【高登英雄世紀】Golden Heroes Universe　: 第六話

第六話
角色 ：俙源，亞雷斯塔

人生就係一場上帝與惡魔賭注的遊戲，你終歸善良或是醜惡，只是別人手上的籌碼。

十五年前的下雨天，你曾經承諾誓死保護我。


十五年前....





我仲係七歲嘅小女孩，因為父母嘅關係，我嘅童年回憶全部只係被鎖係屋企嘅畫面。我只可以靠係鐵閘，呆呆望住出面嘅天空，但有一個下雨天，你嘅出現成為我回憶裏快樂嘅原因。

舊公屋既間隔，鐵閘仍然有好大嘅空位比我窺探外面嘅世界，當我望住密密嘅灰黑雨雲，心情有點鬱悶，因為我知道，呢道鐵閘或者會到凌晨時候才會再次打開。

寂寞嘅感覺痛苦，但我知道除咗哭泣，我無能力可以對抗。

隔壁嘅鐵閘突然傳嚟爽脆嘅咬蘋果聲音。

「如果你唔開心，我仲有半個蘋果可以請你食，我得返最後一個咋，不過如果可以令你開心返，我唔介意同你分享。」一把男孩嘅聲音從右邊既單位傳出嚟。






「你點知我唔開心？你又見我唔到。」我抹乾眼淚，扮作正常咁回答。

「因為我有超能力囉，即使我睇唔到你，但係我可以感應到你嘅心情，感應到你嘅存在，所以你嘅唔開心，同樣都令到我難過。如果你唔想我難過嘅就試下一齊分享呢個蘋果啦。」

我想了想，最後都係接過佢穿鐵閘遞上嘅半個蘋果。
「你真係有超能力？」我一邊咬着他送給我的蘋果。

「係啊，而且我仲知道未來會有大天使嚟迎接世界，最後人類就會得到幸福，所以無論你有幾難過，你最後同樣亦都會得到幸福啊。」男孩聲音變得溫柔安慰着我。





「我唔信天使，我只係相信世界上有魔鬼，係媽咪話我知，而且佢地好恐怖。」我消極咁回應。

「咁你害怕嘛？」男孩變得好奇

「害怕，同寂寞一樣咁害怕。」

「好的，我俙源應承你，即使將來有任何魔鬼出現，我都會第一時間係你，身邊，保護你！」
俙源從鐵闚伸出手，舉起尾指。

「嗯！我相信你！」

「但你一定要記着我既名字，而且你唔可以同我個名以外嘅人做同一個承諾，你做得到嘛？」當時嘅我對承諾很認真。

「可以，你講我比你嘅個名啦！」





「我個名字係蕾，你可以叫我做小蕾或者亞蕾」

「亞蕾，我答應你」

最後我作出人生第一次信任，將手穿過鐵闚，尾指與生命中一個重要嘅人扣在一起。
童年裏，寂寞嘅恐怖就係被如此嘅快樂一一抹去。


十五年後嘅今日，同樣係下雨天，係雨大得不尋常，係黑色暴雨。


我追蹤住一個不尋常既東西，城市裏一隻中年既獵豹。佢本身係一個人類，但因為好奇令佢墮落，最終變成野獸犯咗不被世人接納既殺戮罪名。獵豹不斷逃走，最後變得疲累，躺臥係四十層高既天台。

我慢慢接近獵豹身旁，當佢發現我就立即露出尖牙，但受傷既前腳使佢企也企不穩。






「　你受既槍傷好重，再唔醫治你只有死路一條，我同你一樣都係異能人，我可以幫你。」我繼續一步一步靠近，手掌放係獵豹受傷既前腿上。


我感受到佢身體裏除咗獵豹同人血，仲充滿住唔同既獸血，野狼、黑熊、虎...

