《情困之時，我遇上了自稱情性的情聖》: [Case 14－我的米奇] PART 21

尋晚瞓得超級好～

仲要一瞓就瞓到下午既點幾兩點～

因為尋晚飛揚BB主動打電話俾我丫～

而且我地都傾左好耐～大家仲傾到唔捨得收線咁～

最後我仲問埋飛揚BB想我著咩睡衣瞓添～



飛揚BB話想我著粉紅色喎～因為聽專家講著D淺色D既衫瞓會好瞓D喎～

其實我就話喺瞓之前聽到飛揚BB同我講早抖就一定好好瞓喇～

而且而家仲有劍熊陪我瞓添～

攬到隻劍熊實一實咁瞓～

我仲聞到劍熊身上有飛揚BB既氣味～



攬到劍熊實一實～聞住飛揚BB既氣味黎瞓～仲搞到我有少少...濕濕地添...

呢幾日都比較容易濕...可能係岩岩黎完M掛...

真係害羞死喇～

不過都唔緊要啦～當係做好事前準備啦～

乜野事前準備？



咪就係...獻身俾飛揚BB既事前準備囉...

今日係一個好日子～

因為我岩岩就睇過阿Wing既Facebook，佢今日就要去學校既三日兩夜Camp～今晚都唔會返黎～

而且...飛揚既父母又得到我幫佢地安排喺內地中大獎～所以會再留耐D～

今晚...就係得飛揚BB一個人喺屋企...

咁你話係唔係大好時機呢～～～

而事前準備仲有好多野做～

好似話...首先要去幫頭髮做返個Treatment先啦～



仲要做Facial加SPA啦～

確保由頭髮到腳趾尾...身體每一吋肌膚都係最完美丫嘛～

獻身丫嘛…第一次丫嘛…對女仔黎講梗係要最完美～最難忘架啦～

咦...越講越害羞添～

為左我既第一次...所以我就換上粉紅色碎花吊帶連身短裙～再著埋對粉紅色既平底布鞋仔後～就出發扮靚靚～

其實女仔要保養真係一D都唔容易～

仲好花時間添～



可能有好多女仔會好享受～

可能仲覺得越耐越好～

我平時都係咁諗既～

但今日唔同丫嘛…今日總係好緊張咁～又好心急咁～好想快D搞掂晒～立即飛撲到身飛揚BB身上～

我就一直帶住呢種又緊張又心急仲有期待又興奮既心情，搞到差唔多到夜晚添～

我就去間Coffee隨便食少少野～揸住架LP 700-4 ROADSTER衝去飛揚BB住既地方～

“吼～吼～吼～吼！”喺高速公路上狂衝！

“吼！吼～吼...吼...”好快又黎到飛揚BB所住既地方...



“吼...吼...”好快又黎到呢個舊區...

“吼...”我隨便泊架LP 700-4 ROADSTER喺路邊...

舊區...呢個舊區喺夜晚既時候...相比起朝早...更加舊...更加死氣沈沈...

黑暗既街道...就只有暗黃色既街燈作照明...

黑暗...陰暗...破舊...

不過就算係幾咁黑暗陰暗破舊，都動搖唔到我！

我就彈下跳下咁走入大堂～行上殘舊破爛既樓梯～



一步一步踏上灰灰黑黑既樓梯～比起早上更加灰灰黑黑既樓梯～

我唔怕～就算幾黑幾灰幾暗幾污糟都好，我都唔會怕～

因為我知道就算再幾黑幾暗，都會走到光明既出口～

一步一步行上去～行上飛揚BB住既樓層～

當我行到上飛揚BB所住既樓層，喺被月光照亮既天井旁邊...一步一步行去飛揚BB既單位...

“叮～噹～”我緊緊張張咁用對纖纖玉手撳一撳個鐘仔...

好緊張...

等左一陣...

“叮～噹～”我再緊緊張張咁用對纖纖玉手撳一撳個鐘仔...

又等多一陣...

“叮～噹～叮～噹～”我再撳一撳個鐘仔...

無人？

飛揚BB出左去？

唔...我無諗到呢點添～～～

哎呀～等我仲咁緊張添架～

原來飛揚BB出左去...

都好既～等我喺呢段時間培養下感情都好既～

培養咩感情？

培養一個Sad Sad地既感情囉～

我話過今晚黎飛揚BB屋企係因為要扮嬲左爺爺架嘛～

唔培養下好易穿架～

我就企喺飛揚BB屋企門隔離～雙手放後～挨左喺灰灰白白既牆身～

靜靜咁培養一下情緒～等飛揚BB既出現～

等下等下...喺呢個幽暗既環境...一條灰灰暗暗、殘殘舊舊既長廊...閃下閃下既光管燈光之下...靜靜咁等...耐心咁等...

等左一陣...低住頭...望住塊地...再等多一陣...等左好一陣子...

“咯...咯...”

我聽到離遠...

“咯...咯...咯...”

有腳步聲...

“咯...咯...咯...咯...”

行緊過黎...

我抬頭一望...望到正正係我期待已久既飛揚BB...帶住困惑既面容...一步一步行近我！

「Emma？！」

『飛揚...』我扁扁地嘴咁行埋飛揚BB身邊...

「點解你會喺道既？」飛揚BB一頭問號咁望住眼前既我。

『我離家出走...』我又谷一谷起塊面豬登...扮晒可憐咁...

