你叫我做浮誇吧⋯⋯ 
電話響起,來電顯示一個unknown號碼 
「喂,我想搵Dickson 」 
依把聲咁熟嘅,唔通係? 
「我係呀,你係⋯miss Yu?」 
「係呀,你咁都聽得出嘅?你好啲未呀,我聽同學講你食物中毒入左醫院成個星期,所以問你同學攞左你電話,想睇下你點囉。你出院未?」 
「我出左院啦,有心,我下星期一可以返學架啦!」 
「咁就好啦,想提提你,下星期二有test, 但係你有一個星期無返,想睇下洗唔洗幫你補課,我怕你fail」 
「好呀,幾時?喺邊?有邊個?」 
「哈哈,你好鐘意讀書架?補課都咁興奮?」 


「我⋯我怕追唔切呀嘛」 
「你星期六得唔得?得我同你咋,可以上我屋企補」 
「得,我得呀!就星期六啦!」 
「咁約定你啦,我一陣text我地址比你,不過你要應承我,唔可以比其他人知我私下幫你補,唔係我會連份工都無埋,ok?」 
「無問題啦,星期六見!」 
Yes! 老母,我得左啦!我興奮到訓唔著,日日就係諗住呢個星期六! 

星期六早上,我一早出門口,買埋早餐搭車去miss yu屋企。 
叮噹! 
開門嘅,係一個赤裸上身嘅後生仔,我好肯定自己無㯲錯門鐘,唔通⋯唔通佢有男朋友?
已有 0 人追稿