《善惡的彼岸，或許都是愛》: 2-3

該名勾魂使者導師，正是那名貌似林夆，當日把健志魂魄勾走的那名使者。

「自我介紹下先啦兩位，好嘛。你地有排相處架啦。」老者說

「你好，我叫健志…..」健志還未說完，就被他的勾魂導師打斷了。

「生於1987年8月12日，死於2013年4月8日。於求婚途中被人……被人蓄意?被人蓄意用剪刀於高空投下

直插要害而死，終年差幾個月就26歲。我記得你，當日我負責勾你魂返黎既。但原來你係比人蓄意害死





架咩？咁我有幾會帶錯左你黎「不甘之院」喎。你應該要去「復仇之院」先啱架喎。」

「下，我唔係死於意外架咩？」健志驚訝地問道。

「….根據我本生死冊，你係比….你係比你女朋友小思，既另一名男朋友殺死架。」使者說。

「小思……小思仲有另一個男朋友？」健志腦海中突然空白一片。

「好啦好啦，你地係時候行啦，去去去。離開左呢度先慢慢吹水，咪阻住我收工。」老者一邊趕走他們，一邊說道。





「喂，林夆，你頭先有無吹水架？小思邊有可能會有第二個男朋友？」健志問

「我個名唔係叫林夆……我叫雷風，你可以叫我Thunder。」雷風說：「每個勾魂使者都會有一本生死

冊，清楚列明晒死者既死因，時間，地點，情況。無可能出錯既，你認命啦。好彩亡者國度入面無高登，

如果唔係又有一個護眼綠帽Post誕生。」

「你比本野我睇下。」健志試圖搶去雷風的生死冊





「放肆！」雷風大喝一聲，魔力暴發，一道旱天雷轟在健志頭頂上的剪刀上。整把剪刀被極得灰飛煙滅。

從此，「較剪人」的「較剪」就消失了。