《善惡的彼岸，或許都是愛》: 1-12

「頭先第一步，大家要學習點樣提煉魔力；而家第二步，就係要學點樣留住提煉出黎既魔力。」助手說
 
「頭先大家係靠回想死果時既感覺黎刺激自己既情緒，用不甘心既力量激發出自己既魔力。不過同一種方法唔會再有效，所以而家你地要學識好好地學習點樣控制頭先果種「充滿能量」既感覺啦。」助手說
 
「我…..我讀得書少，唔係好明你講咩。」金毛仔問。
 
「即係我地要將頭先做既野重複無數次，直到就算我地唔叫出心中不甘既字句時都可以冷靜地提煉出魔力，啱嘛，助手先生？」博士突然推門而入，身旁站著帶他過來的ＫＪ。
 
「原來頭先佢提煉左一團透明既魔力出黎，我差少少就睇漏眼，好彩佢凝聚左差唔多成三十秒，所以我先發現到。」ＫＪ說
 




「好，入黎坐先。呢位同學講得既。我地要慢慢捕捉到頭先果種魔力出現既感覺，然後不停練習，直到無需任何情緒刺激都可以隨時隨地將魔力運用到。你睇我同ＫＪ，我地發出魔力既時候係會用英文將個魔力既效果叫出黎。因為我地已經接觸左魔力呢樣野好耐，所以可以提煉出唔同形態既魔力。將個效果叫出黎係方便我地將唔同種類既魔力提煉感覺連繫埋一齊。」助手一邊說，一邊把玩著他手中的魔力，只見他手中的魔力由紅色，變為藍色，再變成淡黃色，最後消散掉。
 
「不過，多數鬼可以提煉到出黎既魔力都係比較大路既三原色，最多係有深淺之分。好似你地班人咁又黑又白又金又灰又透明，真係好少見。」助手補充說。
 
「你地慢慢係呢度練習，直到你地可以將魔力維持一小時，就可以去下一間房啦！」助手對所有房中的人說。
 
「助手先生，我想問下點解呢，釋放魔力果下你地要講英文，而唔係講返自己既語言既呢？」靚女問道
 
「哦…因為我同ＫＪ都好認同一位人間哲學家所講既一句話。佢話：「真心說話用外語講，會真心好多嘛。」助手笑說，並離開房間。
 




有目標的時候，時間就會過得特別快。轉眼他們已修練了兩星期，每日都是過著「訓練後回家休息然後再訓練的日子」。