等到Zoe帶住微笑行出黎:「行得喇~」

『哦哦...行得...行得...』我就同Zoe行出戲院...

同Zoe行下商場...睇下睇下...

好唔容易先可以將心情平靜返少少...

太耐無接觸過色情野...真係有D受唔住...





唔好話我丫...就算係和尚丫...同個少女一齊睇D咁色情既情慾片...都真係好難把持得住...

我仲出得返黎,可以話真係好好定力架喇...

同Zoe行下行下...又睇下商場入面D廣告板...

「喂喂~呢個丫~呢個丫~你仲記唔記得丫~係我設計架~估唔到會放左喺道喎~」Zoe指一指住個廣告板...

『係喎~我都記得係你整~』我望一望住Zoe指住嗰個廣告板~





我仲記得Zoe諗到頭都大埋~

我就喺佢個位道教過佢點整好~

放左工又帶住佢去一間專賣設計書既舖頭一齊睇書~

仲打書釘打到好夜~夜到個書店老闆娘問我地駛唔駛打個地鋪俾我地兩個過夜添~

真係幾咁唔好意思~





「喂喂喂~你睇你睇~呢個咪係之前改左十幾次都唔收貨,結果Ivy姐求求其其俾個草稿又收嗰張~」Zoe又指一指住個廣告板...

『係喎係喎~我都記得Ivy發晒脾氣話唔理咁多,求其Send個草稿過去算數~點知又真係Work喎~』好多時我都無Ivy辦法~

佢呢個大小姐發起脾氣上黎,真係一發不可收拾~

不過都係既~藝術家脾性丫嘛~做設計既一定有~

唔係既話係設計唔到獨特既設計出黎~

「仲有呢張~仲有呢張~都係我地公司做架喎~」Zoe一路行,一路指~

『嗯嗯~其實差唔多全香港既廣告都俾我地包晒黎做架喇~』尤其係商場裏面~

Zoe唔係唔知...其實好多廣告板都喺由我地公司設計...





而事實上,差唔多全香港既廣告板都俾我地公司攞晒黎做...

香港咁細…要壟斷成個市場一D都唔難...

而且仲唔夠搵,仲要搵埋台、賭、強既生意先得~

唔係既話,又點養得起全公司咁多人丫?

「仲有仲有~呢間丫~呢間丫~裏面有好多牌都係由我地設計架~」Zoe就跟住D廣告板行左入去一間店舖入面...

我望一望呢間粉紅色為主既店舖...

望一望個名...





6…ixty…

『6ixty 8ight?!』

雖然我係男仔...而且無乜機會同女仔行街...

但好似先前所講咁,我地做廣告既,好多時都會接到時裝Job...

而呢間6ixty 8ight…主要賣既係...女性內衣褲...

女性內衣褲喎...一間主要賣女性內衣褲既店舖喎...

Zoe入左去喎...入左去充滿女性內衣褲既店舖喎...

咁我應唔應該跟埋入去好呢?





唔跟埋入去....喺出面企既話...咪仲異相...

入去都係睇下D設計野姐~無野既~無野既~最重要都係心態問題姐~無野既~無野既~

我就自自然然咁跟埋Zoe入去6ixty 8ight。

入到去6ixty 8ight,Zoe都一直俾D大大小小既廣告板吸引住。

好彩既係喺店舖裏面都有好多男顧客~

好多男顧客都跟住個女仔身後...我諗都係情侶關係。

咁我都唔算太異相~





而Zoe行梗既地方,都係賣D輕便服裝~都唔算得上好尷尬~

「喂喂~6ixty 8ight都係以粉色為主架喎~第時有機會既話,我諗都要用粉色為主既設計先得喇~」Zoe一邊四圍望下望下,一邊口噏噏咁。

『你唔俾到你要幫佢地設計既時候,佢地會轉左以黑白色做主題既?』我扮晒自然咁笑一笑。
「點會丫~就算係轉主題顏色丫,都唔會轉做黑白啦~6ixty 8ight係走青春活潑年輕路線架嘛~黑白色喎~你估幫死人造壽衣咩~」Zoe冷眼望一望我。

『係咩係咩?真係走梗青春活潑年輕路線架咩?』我問一問Zoe。

「好明顯係啦~你睇下~你睇下~呢件好明顯就係俾D青春少女著架啦~」Zoe拎一拎起個粉紅色Bra...

我望住Zoe拎住個粉紅色Bra搖下搖下,再扮晒有學問咁問:『點解一定係俾D青春少女著架呢?成熟既OL就唔著得既?』

「成熟既OL又點會鍾意呢種咁稚氣既顏色呢~仲有仲有~呢種Bra既設計係比較薄身D~無鋼線喺裏面~著上身都舒服D~係岩D青春少女著多D~」Zoe好似好有研究咁...

