(微甜)肥仔溝女記: 第十三章 在混亂中的了解

我衣加係我平時食開既茶記食緊晚餐，聽日係星期六所以今日想豪d出街食，我全茶記最入面既一個卡位，我叫左碟黑椒牛扒飯加杯可樂。由於衣加係晚餐既時間茶記一如以往甘好多人，就連我平時坐開既專座四人卡位都要同人搭台，無奈下我只有快捷甘食完我既牛扒飯之後離開。

九月一日既開學日我係呢間茶記到食早餐，遇到一個比四個mk仔圍既女仔，幾個月後既今日我又係同一間茶記遇到同樣既事，同樣有四個mk仔圍住一個女仔，唔同既係今次個女仔已經識得我，上一次係我極度唔願意之下俾佢拖埋水，估唔到我今次會主動去幫佢，唔通我已經原諒左佢定係有其他原因…

事發經過係甘既，話說我食完茶記出到門口見上次既mk仔，係度見我既鄰座隔離位女神唔知點解佢又俾上次既mk找到佢，我開頭都以為無事點個佢地唔講口講手，上次就話唔識唔想幫姐但今次係識既仲要係我隔離位想死啊，所以我霖都無霖就鳩衝左過去仲要來個飛身一拳，捉住女神果個當堂訓左係度，之後第二三個都一齊上人仲有一個就走去捉住女神唔俾走，佢地自覺勝算高就想同我打可惜我今日唔會再留手啦，果一刻既怒氣唔知係邊一度勇上來。

本身捉住女神既mk仔放左女神，衝左埋來仲用一個飛身撲將我推走，再後加一個踢腿我立即用護頭既手勢擋住，可惜力度太強我都退左幾步，
之後有人從後來個撞擊，我感覺到力量強大但我唔知係點做到因為撞我既係一個睇落好弱雞既mk仔。

我轉身一手捉住佢先來個飛膝撞，令佢向下彎腰我向住佢個背部來一個狂連擊將佢打低再用手肘來個落擊之後我補多一擊用腳來個下挫，令佢個身小跳左下，之後我立即跑到一早腳軟緊既一個弱雞mk仔到，用一個上推打左落佢個下顎到佢即刻暈一暈，同時我第二隻手將佢褲頭拉一拉，係前後對力下當場訓低左，唔知係米訓低果下佢撞到個頭一訓低佢就暈左，四個mk兩個昏迷兩個暈一個打暈左一個驚到暈左。



驚到暈左果個一開始見到血就暈低左，我心霖怕血就唔好出來行啦，又要驚又帶頭盔。我一手拖住女神一路行上我地無講過野，女神仲係好驚甘我唔放心俾佢一個人番屋企於是我提出送佢番去，女神用水汪汪無辜既眼神望住我，我不自覺甘摸摸佢個頭，拉左佢去我胸前濫住佢等佢可以定少少，之後我截左部的士送佢番去，上車之後佢用帶有少少震音既聲音同司機講出地址。