《善惡的彼岸，或許都是愛》: ６－５

「靚女.....你.....」健志不知道應說什麼，也不知道要問什麼，但他要道這一刻他不應沉默。

「我既魔力只夠回復我既皮膚，或者你隻腳。你放心啦，我再修練多一陣，就有足夠魔力可以兩樣野都回復到架啦。」靚女笑笑地道。

但大家都知道，效果如此大的魔力，又怎能在一時三刻內鍛煉出來呢？

「睇黎，你頭先講果幾個人，係西方既死神。」一名老者把話題轉回來。

「西方？」眾人不解地問道。





「無錯。我地東方有勾魂使者，西方一樣有死神；我地有月老，佢地一樣有丘比特。無咩值得出奇。」老者說。

「好耐以前就試過有一次丘比特同月老為左一對戀人既命運，而引起左亡者界既大戰爭。睇黎今次都難免會有場腥風血雨。」KJ說，亡者們最初的導師。

「唔會，今次唔會再有大戰爭。因為我唔會准許你再去搞事！」又一名長老對著健志說。

「我搞事？你知唔知佢地幾個搶走左一個凡人既靈魂，令一個凡人而家變左植物人訓左係醫院？你叫我唔好去救人，你痴架？」健志憤怒地說道。

「咁你去救丫，之不過我地亡者國度呢邊唔會對你有任何支援。你咪再去睇下你仲有幾多隻腳可以斷囉。」老者對健志說。





健志正打算拿出筆記本，再傳送去小思身處之地。

只是此時靚女卻抓住了他的手。

緊緊抓住。

「如果你再有咩事.....我就救你唔到架啦。不如....不如你唔好去啦。」靚女對健志說。

健志望望自己健全的雙腿，再望望現在尢如怪物一樣的靚女。





他知道自己有所虧欠。

健志望著筆記，望著小思的名字。

也望著在不久前出現在小思名字下面的「靚女」二字，心中一陣掙扎。

掙扎得恨不得自己立時再死一次，就能忘卻所有煩悶。

情與義，到底那個值千金？