[外傳] Golden Heroes Universe :黑翼天使卡羅 作者：少林一包莖: （序）

[外傳] Golden Heroes Universe :黑翼天使卡羅 作者：少林一包莖

十四世紀，全歐洲正處於「獵巫時代」。同時天使同惡魔既戰爭都進入白熱化。


天界罕有派遣天使直接幫忙教廷。由天使狩獵惡魔同妖獸，另一方面，教廷暗自鼓勵信徒「獵巫」，企圖將撒旦信徒、子嗣連根拔起。


面臨被滅族既危險，撒旦決定派遣「代言人」領導地上惡魔、崇拜者，統一各異教者、惡念者、魔獸，並與天界正式開戰。







而當中著名既就係安道爾戰役，近五萬驅魔人、三千天使、五千惡魔以大量魔獸參戰，天界戰役近折損二千天使，驅魔人幾乎全滅，大天使拉斐爾受重創，加上「獵巫」情況失控，天界與教廷背道而馳，天界停止派兵，神魔之爭只剩下零星沖突。



而撒旦五千魔戰士只剩下唔夠三十人，代言人帶領佢哋離開戰場，重整勢力，而戰士們並成為魔族既英雄、導師。
大天使拉斐爾既受創成為整個戰爭既轉折點，而拉斐爾就係敗於一個人：血師。血師無惡魔既魔力，無妖獸既力量，但佢有連撒旦都認可既頭腦，佢帶領四名最強既殺手突襲拉斐爾，喺血師既戰術下，殺手之間配合無間。面對零死角既攻勢，連大天使都無法抵擋，力竭而亡。雖然天使並唔會真正死亡，而係喺天界中重生，但呢一戰令天界戰線出現裂縫。而血師天衣無縫既戰術被稱為「禁足天使」。