《香港人，當你真正成為一個機械人》(散文集》: 32#《我幫你，並唔係想要得到咩著數》

32#《我幫你，並唔係想要得到咩著數》


就好似我過馬路見到個婆婆企係度，我會上前扶一扶佢，撘地鐵就算我坐緊果果係唔係關愛座，我見到有需要既人，都會企一企起身，讓個位俾佢，我幫街上面個學生哥買旗，我唔係想同周圍D人講，我幾咁有愛心，幾咁好人，我諗哩個香港實在有太多人，混淆左「幫助」一詞既定義。

首先，幫人唔一定係為左得到某些回報，所以先去幫人。就好似我今日番工咁，見到有個啊姐洗碗洗得咁辛苦，身為一個年青人，循例都會問係佢

「你需唔需要幫手啊？」

啊姐看似沒有所謂的表情，但係其實完全睇得出佢需要人地幫佢手，勞碌左一個鐘頭之後，終於可以收工番屋企。





就係換衫收工個陣，有個啊姐同我講：

「你唔好幫佢洗碗啊，下次，佢又會再叫你洗ge嗱。」

佢仲同我講，全公司既人都冇一個會幫佢，同埋好多人都唔仲意佢，最後只能我一笑置之，然後默默點頭。

係「幫助」既層面黎講，原來首先要有人幫你，都要好睇你人際既社交關係好唔好，我覺得係完全顛倒左哩一個價值觀，「幫人原來要睇人黎幫」。另外一件事我覺得更加驚訝既事，就係我幫佢洗碗果果啊姐，竟然突然之間係佢個袋到，拎一個係美心買既麵包俾我(留意，佢平時好少送野俾人)，我唯有勉勉強強的收下，

拎著哩一個被逼收下既麵包，我忽然覺得，




係咪因為我幫佢洗碗，所以佢先送俾我，
所以佢先覺得我係因為想得到一D野，所以先幫佢。這個功利社會，怎麼連我只是想純粹去幫助一個人，也要被人看成，我不是出於真心，或是獻殷勤之類的奉承。幫助是一種自覺性既行為，可以沒有回報，甚至可以完全沒有被人感激之意，就猶如空氣般被遺忘。

你幫助一個人，難道是因為為了別人的一句道謝嗎？縱使沒有得到任何回報，你也會幫助別人吧。


我們施予某援助之力，有時只是一點點，扶係啊婆過馬路，或者只係一個唔亂拋垃圾既行為，順手關門既美德等等，也是一個由小到大培養成的好習慣，不用什麼「因為佢對我好，我先幫佢。」那些片面詞語，幫助別人不必看什麼人來幫，需要的，便去幫。


漸漸的發覺了，原來人越大，人類越喜歡把一些純粹出於真心的行為複雜化，人性化，把它們固有的社會規範放進道德化裡面，埋沒了最簡單的一樣東西。





「施比受更有福」