「唔好意思咁多位,我一諗起果班自殺既神經病我就會好鬼嬲架啦。有勇氣死都無勇氣面對,我地「不甘

之院」不知有幾多唔想死既人,偏偏就遇上意外就咁收皮。唉,真係唔公平。」KJ低頭說道,臉上帶著

半分唏噓。

「至於「休生之院」果班老野,因為大家都覺得佢地係人世間既時候已經工作左好耐,有好多既管理經

驗,所以都會安排好多長老級既高職位比佢地做。呢班老屎忽大家遲D會有好多機會見到佢地架啦,因為





大家遲D既上司好大機會就係呢班人。所以成日都話,你的死法如何,你的起跑線也就如何。」KJ不忿地說。

聽到「老屎忽」三個字,台下有幾名新鬼也露出了忿忿不平的樣子,相信他們生前應該也曾受過公司中「老屎忽」們的欺壓。

「咁「善教之院」果班友,生前都係做盡D窮兇極惡既架啦,所以死後就會訓練佢地成為靈界警察。不過

所謂「江山易改,本性難移」,基本上佢地都係一班有牌爛仔黎架姐,同人間果班警犬無咩分別。所以大

家要小心唔好得罪佢地,如果唔係你地就會好麻煩架啦。佢地幾千年黎唯一係出過一隻叫幽助既日本鬼算





係一個好少少既靈界警察,其他果D多數都係廢柴黎。」KJ憤怒地拍著桌子道。

「KJ,入正題啦好嘛,我諗你講太多廢話啦。」一名年青助手在KJ耳邊輕聲說道。

「好,大家,其今堂第一堂主要係想解答一下大家對死後國度既問題。而家係問題環節,歡迎大家提

問。」KJ說

「既然你話今堂係想解答大家既問題,點解一開始又唔比我地問問題呢KY老師?」健志報復性地問道。





「呢位頭先比我罵完既較剪頭同學你好。首先,我個名係KJ。第二,如果頭先任你地亂咁問野,個場面

一定會亂七八糟架啦。我相信而家大家都對成個死後世界有左一個基本既認識啦下話,希望下個問題可以

有多少少既深度,好嘛大家?」KJ說。

「我想問下我地會唔會再死多次,即係電影入面成日講果D魂飛魄散」靚女問道。

「咦,點解會有黑人既喂,我地呢邊明明淨係收東方人架渣喎。」KJ一邊說一邊定神打量靚女:「……

哦哦哦,你係燒死燒黑晒既,我明啦,唔好意思呀。回應返你頭先既問題,答案係「會」既。」KJ邊

說,邊舉起右手。慢慢地有一股紅色的氣團凝聚在KJ手中,是魔力。