『睇黎你可以轉行去做女性內衣設計師喎~』真係估唔到Zoe對女性內衣係咁有研究...

「你唔好話喎~中學既時候我又真係有去參加過女性內衣褲設計比賽架喎~」Zoe又拎起條粉紅色既內褲望下望下...

『咁你點解唔直接入時裝設計呢?點解會選擇左廣告設計呢?』聽完Zoe咁講,我又真係幾好奇~

既然Zoe喺中學既時候已經有興趣去參加女性內衣褲設計比賽,點解唔直接入時裝設計呢?

廣告同時裝係好大分別架嘛。

Zoe一邊拎起個粉藍色Bra睇下睇下,一邊講:「中學既時候,本來諗住同男朋友一齊入廣告設計既。但都未開學姐,就已經散左Luu~」

哦...原來又係諗住同男朋友一齊讀...

情侶一齊上大學讀同一科都係常見既事...

不過Zoe又真係有D唔係咁好彩...

未開學就散左…

『咁...咁你都可以轉架?』我嘗試再問多D...睇下Zoe會唔會介意...

Zoe又拎起左條粉藍色既內褲望下望下:「無丫~咁我都對廣告設計有興趣既~而且越讀越覺得好玩~咁咪繼續讀落去囉~」

『咁你唔會覺得好尷尬架嘛…成日都見到Ex...』我又望住Zoe手中條粉藍色內褲,問一問。

「唔尷尬架~有咩好尷尬呢?咁中學拍得拖既,都未真係定性落黎架啦~分手都係預料之中既事~之後佢都同左我個Friend一齊~我地仲不時會一齊出黎行下街~食下飯添~」Zoe講得好輕鬆咁。

Zoe喺愛情方面,睇黎都幾敢愛敢恨...

就好似佢同嗰個姓鍾既分左手之後,好快都已經無晒事,仲可以完全投入工作添...

不過都係既...Zoe仲後生...仲有大把機會...大把時間...唔需要太執著既...

『咁佢之後去左邊間公司道做丫?』我再打探一下口風...睇下會唔會係入左黎我地C-Moon道做...

「佢?佢畢業之後就去左做倫敦金~』Zoe又拎起左個青BB既Bra摸下摸下。

『下?點解咁九唔搭八既?』我一頭問號咁望住Zoe手上個青BB既Bra...

「佢話好搵喎~」Zoe繼續喺個架上揀下揀下...揀下D Bra…

『哦...』咁奇怪都有既...

咁辛苦讀完個大學,出到黎又唔係做返嗰行...

咁讀黎做乜呢?

睇黎我都真係唔係好明而家D年輕人諗乜野架喇~

我繼續望住Zoe揀下揀下...

拎起唔同款式同顏色既Bra同底褲望下摸下...

望望下...Zoe拎起左個Bra..望一望我...

我又穿過個白色Lace Bra望一望Zoe對眼...

我地你眼望我眼...四目相對左一陣...

「嘻...俾你知道左我係咩Cup咩Size添...」Zoe笑一笑…伸一伸條脷仔出黎...

『我...我我我我無丫!我無丫!我無留意你揀咩Cup同咩Size架!我真係無架無架無架!我真係無架我!』我立即Fing晒手,擰晒頭咁說不!

「哈哈哈~咁你又唔駛咁緊張既~我又無話介意~其實都好平常咋嘛~就好似著衫著咩碼咁平常~」Zoe笑一笑,繼續揀下揀下。

『係咯係咯~好平常咋嘛~係咯係咯~好似著衫著咩碼咁平常咋嘛~係咯係咯~係咯係咯~』嚇得我丫...等我仲幾驚Zoe會覺得我係變態佬...專留意女仔著咩Bra...

「好啦~睇完我地行喇~」Zoe放返低D Bra同底褲之後,就向住門口方向行。

『嗯嗯...』乜入黎係Dry睇唔買架?

不過都係既...

就算話點唔介意都好,都無理由喺我面前買內衣褲既...

始終我都係一個男人...

男人同女仔買內衣褲...除非係情侶關係架姐...

我都係唔好諗咁多喇...

免得越諗越尷尬啦...

同Zoe行出6ixty 8ight之後...

「我有D肚餓喇...」Zoe扁扁地嘴咁摸住自己個肚仔。

『嗯...咁我地去食野先~』原來時間都唔早...都已經差唔多七點鐘。

「嗯~有咩好野食介紹下呢~」Zoe用上一對好期待既眼神,咬住下唇咁望實我。

『今日丫...你上次咪話想食辣野既~不如我地今晚就去食泰國野啦~』我仲記得前晚同Zoe食完越南野之後,佢話突然好口痕,想食D辣野~

「嗯嗯~好丫好丫~我正想食辣野丫~」Zoe對眼發晒光咁~

『嗯~我知道呢頭有間食泰國野好出名~不過要Walk In架喎~唔知有無位呢...』嗰間野仲要日日爆...呢個鐘數去...會唔會要等好耐呢...

