就係咁,我地分左手,我無挽留,因為佢講得好岩⋯
每次我諗起佢,我都會食煙然後儲起個煙頭,
儲儲埋埋已經一大樽⋯老豆喺美國識左個日本女人,
留左喺果邊同佢二人世間無再同我住。間屋得返我一個,好孤獨⋯

從facebook 得知琪琪真係會去外國進修,我鼓起勇氣,send左個msg 比佢。


BB
希望你唔好介意我重係咁叫你,你就當係最後一次啦。


我知道你決定左去外國,恭喜你,你願望可以實現啦。
同你分左手3個月,我都無搵過你,
係因為我覺得你講得無錯,原來兩個人喺埋一齊,唔係單單愛就可以。
我真係有好多地方都做得唔好,唔識為你著想。
你成日都好似細路女咁嗲我,但原來一直為黎,細路仔果個係我⋯
唔緊要啦,我知道you deserve better, and I can be better!!
希望你依然會當我係你朋友,未來嘅事無人會知架嘛,
可能我地未來會再見,然後你又再一次對我一見鐘情呢,係咪?
我祝你一路順風!有咩事你都可以搵我,我會飛去你身邊!
迪迪



已有 0 人追稿