我將成世嘅運氣花哂喺一個app入面: 【第一章】

“hi“
“hi“
“where are you from?“
“hk☺“
“我都係喎“
“你讀邊間？“
_

這就是我和他的開始，無厘頭又帶點不合常理。
_


完咗個學期又到咗暑假，好耐冇見嘅小學同學無啦啦約我游水，咁游完就緊係肚餓架啦，食緊嘢嗰陣我見佢禁禁禁唔知禁乜。咁我又好奇哄個頭埋去睇，

‘邊撚個gary呀…wwuuuu你有仔仔啦？‘

佢望都唔望我一眼繼續帶住甜笑繼續同佢傾，我都冇癮繼續食我嘅肉漿意粉，

‘呯！‘

突然之間佢拍咗下枱，杯凍檸茶瀉咗啲出嚟，我嚇一嚇又望下佢，佢即刻轉咗一個勝利嘅眼神外加故作甜美嘅聲線，



‘掂啦今鋪，我又多粒忠心小兵兵啦～‘

咁其實佢又係姣咗啲啲嘅，唔講呢樣住，聽到佢話收兵，一向行開搞笑路線而冇男仔近嘅男人婆即係我，都對呢個apps有少少好奇。

‘咩apps嚟架好威咁噃‘

佢沉醉喺佢嘅娘娘世界之餘亦都不忘答番我幾句，

‘meowchat囉你冇玩咩，facebook成日send request嗰個apps呀，唉真係同你講都哂氣，你呢啲點會識玩吖…‘



我聽到其實真係有啲扯火，咩叫我呢啲呀，客觀啲都叫有樣睇下架嘛。話說我嗰陣唔知做乜極度迷戀iph4，其實我覺得iph4真係好靚，佢又冇iph5咁長，又冇iph3咁圓，長度闊度重量手感都係完美…係慢咗啲。咁我拎起我嗰部死扭爛扭先扭到姑姐換完iph5之後比部舊機亦即嗰部完美嘅iph4，禁入appstore揾meowchat。

經過漫長嘅等待，終於都有得玩喇，一開見到份form，

‘咦咁多嘢填嘅‘

娘娘曰：‘要收兵，就要比隻兵知道你幾好幾吸引，有乜值得佢對你死心塌地…‘

其實我冇認真聽，因為我仲係唔多信呢隻爛鬼嘢收到兵。我填完一大堆之後，淨番張icon未整，娘娘見到就開始講經啦，

‘所謂icon，唔止係一張相，仲係決定你會識到咩人嘅命運之牌！‘
‘乜撚嘢命運之牌呀…求其啦就呢張啦‘

我揀咗張朋友幫我影得好意景嘅校服相。



’搞掂哂就玩得架啦yeah！嗱其實meowchat主要都係玩random chat啦，即係你較咗location之後就會彈啲人出嚟同你傾計架啦…‘
_
如是者我就玩咗個幾禮拜meowchat，其實係好玩嘅，因為你又唔識佢佢又唔識你，我可以做自己，唔使驚啲人點睇自己。
_
我仲記得嗰陣遇到你係夜晚嚟，嗰陣我食飽攤喺床度冇嘢做就開嚟玩下啦，一開random chat，我feel到一半運氣流走咗，

‘[Nick Chan]喎，張icon成個女仔咁嘅，開嚟睇下先‘

(提提大家，meowchat改咗版令到random chat遇到嘅人未必在線上架，不過我嗰時對方就係在線嘅，我覺得嗰陣好玩啲，始終新嘅未必好架嘛。)

‘hi‘
‘hi‘
‘where are you from?‘
‘hk‘
‘我都係☺‘



噢仆街禁咗出去！揾番先，history...nick chan....喺邊呀...啊啊啊啊啊啊啊啊啊啊啊啊啊！！！！！我呢一刻揾得番佢，原來都用埋剩低嘅一半運氣。
呀見到啦yeah

‘sorry呀頭先禁咗出去‘
‘唔緊要啦頭先我都揾緊你‘

我心跳好似突然間快咗少少…咩事…
_
之後我地就由11點幾傾到一點幾，佢突然開send咗段錄音比我，

‘錄：…‘

吓？等我仲以為有得聽下你把聲添，原來禁錯咋…之後佢又send多段錄音，



‘錄：係咪好想聽我把聲呢？‘
‘咦你又知嘅‘

死啦！死啦！死啦死啦死啦！！！佢把聲好好J呀！！！點算呀！！！好磁性又好温柔！！點算！！！我要冷靜。之後我見佢後面幾句都係用錄音咁猖狂，唯有跟下佢啦

‘錄：你把聲好好聽呀‘
‘真係架，你都唔差吖‘
‘係呢做乜咁而仲喺條街度嘅‘
‘咦咁都比你發現到，冇，我篤完波而家搭車番屋企咋嘛‘

死啦！死啦！男身女相把聲好J人又nice仲要識篤波！！！點算呀！！！！！！！！！！！
_
嗰陣我都覺得呢啲人只可以當男神咁J…errr係欣賞，冇諗到傾慕喺不知不覺間變咗愛慕…

之後我都開始眼訓，迷迷糊糊咁傾多幾句就開住電話冇熄到mon訓著咗。