血液係佢身體互相矛盾令佢唔能夠控制自己既獸性。


我用手沾了獵豹既血，係佢傷口上畫上所羅門陣。


「　我亞雷斯塔以惡魔之名，呼喚所羅門之意志，現在要將傷害轉移到他人身上。」

所羅門陣隨即發揮效用，獵豹既傷口慢慢癒合，但不幸既係，係街道上傳嚟慘叫聲。所羅門既魔法係需要付出既，只可以話被轉移既人不幸。






當獵豹傷口完全癒合，佢既身體隨情緒穩定而變回人既型態。



「　德魯伊，你破壞咗遊戲規則所以先得到如此下場，你先前係大學對藍寶石既研究，背後有極大既陰謀，敵人為咗阻止研究結果外傳先至要將你清除。我地係同路人。」


德魯伊全身赤裸，呆呆咁坐係地上淋着雨。

「　如果你講既係真相，我更加要為我女兒報仇！呢件係我既事，我唔需要你幫！」


突然，亞雷斯塔身後出現一道白色光柱，光柱不斷傳出似高速傳送既聲音。





一個身穿純白色祭師服裝既男士出現係光柱之中。

「　無錯，佢唔需要你幫，因為充滿住不潔血液既生物，必須清除，野獸，我係以大天使之名嚟帶你到淨土。請你安靜接受洗禮吧！」


光柱走出嚟既就係俙源，但自從我地分別接受天使同惡魔既洗禮，佢已經唔再係我從前認識既嗰位。


俙源從手上既權杖召喚出天使之矛，衝向德魯依。同時，我亦攞出所羅門法杖。


「　佢係我追蹤咗好耐既目標，我唔會白白比你殺死佢！」我憤力阻止俙源。


「　你地兩個之間既事我無興趣，如果你要殺我就即管嚟搵我，但一日未復仇，我仲會生存落去！」


德魯伊轉身一下就從天台跳到空中，當身體開始墜落，身上既狼血發揮作用，身體變成野狼，快速地彈跳到不同的大廈外牆，最後逃走得無影無蹤。


我又失去一個對付藍寶石教既關鍵，我已經無時間浪費，可惜大天使仍然要插手阻礙。


「　夠喇！」我一下將俙源手上既權杖分解。


「　你決定要阻止我嘛，如果別無選擇，我只有做我最唔願意既決定。」

俙源用左手按着額頭，白光又再次從天上向佢照射。


「　你要記住你對我做過一切既事。」說完後，我雙腳下亦冒出地獄既火焰。


https://www.youtube.com/watch?v=TPSenKymLwk


我額頭上刺出兩隻幼長既尖角，背後生出尖尾，皮膚變成深色，指甲生出尖爪，呢樣就係係地獄生存過後，獲得最原本既面貌，係我心底裏面，就係一隻徹徹底底既惡魔。


俙源被靈光照射過後，亦變成了大天使，拿着長劍與盾。


大天使手執起長劍揮向我，我一手把他從天台打到空中，大天使迴避後在空中飛翔。我一下奮力撲向，我地同時撞落半島酒店既外牆，當我地一直墜落，半島酒店既外牆不斷被我地破壞。


惡魔既力量始終比天使強大，落到地面，我連續向佢揮爪。即使有盾保護，大天使仍被打到企不穩。


變成惡魔既我，不斷向大天使追擊，路旁既車逐架拋向大天使，但佢既劍將每架車都一分為二。


「　正義係需要犠牲，如果你仍然堅持你卑劣既惡魔身份，咁我只好將你淨化。」

大天使再次召喚靈光，但今次既光特別強，靈光召集了數十秒後變到十分不穩定，然後一瞬間，方圓五百米距離既空間全都被靈光炸開，變成只有白色既畫面。


我最終支持唔住，變回人既形態，瞓係地上。


靈光爆發後既半島酒店大門變得一片死寂。


俙源企係我身旁，用劍指着我

「　我地每個人生存都有一種使命，而我後來先發現，我既使命原來係唔可以與你並存...」



十五年後的狂暴雨，你想我不再存在。




靈光爆發既嗰一刻，半島酒店完全停電，　Люси　同電光被困係電梯裏，最終行李箱打開，入面既肢體殘屍四散係電梯每一個角落。
電光雖然不願意，但佢最後使時間停頓，將　Люси　及殘肢帶離電梯。


變成狼既德魯伊係尖東警署聞到有藍寶石既氣味，偷偷潛入。


「　嚟啦灰棍，我都話你要相信我，我既蝴蝶朋友無呃我，係呢度真係見到有大爆炸發生，我地今日真係好好運氣！」雪哈拉莎德一面拖着灰棍既衣服，一面興奮咁尖叫。


「　我幾時話叫做灰棍，同埋我地宜家最重要既係諗辦法將亞木救返出嚟！」

灰棍望着手上屬於亞穆既匕首。


Faker 對着幾個黑影說話

「我們有好玩既行動了，興奮吧，我們的　Secret Operation Society 」


一個肥胖身型既男子係靈光爆發既一瞬間，將眼前一塊玻璃變成黃金，保護咗一個老婆婆。


一名少年正在使用超高科技電腦

「原來腦魔係侵食data 既人工智能，唔係電腦病毒，只要將佢既原始碼捕捉，就可以攞到國防部既資料，嘿，你實在太聰明喇蓋亞。」


桌上的相片旁留下了一張字條

「哥哥，我發現咗相片裏面既人同藍寶石有好大關係，雖然我知你唔鍾意，但我一定要進入呢張相去調查清楚，如果聽日中午之前你仍然未等到我從相片出返嚟，你要有心理準備我已經出咗意外，葉朗字」


一名正在抽煙的人

「我知道吸煙危害健康，但當我未搵到繼承者前，請我既肺癌唔好擴散得咁快。」


服務員客氣地問侯

「請問我可以點樣稱呼你？」

神秘的男子回答

「你叫我先生便可以。」



一名中年男士在高級餐廳裏看着一名少女，看似已經對她非常着迷

「　我可以為咗見你一面而為你放棄所有野，你要愛我啊紅月。」



浩賢：「暫時先阻止所有新聞去報導半島酒店既爆炸，我地要商討點樣修飾事件，我唔想有人知道大天使既存在。俙源返嚟我會好好教訓佢。」


「　因訊號干擾，新聞報導暫時終止，敬請原諒。」



第六話完