我的女神老婆奴日記，你可以完整地恥笑下去: Chapter 10 難得的聚會
汶淇産後到我們公司任職的消息，
很快便傳到林至豪等人耳中，
(豪: 唔係呀嘛，玩到咁大！)
(傑: 我唔想以後拎洗手間卡，都要睇人面色！)
(Ricky: 子琪好波！以後返工我無女撩啦，唉！)
(安: 阿嫂的確真係......可怕得很！)
(豪: 我同佢做過同學，我都感受到同佢做同事既結果！)
(傑: 我要轉工呀，嗚嗚！)
(Ricky: 你地走咩呀，仲有一年合約嫁你地！)
(傑: 當我地無講過囉。)
「老公，仲有一個月我就要入醫院啦。」
「做咩呀，擔心？」
「唔係呀，我......想老公陪我多啲。」
「我緊係會陪你多啲啦。」
「唔準出去攪攪震呀！我唔係屋企期間。」
「放心啦，準時同你報到，好嗎？」
「好啦，老公呀，難得平日放假，不如同我行一陣呀？」
「好呀。」
牽著汶淇在觀塘散步，早上的觀塘真舒服，
沒有太多的自由行，只有趕著上班的上班族。
現在的日子其實真的不錯，沒有什麼的煩惱。
也許汶淇自懷孕以來，很久沒有在平日中外出閒逛，
難得有一天我們如像往日拍拖般逛著，真是有點令人懷念。
「難得係你公司附近，不如今日搵埋林至豪同子琪佢地食Lunch？」
「都好呀，用你既whatsapp搵佢地。」
(豪: 好啦，轉頭見呀！)
(傑: okay，等我做埋啲野。)
(子琪: 我地轉頭見。)
(安: 阿嫂叫到，我點都會去。)
果然，未幾他們收到汶淇的Whatsapp則全部答允了，
第一，雖然害怕汶淇，但畢竟相識多年，
第二，其實他們很久沒有聊天了，哈哈。
好像很久沒有這樣陣容的聚會，
於是汶淇早早便到了一間餐廳留了位。
正午十二時，他們果然準時到達，
真是當之無愧的準時一族。
豪:「汶淇，今日去檢查點呀？」
她:「好好呀，下個月預産期。」
傑:「師姐，今日好似好開心咁。」
她:「係呀，平日好小出街，不過今日有柏文係度至有得去街。」
子琪:「汶淇，好耐無見啦，你入職既野我同你攪掂曬啦。」
她:「唔該曬你呀。」
原來真是子琪做的好事，不過已成定局的就算吧。
安:「阿嫂，果然仲係保持住最索既一面。」
難怪李安可以把到了現任的模特兒女朋友，
他的口才其實都有一套的。
「好啦，係度同大家宣佈一個驚喜啦。」
老婆突如其來的公怖，到底是什麼喜訊？
難道準許我到天上人間？
謎之聲:「你真係想下好啦。」
「就係，今日醫生同我講，我呢一胎係仔黎嫁。」
豪:「恭喜曬，柏文恨到啦，佢幾驚係女呀，同媽咪連成一線對付佢。」
哎呀，該死的林至豪，害得我被人扭耳朵。
傑:「咁諗住改咩名?」
她:「未諗到呀，大家可以一齊諗下。」
我:「唔洗問下我地兩個既母親大人咩?」
她:「都會問，集思廣益囉，始終奶奶佢地改名真係......」
汶淇所言不無道理，我的名字叫李柏文，很好聽對吧？
就是因為我去世的父親得知她的老婆找人改了一堆名字，
要是長大留堂罰抄的話，肯定會抄得吐血而死。
於是立即廢除了她的提議，決定使用柏文這二字。
我的父親真是一位男子漢，可以把我野蠻的母親鎮住，
可惜的是......他沒有把這招遺傳給我，唉！
而岳母更不用多說吧，許汶淇這個名字，是由我的岳父大人取的，
不過岳父大人跟岳母已離婚了，好像現在定居上海。
子琪:「不如你地既小朋友，有個希字啦，代表希望！」
豪:「有小小女性化。」
傑:「咁不如用呢個熹啦。」
我:「罰抄既話會出事。」
她:「但我覺得幾好呀，唔好下下諗個仔讀書會俾人罰，好似你咁咩死佬。」
我:「老婆咁講，用呢個熹字。」
