《善惡的彼岸，或許都是愛》: 3-3

「晉然，你好呀，我叫健志，係勾魂使者，家下叫做幫下手，帶你周圍行下，參觀下呢個叫亡者國度既地方。」健志道。

「你...你就係向小思求婚果時比把飛較剪插死果個健志？」晉然疑惑地問道。

「係丫，所以我老頂咪覺得我地好似會啱傾d咁，就叫我黎負責安慰下你，平時我唔洗做呢d低級野架！」健志抬頭說道。

「唉...小思都真係劏豬得下，連續四個男友都死於非命。」晉然淡淡地道，彷如在說著不關己事的事情似的。

「？四個？我...我從來都無聽佢提過既？」健志驚訝的地說道。





「係丫，你係第三個，我係第四個。第一個係個洋腸鬼仔，係小思外國讀書果時識既。聽佢講話個鬼仔係party度high大左，結果因吸食過量毒品而死。」晉然說。

「抵死。」健志說。

「第二個呢，就係同小思去燒野食果時意外地燒死既。當日唔知佢係低能定扮型，走去用火酒透爐，結果搶火，燒左成三四分鐘先訓低。」晉然依舊用淡淡的聲音說道。

「...死神來了定春嬌與志明呀大佬...。」健志說。

「真係枉你身為一個勾魂使者，咁既問題你都問得出既！！」雷風不知從那走出來，大喝道。





「妖你收聲先啦，我未問完呀！小思點解從來都無向我提過架？！」健志問晉然。

此時，晉然心想起了，有一晚......

「你又拎住你以前條仔張相黎睇？」晉然對坐在床邊，拿著健志相片在傻笑的小思說。

「嗯。我真係好鐘意佢架...佢呢，天生係個黑仔王黎架，成世人無野順利過。但我同佢一齊三年，一次都無聽佢恕過。返而有少少好野發生，例如食車仔人地比多左個佢，佢都可以開心成日，好鬼可愛。」小思說，咀角泛起一絲甜甜的笑容。

「所以你一直都無同佢提過你既劏豬事蹟？」晉然不屑地說道。





小思向晉然舉起了中指，然後說：「係丫，費事嚇走佢啦，香港地真愛難求丫?你睇我同你？你愛我既身軀，我愛你既錢財，幾現實。港女就是這樣鍊成的?」小思笑道。

「哼，我唔知你講真定講笑，不過我都未至於會去呷個死人既燥既。至於我係咪真心愛你，遲下你就知啦！」晉然說。

結果，在他向她證明愛意時，就死了。

前事完...鏡頭回到健志和晉然的對話上。

「可能，小思同你一齊都係當你水泡姐。有好多野係唔需要向水泡交代既?」晉然說。

「.......」健志沈默

「好啦，晉然先生，你都係時候去學下點做鬼啦....」雷風指著遠處的學園門口，打圓場地說道。

晉然轉頭就走，臉上帶著冷酷的笑容。