香港戰場: 城大篇‧2.城大6樓

2.城大6樓

位於九龍塘的城市大學，設備完善，鄰近大型商場又一城，穿過幾所國際學校，就會到達另一所大學浸會大學，而旁邊就是九龍塘軍營。
城市大學學術樓（一），一般人最常到的是連接又一城的三樓圖書館層，以及「紅門」連接廣場的四樓梳化區。而樓上六樓常有學生在做各種電子、物理實驗。
今天學生如常做實驗，其中光電子科技研究中心，學生已工作了幾個小時。
「1.1、1.2、1.3，停，1.342，mark低未?」高大四眼男李顯明一邊操作儀器一邊說。
「唔得掂!」林志剛叫道，「呢隻物料咁穩定嘅，如果可以量產，隨時做到下一隻光纖喎。」林志剛也是四眼男，不過除了頭髮有點亂之外，並沒有甚麼個人特徵。再加上主要活動範圍是這實驗室，多年沒女生關注。
「我呢邊都ok，大型光束之下能量幾乎無減少，今晚食完飯可以駁電腦做訊息實驗。」說這話的是大隻佬周偉峰，運動健將但頭腦不笨。他停了一停，忽然一問：「有無聽到一直有槍聲?」
「斷估唔係有人播片咩!近排話拍《諾曼第登陸》，睇嚟引到人重溫。」林志剛說。
「嘩!」嘭嘭!




李顯明皺眉，「槍聲好似大聲咗，而且唔似拍戲打仗咁。」
「我出去睇下，」林志剛說完就關機走出走廊。

走廊上早有其他實驗室的人出來察看。
「邊個睇戲咁嘈呀?」張日賢問道。張日賢，機械人與自動化研究中心研究員，在這一層出了名頭腦清醒。
幾個人你眼望我眼，都沒有表示。
生化系美女張美珊面上充滿狐疑，「呢d聲好似......唔係我地呢層傳出嚟咁......」
張日賢正想說話，電話響起。
「喂?」「我係......收唔到呀大聲d......有......好，你等等，學生會有人打嚟話開speaker一齊聽喎。」
電話內傳來聲音：「六樓聽住，即刻疏散，樓下有人持槍亂咁射，已經好多人死咗啦!」




周偉峰衝出來道，「唔撚係呀?」
「有差佬入嚟，但佢地連警察都殺......着住軍服......快d走啦!」電話的另一邊槍聲不斷，很快就斷線。
「大佬，有唔妥，」超金剛石研究中心的短髮女生李佩欣走出來，「窗口見到外面好多人向外跑緊。」
張日賢臉色一沉：「全部執好野，兩分鐘後出嚟。」林志剛立即說：「將實驗室內可以拎出嚟做自衛嘅野執好，包括爆炸品、鐳射、刀、電池，走廊集合。」

兩分鐘後，六樓所有人陸續出來。
光電子研究中心的林志剛、周偉峰、李顯明，帶上手提鐳射及電池，生化系的張美珊與四肢發達但矮的何明發背着一堆試管，機械人研究中心張日賢帶上機械臂，超金剛石研究中心的李佩欣拿出手提激光切割器及一袋金剛石。張日賢進入物理及材料科學系，拿走一些東西後再出來。
升降機已鎖，眾人決定行樓梯下去。