《善惡的彼岸，或許都是愛》: 2-7

「等我睇下先～今日等我帶你去勾D初心者魂先啦。拿你而家打開你本筆記，係搜尋果度打「勾魂」啦。」雷風指示健志。

健志照做，只見立時出現了一堆名字。

「嘩，咁多，邊做得晒？」健志驚訝地道。

「哦....呢度係WAITING LIST黎，基本上急切需要去勾既魂只係個名下面有粒星果D既姐，其他既，你覺得係時候囉，咪去勾囉～」雷風說。

「下.....姐係WAITING LIST上面班人幾時死係由我地黎決定既?」健志問。





「通常有星果Ｄ都係意外死既人，急需我地去帶領佢地黎亡者國度，如果唔係佢地就會變野鬼，隨時有機會去作惡人間。而WAITING LIST上面果班就多數係有病或者係年事已高既人，你大可以去觀察下佢地生活成點，先慢慢決定幾時去勾佢地魂既～」雷風繼續教導健志。

「觀察？」健志不解地問。

「係丫，如果你覺得佢地其實生活係世上都係受緊苦既，咪早早去勾走佢地等佢地早日解脫囉。相反你覺得佢地好似雖然係等死，但生活都好精彩既，咪由佢地係人世間玩多陣囉～反正人人都總有死既一日架啦。」雷風輕笑說，把死亡說得很輕，很輕。

「姐係所有勾魂使者都係用呢個標準？」健志問。

「NO，呢個只係我既標準。有D仆街鐘意係人地覺得好有希望，人生好開心，好想再活多一兩個月既時候去勾既。大家價值觀唔同啦可能，不過我最憎呢Ｄ使者。」雷風忿忿不平地道。





「拿，唔講太多啦，實習下啦。你試下呢個公公啦。我觀察左佢兩個月，佢D仔女個個都唔理佢，放佢係老人院等死。公公日日都鬼咁悶，你帶佢上黎亡者國度HAPPY下啦。」雷風對健志說「我係後面支援你。」

說罷，健志就順著雷風指著的名字按下去。

咻的一聲，他們來到了一座老人院。

「之後呢，佢無啦啦點會死。」健志問。

「拿，你而家用少少魔力，咁佢就會見到你。如果佢願意同你溝通，願意接受死亡，佢就會自自然然跟你走架啦。至於個軀體，就會放低係度，咁就係人們口中既死亡啦。」雷風說。





健志試著，慢慢運起魔力。

.....................

「公公，你睇到我嘛？」健志問道。

「你.....你係咩人呀!!!!」公公大驚道。

「公公你唔洗驚，我係勾....公公!!!!你做咩呀，你無事丫嘛。」健志大驚道，發現老者突然按著心臟，呼吸困難。

老者徐徐到地，臉色蒼白。

突然雷風和健志的筆記都響起「叮」的一聲。

只見筆記內，老者的名字下方出現了一粒星............





雷風望著健志：「你唔係咁黑仔下話，一出場第一次勾魂就嚇死左人？我做左咁耐都未試過，唔通你真係太樣衰？」

現場只留下沉默，和剛出現，老者的靈魂。

「你個仆街仔，嚇死左我囉你知唔知呀，邊有人會無啦啦咁出現架，你勾魂未勾魂囉，突然彈出黎做咩呀，慢慢行出黎唔得既!!!正一打靶.....」老者一邊被帶領到亡者國度，一邊破口大罵著低下頭來的健志和雷風。