唉，熹熹，長大後，你要為爸爸爭回一口氣呀。
豪:「柏文兄真係老婆萬歳。」
傑:「哈哈。」
安:「咁全名叫，李咩熹？」
「李俊熹！」
汶淇突然吐出這個名字，看來她早有準備了。
「好名喎。」
眾人異口同聲地回答。
這個難得的聚會，眾人都期待著新生命的來臨，
回想起，我們過往還在麥記，討論的是誰喜歡誰，說一些冷笑話，
而今天，我們在餐廳，討論的是我寶寶的名字，
說一些過往都沒有想過成熟的話，我們都長大了。
唯一不變的，就是我們的友誼。
「既然你地都有好消息，我都有好消息公怖。」
子琪替我們高興的同時，同樣有好消息公怖。
「就係我兩個月後同豬哥結婚啦。」
汶淇驚訝地問道，
「下，咁突然？」
豪:「聖人傑，你家姐結婚唔同我地講既。」
傑:「下，我完全唔知，我都係岩岩至知。」
豪:「你地係咪一家人?」
傑:「好問題。」
「因為我.....有左兩個月啦，豬哥話係時候結啦。」
安:「嘩，柏文，佢地學你同汶淇咁。」
但願豬哥不會成為老婆奴二號吧。
「恭喜曬呀！我等我個仔同你個BB做好朋友嫁。」
汶淇真是呢，一聽到別人有了小朋友則掛出一副幸福的樣子。
兩個月後，子琪的結婚晚宴，我們全體均有出席，
而汶淇則挺著肚子赴宴。
還記得子琪的姐妹團真是美得很呢.....不過我不敢偷看。
而豬哥的兄弟團，我則不敢恭維。
聖人傑還笑笑說，要是在晚宴進行中，你的小朋友趕著出世認識伴娘姐姐，
這就真是一個很有趣的日子！
當然，他會因為這一句話換來是汶淇的問候。
聖人傑果然是受聖靈感召的混蛋，
他的預言真是很靈驗的，
晚宴回家不消一會，汶淇的肚開始痛起來，
我跟她二人都清楚，小朋友是時候出世了，
於是我立即領汶淇到醫院。
醫生見狀立即轉移汶淇到産房，
大約等了三小時後。
「恭喜你，生左個仔呀，母子平安啦。」
聽到母子平安這四個字，我立即放下了心頭大石。
接下來的當然是報喜吧，母親大人，岳母及林至豪等人，
真的是電話都打得手軟。
過了一會，汶淇便在病房中休養著，
「老婆，你有無事呀？」
「嘩，你個仔五膀半，真係生到我呢。」
我二話不說便親了她一口，
她其後更鬧著說要看熹熹，但我堅持她的傷口還未復元不能下床。
幸好這裡的護士姐姐人真好，把熹熹推到汶淇的床邊。
這裡是私家醫院來的，服務當然好。
「女呀，生完見點呀你？」
「唉呀，汶淇呀，多謝你幫我地李家生個咁可愛既男孫。」
兩位美麗的太太，你們真的不用睡嗎？
這裡晚還趕過來，有時候女性的心態真的摸不著頭腦。
「喂，柏文，一望到你個WHATSAPP就趕過黎啦。」
原來是子琪豬哥，林至豪，聖人傑和Crystal，你們真的有心。
不過，子琪跟豬哥今晚不是洞房夜嗎？
我不想因為寶貝兒子而被捉去燒春袋。
我:「你地又會一齊黎既。」
豪:「晚宴完左我地去左唱K，睇到你既信息就一齊坐的士過黎。」
我:「李安呢？」
傑:「的士唔夠位，佢坐另一部。」
李安真可憐呢！
豪:「影張相俾妙婷睇下先。」
Crystal:「我同bb玩。」
傑:「我玩我個bb。」
子琪:「唔好教壞小朋友啦。」
這個凌晨，我們都沉淪在一個迎接新生命的快樂之中，
而我們的寶貝熹熹，的確有我的遺傳，
護士姐姐餵奶時總望著護士姐姐的奶奶不放，
汶淇總是說:「個仔似足個老豆。」
而在一些平板電腦的護士姐姐抱著他的時候，
他總會哭得一發不可收拾，
要其他護士或汶淇哄回才收口。
果然，這個是我的寶貝！
「唉，遺傳曬老豆好色既性格。」
「男人最緊要係鍾意大波呀！」
「大有咩好姐，好似媽媽咁岩岩好就得啦。」
「老婆，你都唔細下。」
「得啦，唔好再講啦，教壞個仔呀！」