《善惡的彼岸，或許都是愛》: 4-4

健志徐徐醒來，面前是怒氣沖沖的雷風。

「點解你要魔力大爆發呀？？？？上頭要我寫REPORT都寫到我手軟啦，發生左咩事呀！仲有點解會無啦啦有兩個月老訓低左架？」雷風大罵道。

「小思....?小思點呀!!?雷風，小思點呀？」健志急問。

「小思？你仲好意思問小思？你用魔力封死左佢個元神，佢個靈魂又唔知比你收左去邊，而家咪成個植物人咁訓左係醫院囉！」雷風續罵。

「植物....喂，你地係咩人呀，做咩捉住我？」健志突然被兩名靈界警察抓住。





「勾魂使者健志，而家懷疑你因愛成根，阻止兩名月老為你前女友結姻緣，並非法於凡間使用魔力，而家要逮捕你。」靈界警察冷冷地道，並為健志扣起手銬。

「喂喂～件事唔係咁架！！你問下果兩個月老先啦，佢地睇到晒發生咩事架喂！！！！！！」健志叫道。

「果兩個月老都未醒返，健志，唔好反抗啦，我一早忠告過你架啦。」雷風搖頭道。

「喂！！！喂！！！！放開我丫！！！我要去救小思呀！！！！」健志運起魔力反抗。

「轟」的一聲，一道閃電劈向健志，健志立時暈死過去。





「唉，唔好反抗啦，你反抗咪只會比班警犬，丫SORRY，被班警察CHARGE多你一條罪.....」雷風輕聲說道。

不過健志應該已聽不到了......

兩名靈界警察就這樣帶走了暈死了的健志。