「唔怕唔怕~我地而家快D去攞位~」Zoe好心急咁彈下彈下~

『嗯~咁跟我黎喇~』我就帶住Zoe向住嗰間泰國野方向出發~

穿過幾個商場...行過幾條天橋...再轉多幾個街口...我地就黎到間泰國野門前~

「嘩嘩嘩~真係好多人~快D拎位先~唔該~唔該~」Zoe就穿過人群,行到去部機前撳飛。

真係勁多人...

就咁睇都有成十幾廿人等梗位...

仲要唔知要等幾多張檯先到我地...

「拎到喇拎到喇~」Zoe拎住張飛,喺人群之中穿返出黎,「要等十三張檯~」

『十三張丫?你捱唔捱到架?』我打量一下Zoe...

Zoe人仔細細...弱不禁風咁...會唔會等等下等到餓暈左架...

「緊係唔會啦~我好捱得餓架~而且我頭先偷偷咁望入去呢~見到裏面D野食好靚~仲好香添~好似好好味咁~一定要等~一定要等到有得食~」Zoe舐一舐個嘴仔。

『嗯嗯~真係好正架~佢個咖哩蟹丫,辣得黎又夠香喎~真係食過返唔到轉頭架~』上次同班Friend黎食,都唔夠分~真係唔夠喉~

「我見佢個打拋雞都好紅~好鮮豔!好似好正咁喎!」Zoe好期待咁~

『識D野喎~噏得出打拋雞喎~』我笑一笑Zoe~

「緊係識啦~咁出名既餸都唔識既話,就唔好話識食泰國野啦~」Zoe又笑一笑我~

『得戚得你丫~咁你而家諗定一陣叫咩餸啦~』我又笑一笑Zoe~

「好丫好丫~等我黎發板~咖哩蟹同打拋雞就一定走唔甩架啦~仲有呢~仲有呢...」

同Zoe企喺間泰國野出面等下等下~

又傾下一陣食乜餸好~

時間都好似過得好快咁~

又唔會覺得身邊好多人,好似好擠迫咁~

成個空間就係好似得返我同Zoe兩個咁~

同Zoe傾計總係令我覺得好舒服~

好似唔駛刻意諗講咩好~

有好多共同既話題~

又傾乜都得~

呢D係唔係就係叫做夾得黎呢?

夾得黎...夾得黎...

「喂~到我地喇~到我地喇~你仲企係道發咩呆丫~入去喇~」Zoe行到去門前向我揮揮手。

『哦...哦~黎喇~』諗到就連Zoe行左過去都唔知添...

同Zoe入到去餐廳,等Zoe叫好晒餸...

「好野好野~好快就有得食~」Zoe拍晒手咁。

『你都真係幾好野架喎~都等左差唔多成個半鐘,都仲咁好精神既?』我就幫Zoe抹下D餐具。

「我都話我好捱得架啦~」Zoe笑得好燦爛~

『係喇係喇~知你捱得喇~捱得多會捱壞架~等陣仲要食咁多辣野...好易搞到胃痛架~』傷左個胃就真係手尾長...

「無事既~無事既~放心啦~係呢係呢~你覺得頭先套戲點丫?」Zoe突然轉一轉移話題~

但就轉左去一個尷尬既話題上...

『呃...OK丫~OK丫~個結局都幾出人意表丫~』我一諗起頭先嗰D色情鏡頭,就真係難為情...

「你咁快就飛到去結局架~~~中間D情節都好刺激丫~~~」Zoe講起中間D情節...

情節?

有咩情節?

D色情情節?

『嗯嗯...好刺激..好刺激...』D色情情節都真係幾刺激既...

仲刺激到有D過左火添...

「仲好寫實添~好似講痴漢嗰Part呢~我都真係有試過架!」Zoe好肉緊咁!

『下?!真係有試過架?係邊道丫?』我又好好奇咁追問一下!

「都係喺西鐵囉~」Zoe睜大對大眼仔講!

『下?!乜喺香港真係會有呢D事發生架咩?!』我真係一直都以為呢D事只係D日本成人動作片既橋段黎架咋喎...

「緊係有啦!D男人真係好變態架!真係會趁住人多既時候,走到去你身後...初初扮晒唔小心咁用手背掃下你先...睇下你有乜反應...」Zoe皺一皺眉!

『咁你點丫?』我有D緊張咁追問!

「有乜點姐...咪企定定咁由佢摸囉...」Zoe扁扁地嘴…

『點可以企定定由佢摸架?你應該立即嗌唔好!仲要大聲叫救命!』對住呢D色狼真係零容忍!

