《善惡的彼岸，或許都是愛》: 1-2

「嘩……呢度好靚呀，係天堂？」健志問道。

使者說：「呢度係亡者學院既入口，入面係一間類似學校既東西，你會係入面學點樣做一隻鬼。到你成功

畢業後，你可以選擇投胎，或者去做個神官守護下人類咁果Ｄ野啦。總之你而家係度排隊等陣先，到佢開

門你入去就得架啦。我仲有野做，我走先啦。」使者邊揮手邊說。


「喂喂，要等幾耐架。」健志問





「唉，你都死左啦，仲咁心急做咩姐。人未死就話要係有限既時間內做晒自己既目標姐。你人都死埋，有

無限既時間啦，先學習下耐心等待先啦。」使者一邊說，一邊拿出了一本筆記在寫，然後便消失了。

數小時後，站在亡者學院門外的鬼魂愈來愈多，健志也認識了很多同學。

「嘩….你….你仲有把刀插左個心口度喎。」健志向一名一頭金髮的年青鬼魂說。

「超，你夠有把較剪係個天靈蓋度咯。」金髮年青鬼魂說。





「唉，頭先劈友果時比人暗算我，果班所謂兩腋插刀既兄弟又唔見晒影，結果搞到得返我一個人心口插刀

而死。」金髮鬼說：「出黎行預左要還，係估唔到第一次劈友就要還姐。如果有得再投胎，我一定會好好

地讀書，唔會再行古惑、唔會再呃蝦條、更加唔會再一邊喊一邊自拍再放上Facebook。」金髮鬼低頭道。

「放心啦，我頭先聽個勾魂屎忽鬼講，我地係呢個學院度畢業就可以去投胎架啦。你下一世一定要比心機

啦。」健志舉起大母指說「唔似得我，投得胎黎我諗我老婆都死左啦，而家我真係死無可戀啦。」





「……你老婆搵把較剪插死你你都咁愛佢，你真係痴情。」金髮鬼說

「唉…..說來話長，我都估唔到會死得咁樣衰。細細個打洛克人果時就覺得果隻較剪人好有型，點知原來

把野咁難襯得好睇。」健志笑說，兩人的笑聲響徹亡魂學院門外，令本來心情緊張的各鬼魂都輕鬆起來，

紛紛作出自我介紹，認識朋友。朋友果然是一樣無論我們生前或死後都必然需要的東西。

「大家好，我叫健志，大家叫我較剪人啦，好似型Ｄ。」健志一邊向各人作出自我介紹，一邊指著自己頭上的剪刀。

「HI，我係肥龍，你地叫我金毛仔得架啦。反正生前Ｄ人都係咁叫我。」金髮鬼也作出了自我介紹

「大家好呀，我叫阿美，大家叫我靚女啦，以前Ｄ人都係咁叫我。」阿美肯定是被火燒死的，大家都從她全身被燒得香脆的皮膚看得出來。





大家一個接一個地作出自我介紹。正當門外的氣氛變得鬧哄哄的時候，一名看起來非常德高望重的老人輕

輕地把一直深鎖著的學院之門推開，慢慢地從門內走出來。一邊走，一邊打量著場內約一百名的鬼魂。