《香港人，當你真正成為一個機械人》(散文集》: 22#《去書展，我並唔係想買書》

《去書展，我並唔係想買書》


7月15-7月21日，係香港會議展覽中心舉辦一年一度既書展，相信有不少愛好閱讀既嗜讀人士必然會鼓躁不及，除左希望覓得心頭好之外，平價既二手書籍，首發新書，內地書藉，絕版書籍亦都係不少人瘋狂爭先前往書展既目的。

為求搶先一睹書城既風采，確實會有人一早就企係會場外排大隊，實則書展既書真係有比平時書局買既書平好多，根據上一年我去書展之後再去書局對比價錢之外，兩者其實並唔係相差好遠，最多亦都係爭幾$之內，或者我拎張八折會員卡去書局買，分分鐘可能同書展價錢差唔多，咁我點解要特登山長水遠去買，不如去番樓下既三聯仲好，又唔洗同人爭，又可以慢慢涼住冷氣買書。

可能部份人都唔知道，我去書展並唔係想同人講我有幾飽覽思書，亦都唔係專登想去逼餐飽，去買平價書籍，我求既只係一種氣氛。

記得我第一次去到書展，我簡直當左D書絕左種既一個物種，見到有自己仲意既作家既書，就不停咁搶，你知唔知，我平時係書局睇書都唔會有哩種感覺，黎到書展我先知道原來有很多香港人都好仲意睇書。





原來哩個香港仲有文化，唔會咁快就淪落成只有自我價值行先既功利社會，其實我咁多年都去書展，只係想證明哩樣野，我地香港人係有文化素質既。

雖然我唔知道書展賣既書同書局賣既書有咩唔同，但係我確實好仲意睇住人地一抽二袋咁拎住D書走，或者人類要係書展個陣先覺悟，原來睇書真係好重要，但係重點係你買完咁多書，就算俾你買到某某作家既絕版書籍，你番到屋企會唔會睇先，定係只係想同人講你真係好仲意睇書，仲意到願意放低佢係度發哂毛，最後親手送佢上黄河。

買書時請三思一下，香港堆填區既問題，會因為你持續購買新書籍而持續飽和。
若真係要睇先好買，盲目買一大堆書籍，
乃係沒有文明理性思考既動物已而。