「嗰時我只係個岩岩升上中三既小妹妹咋...仲要著住套校裙...點敢嗌姐...」Zoe咬下咬下唇...

『你越係怕既話,佢地D色狼就越興奮架!嗰D人變態架!就係鍾意咁!鍾意對弱小落手!』男人真係好變態!

「係丫係丫!我越係驚...佢就越過份...初初見佢只係摸下我個屁股...我就諗住由得佢...之後佢見我無乜反抗...佢就伸手落去我隻大髀道...摸下摸下...仲越摸越上...想扯起我條校裙添呀!」Zoe咬牙切齒咁!

『你呢D時候一定要阻止佢!!!』唔可以俾呢D死人變態佬侵犯!

「我就立刻撳住佢隻手!等佢唔可以越摸越上啦!之後佢就不斷摸我大髀...又成日想試下可唔可以伸上去...我就緊係唔俾佢伸啦!只係俾佢摸下大髀...心就諗住幾時完丫...可唔可以快D完丫...」Zoe勁無奈咁擰擰頭...

『傻妹黎架!下次再遇到呢D事丫,你真係要立即嗌出黎呀!等人幫你呀嘛!』老老實實真係唔駛怕!

可能你話呢個世界太多花生友,嗌左都無人幫!

但我深信,總有一個半個正義撚喺左近既!

「而家大個喇~識保護自己架喇~不過呢...嗌就唔會喇...或者會好似女主角咁...搞到佢一褲都係~又如果話隻色狼係又型又靚仔既話,我又唔介意俾佢摸下既~」Zoe奸奸地咁笑一笑…

『呃...』點解呢一刻Zoe個樣...好似仲變態過D變態色狼咁架呢...

其實要變態起上黎,係唔係女人仲變態過男人架呢?

可能...係一直都係我地太睇少D女人...

「有野食~有野食~丫~叫支啤酒飲下都好喎~」當個侍應放一放低咖哩蟹之時,Zoe就話想嗌酒飲。

『飲啤酒?』我問一問。

「嗯嗯~食辣野就緊係飲啤酒架啦~」Zoe笑笑口咁點點頭。

『但我唔飲得多喎...一陣仲要揸車架喎...』我係一個好遵守交通規則既道路使用者黎架...

「少少啦~少少唔怕既~唔該~有咩啤酒揀丫?」Zoe就問一問個侍應。

少少...少少都應該真係無問題既...

而喺成餐晚飯之中,我就真係飲左少少姐~

至於Zoe呢?Zoe就好似飲得多D...

都真係飲左幾多…

飲左差唔多成三支大啤...

不過好彩既係,Zoe都好似幾飲得~無乜點醉~

同Zoe開開心心咁食完餐泰國野之後,行左一陣,我地就行到黎停車場...

『你真係唔會劏架嘛?』我幫Zoe開一開車門...

「緊係唔會啦~你放心喎~我都無醉~」雖然Zoe話無醉,但都係面紅紅咁...

『嗱~你話架~劏左你搞掂返架車先好走丫~』都係約法三章先好D...

「得啦得啦~」Zoe就擘大對髀咁上車...

Zoe呢一下擘大對髀...無遮無掩咁...俾我完完全全咁睇到佢裙底裏既白色底褲...

仲話無醉...醉都咁失儀態都話無醉...

我坐一坐上駕駛座...喺個軚盤上按下ENGINE START…

“吼!吼...”

都係小心D揸車好D...

“吼~~~吼~~~吼~吼~~吼~~~”

我慢慢咁揸...開得比較慢...

喺暗黃色既街燈照射下...我不時都會偷偷望一望Zoe...

睇下佢有無異樣...

而一直面紅紅既Zoe,都好似好靜咁...又好似好攰咁...好似想瞓想瞓咁...

可能真係有D醉醉地啦...可能總有少少醉意啦...

一直都係咁...一路都係咁...

直到送到返黎Zoe樓下...

『到啦~』我望一望住Zoe...望住面紅紅既Zoe...

Zoe又望一望住我...面紅紅咁望住我...

Zoe對眼...水汪汪咁既一雙大眼...一直望住我...

一直望住...一直望住...

我地四目相對左好一陣子...

「嗯嗯...我都...霸左你成日喇...係...你都係時候要返去陪老婆喇...拜拜...」Zoe講過之後,就轉身打開車門,衝左落車...

我就望住Zoe既背影...

係時候要返去陪老婆...

除左第一次送Zoe返屋企之時...佢有提過我老婆之外...就好似...一直都...一直都唔聽見佢有提過我老婆...

呢個幾兩個月黎...喺公司又好...放假單獨約出街都好...都好似無聽過...無聽過...Zoe佢...

老婆...