6.會合(上)

團隊:徐可兒、胡文軒、張立仁、陳忠平、船家、老人與小童

胡文軒大聲道:「行前!」
一個男人行了出來,舉高手:「唔好開槍,我地無惡意。你地係咪有船?可唔可以載埋我地?」
這個男人在燈光下站住,又有一個女人和男人站在他旁邊。
「你地架船去邊度?會唔會過港島呀?」這個女人問。
徐可兒在手推車後說:「我地唔知你係咩人,好難載埋你。」
這個女人續說:「我地係浸大學生,有D野要拎去港島,所以睇下有無方法過海。」




胡文軒道:「拎咩野?我唔見有咩野喎。」
「係一份文件。」
聽到這一句,幾個人靜了下來。
還是胡文軒先說:「你地係咪將份文件,放到聯校網上面?」
為首的男人臉上欣喜:「係呀,你地咩人?有無帶住份文件?」
胡文軒等人心情一鬆,徐可兒與老人家也從手推車後站起來。躲在建築物旁的陳忠平,也將手中的手榴彈收回。
兩批人各自走出來,都沒持有武器,在碼頭前介紹一番。這一批浸大學生,即是張明德、黃海澄一行人。

陳錫明、江國斌等人,幫手將武器推到船上:「你班友仔,搬咁鬼多軍火走呀?」
張立仁笑道:「我地唔知有咩突發情況,所以有盡量搬先。」




張豐年走進船艙:「你地提到文件,睇未?其實我地仲未知咩事。」
張立仁道:「睇晒,你地仲未睇?睇完就知點解九龍搞成咁。」
船家看突然多了一群人就皺眉:「好彩我隻船夠大,你地呀,小心D唔好整爛D野。」
一時間船上有幾十人,頓時變得熱鬧,幾乎不覺得正在打仗。
天空紫色迅速染成深藍,再漸變成黑色。
就在他們準備出發時,突然聽到建築物後方傳來嘈雜聲。
「喂,你地仲有人未上船?」陳忠平問馬惜君。
「唔係喎,齊人喎!」馬惜君道,「會唔會係水警返換班?」
眾人一聽,即時手忙腳亂:「嘩,係就大獲,喂,快d開船啦!」
船家立即開船,不久就發現浸大學生走過來的通道上,有一班人出現。




此時船隻已駛遠,所有人都進入船艙,以免被人看見。

各人在船艙找到自己的位置後,剩餘的空間已不多。
張明德先說了自己如何得到這隻USB,以及之後逃走的經過。
胡文軒問:「咁即係話,你地到而家都未睇晒呢份文件?」
張明德搖了搖頭:「根本無時間睇。」
胡文軒叫張立仁:「叫船家停一停,我地簡單講一講份文件。」

胡文軒等人簡單講一次文件,部份內容張明德與黃海澄已知道,但還是有點意外,更不用說其他市民聽到後如何震撼。
最後,胡文軒說了這份文件擬定人的名字。
這份屠殺香港人、吸納「聽話」移民的建議書,是由一位土生土長的香港人,一位大學教授編寫的。
道德、品格並不是讀書就有,也不會與金錢同在,文質斌斌的學者、社會名流、專業人士、商界鉅子,常會為了利益向別人的背上捅上一刀。仗義每多屠狗輩,只怕是因為屠狗輩沒有甚麼利益衝突而已。
即使是「和平日子」,這個城市每天也有腥風血雨的「屠殺」,人們以壓搾他人來得到利益,稍有不滿即擺出高高在上姿態直斥不是,拼命把人壓得透不過氣來,卻指被壓搾者「不思進取」。
似乎,這是人類的劣根性。