９０％既市民以至地方政府都對藍寶石教完全忠誠。信奉既教徒每日都需要接受淨化，要吸入藍寶石神既靈魂。


日子一日一日咁過，信徒對藍寶石越來越瘋狂，起初，佢地虐待拒絕信教既市民，慢慢暴力事件越來越多。部份人因為藍寶石而出賣家人，出賣身體，有人殺死教徒，最後整個城市都不能操作，所有人都變成行屍走肉，互相吞食對方既身體。但藍寶石既力量令到肉體唔會死去，反而將身體既外形改變，變得更適合殺戮。






由於涉事城市並唔係重要市鎮，事件被俄羅斯政府高壓掩住，人稱為藍寶石事件。據聞俄羅斯軍方用咗半年時間先可以將所有怪物完全清除，但直至現時，仍然未有人搵到呢班藍寶石教既亞洲人，但係根據上次一隻烏鴉同我講既說話，烏鴉佢好肯定藍寶石教既亞洲人就係香港人，而且佢地已經準備緊更大規模既傳教。」


「有英雄？HERO ? Rерой ! ήρωας ! พระเอก ! नायक !


ήρωας ! พระเอก ! HERO ? 有英雄？ …….. 」






「突間我既預感又再出現，每一次預感出現既時侯，成個世界都會變成好似底片咁既負色彩。而今次呢個預感比我見到另一個驚喜，係一個唔屬於呢個世界既人，實在太興奮，太興奮喇！」


突然一把鋼黑色既匕首插中藍寶石怪物既頭骨，一道雷電從雲間向住匕首擊落，雷力隨住匕首穿透怪物整個身體，怪物瞬間乏力準備壓係 Ivan 身上。



一個身穿傳教士服裝既男人一拳將怪物打開兩米距離，雖然佢身穿傳教士服裝，但睇起上嚟一啲都唔似天主教既人。


傳教士踩係怪物身上一手拔出匕首，匕首既長度約30厘米，佢將匕首收藏係腰間，雙手握起拳頭，準備迎戰。


「真正既英雄啊！」





「真正既英雄啊！」


坐係地上既 Ivan 同遠處監察既巫女異口同聲咁叫咗出嚟。


「英雄，我有無野可以幫到手？」Ivan 企起身對住傳教士。


「你企好就夠，對付呢隻怪物我好有經驗」


每當怪物一起身，傳教士就一拳將佢擊倒，每一拳都可以係遠處聽到重擊既巨響。來來回回大約十幾次，怪物好似終於憤怒起嚟，全身既皮膚完全撕裂，變成睇到全身紅色既肌肉，外型就似一隻巨型既蚚蜴咁爬係地上，由地面到佢頭骨己經有兩米高，從佢既肛門位置生出了一條藍寶石尾巴。






怪物既速度回復起嚟，前腿一下抓向傳教士，但傳教士瞬間避開。


「好喇怪物，當時係俄羅斯我一個人已經可以殺死你十個同類，你以為你變成蚚蜴咁既樣我就會怕你嘛？」傳教士既心跳一下一下加快，手握既拳頭亦越來越緊。


傳教士一下跑向怪物，將匕首飛向佢既身體，但匕首仍未嚟得切召喚雷電，被插中既肌肉好快又生出寶石刺。


傳教士不斷閃避寶石怪物爪擊，佢每一拳既還擊都打碎怪物身上既藍寶石。


「　我以為係俄羅斯既清除已經係完結，而家睇嚟，有人將藍寶石改良然後再發放比呢個城市，我可以預見到，再唔阻止藍寶石，呢個城市好快會被摧毀，就好似俄羅斯咁，我唔想再見到屠殺。」






當傳教士既心跳越快，每一拳亦都越有力量，最後一拳將怪物整個頭打甩，跌係地上面。


「唔好打喇，有好多人嚟緊，佢地係有惡意架。你要信我，係隻麻雀同我講架！」巫女走到去傳教士既身後。


突然間，球場四方八面都出現飛虎隊

「係佢喇，係放閃電既人，捉住着傳教士衣着嗰個，要小心將佢制服，呢個人極度危險，佢之前徒手傷害咗我地六個伙記。必要時開槍。」


https://www.youtube.com/embed/sQvQSkA4pws


「我會處理佢地，你兩個唔關事既走先！」傳教士似乎無離開既意慾






「英雄，我感覺到你同我地有唔一樣，有好獨特既過去，我可以知道你個稱號嘛？」巫女


「我已經唔記得我既過去喇，我只係記得我叫做　－　亞穆」


「嘭！」一下來狙擊槍既槍聲打斷咗佢地既對話。

「好危險喇，我地要走喇，跟我嚟啦」　Ivan 一手拉走巫女。


淨低既亞穆孤身對住數十個飛虎隊，來福槍既子彈無一發能夠打中佢，而迎面而來既警察亦逐一被打到飛起。


無幾耐，在旁既警察已經唔敢再向佢前進。


「嘿，你地班廢柴終於知錯，啊　... 」亞穆從後被數支麻醉針刺中，由於佢既心跳速度，麻醉藥極速走勻全身，最終無知覺咁倒地。


一個着白色衫既現場指揮官手執亞穆既頭髮：

「將疑犯鎖起，我地需要好好咁招呼佢。而死咗既嗰隻試驗品要交比陳總，佢地要繼續改良藍寶石。」


不知名既原因下，雪哈拉莎德同 Ivan 走到去旺角一棟大廈既後巷

「到喇，我既直覺話比我知我地無行錯，呢度應該安全，而且仲好可能有幸運既事出現，係頭先隻蝴蝶話我知架，你要相信我。我叫做雪哈拉莎德，係一個巫女。灰色衫既少年，未請教？」


「哈，我叫做咩名唔重要，因為好似我呢種人你好快都會唔記得。剛才混亂既時侯我係地下執到呢樣野，我估我地可以做多少少野。」


Ivan 手上拿出亞穆怪物打鬥時侯遺下既匕首。


「以下係新聞報導，警方出動飛虎隊成功捉拿上星期襲擊六名警員既疑犯，為了公眾安全，疑犯將會扣押係尖沙嘴警署既特別用途拘留室。特首梁振鷹表示警隊以高效率及最低傷害既情況下拘捕疑犯，係香港人既驕傲。


今日下午３時，石硤尾公園的滑梯設施突然變成黃金，市民紛紛帶着工具將黃金鑿走。直至４時警方將現場封鎖及呼籲市民將鑿走的黃金交還政府，如被發現將等同盜竊案處理。


突發新聞，立法會主席曾鈺誠被發現倒斃在半島酒店。警方暫時未有進一步消息提供。



呢節新聞報導完，即將播映浩賢金融特約－財經檔案


HKTV 。」


第三話完