「下？」飛揚BB仲係好似傻下傻下咁～

『我知道我爺爺黎搵過你...仲同你講左D好難聽既說話...所以我嬲起上黎咪離家出走囉！』我谷到塊面都紅埋～

唔知我咁樣講...飛揚BB會唔會信呢？

「哈哈哈～咩離家出走姐～你根本就唔係住喺你爺爺道～你自己一個人住架嘛～」飛揚BB恥笑一下我...

『我就係要連自己企屋都唔返！等佢擔心下！』我又叉一叉住自己條小蠻腰…扮晒好認真咁！

「哦...咁你今晚諗住點丫？」飛揚BB終於都肯正經D咁問～

『喺你道過夜～』我單起隻大眼睛～向飛揚BB整左個雙槍手勢～

講到尾，我都係想喺你道瞓咋嘛～

飛揚BB左望望又右望望咁，好似有D鬼鬼祟祟咁捉一捉住我隻手仔，拉一拉住我：「都係入黎先講...」

YES！登堂入室～登堂入室～第一步成功！

“啪啪啪啪”一入到屋，飛揚BB第一時間就開晒全屋D燈～

細小既屋仔就立刻燈火通明～好光猛～

「飲D咩？」飛揚BB一邊行入廳仔，一邊背住我問一問～

『酒丫～』我除一除對布鞋仔之後，輕輕坐落張木梳化上～

呢D時候最好就梗係飲D酒～壯下膽好啦～

「無酒丫～飲水啦～」飛揚BB喺廚房入面嗌出黎～

無酒添…

唔借醉既話...我會好怕羞架喎...

飛揚BB拎住杯插有飲管既暖水放到我手中：「估唔到你會任性成咁架喎～」

『乜我真係好任性咩...』我扁扁地嘴…扮晒細路女...

所有野都係爺爺教我做咋嘛～

我都係聽我爺爺話姐～

「ER…都唔係既…對比起你話因為要去迪士尼，累到你爺爺無左十億生意黎講...小巫見大巫啦～」飛揚BB半帶恥笑～話一話我～

『咁佢今次真係好過份丫嘛…』我啜兩啖水～扮晒嬲嬲豬咁～

「咁佢都係關心你，擔心你會俾人呃姐～」飛揚BB又扮晒爸爸咁既口吻～

『咁都係姐...我大個女架喇嘛…我有識朋友既自由！我識分邊個待我好，邊個待我差架喇～』我咬一咬下唇～

唔單止係我知～我爺爺都知～

唔係既話，又點會放心捨得叫我黎獻身俾你丫～

「但你咁樣走出黎，你爺爺咪仲擔心囉～」飛揚BB繼續扮晒爸爸咁既口吻～

『俾佢擔心下都好架！等佢唔好下下都管住晒！管住晒！管住晒！管住晒！管住晒！管住晒！』我又谷起塊面豬登～扮晒嬲嬲豬～

「唉～怕左你喇～咁你都Send個WhatsApp俾佢，報個平安都好丫～」飛揚BB無我辦法咁～

『唔Send！』我翹起對手谷起塊面豬登擰歪面～

「拎部電話黎，等我幫你Send喇...」飛揚BB伸出手～

『唔要！』我搖一搖個身～

「咁我打俾肥老闆，同佢講你喺我呢道，叫佢搵你爺爺黎接你走喇～」飛揚BB拎住部電話撳撳撳！

我立即行到飛揚BB身邊，拉住佢隻手搖下搖下：『唔...飛揚丫...你唔係咁對我丫嘛…唔好咁啦...唔好咁啦...我好可憐架...』

我扁晒嘴咁嗲下嗲下～嗲下嗲下飛揚BB～

「唉～好喇好喇...但我呢D家徒四壁，地方淺窄，無乜野招呼到你架咋...」飛揚BB俾我嗲到心都軟晒～無晒我辦法咁～

我幾時都話飛揚BB真係好鬼易心軟架啦～

『唔係丫～我覺得OK喎～』我喺飛揚BB個廳道轉下轉下～

條粉紅色碎花吊帶連身短裙就飄下飄下～擺下擺下～

飛揚BB又望到我對修長美腿實一實咁～

定晒格咁～

仲好似流晒口水咁～

我就係知你鍾意望我對腳～總係好似會俾我對腳吸引住咁～所以我先著條短裙黎勾引你～

等你望到把持唔住～

等你望到心動～

等你望到下面都動～

男仔下面一有舉動...就好易出事架喇～

我就繼續喺飛揚BB間屋仔道輕輕舞著舞著～

用我既美麗去迷惑飛揚BB～

『飛揚丫～你介唔介意借個浴室俾我沖個涼丫...我嬲得制匆匆忙忙咁衝左出黎...仲未沖涼...』我雙手放後～擺下擺下個身～

迷到飛揚BB對眼同個心都喺晒我身上之後，係時候再進一步～

沖涼～

一個女仔，喺一個男仔間屋沖涼...仲要成間屋就喺得我地兩個...

嘿嘿...再意志堅定既男仔都總係會忍唔住...

忍唔住想做衰野...

「哦哦...可以...可以...你唔介意個廁所細既話...」飛揚BB尷尷尬尬又怕怕羞羞咁～

細唔細都唔係重點～

最重要都係你既廁所～

只要係你用開既廁所...你好難唔會亂諗野呢～

『咁你可唔可以借埋套衫俾我換丫？』我繼續擺下擺下個身體～引飛揚BB既注視～

仲要用你既衫褲包住自己～

「我D衫...OK既...」飛揚BB走到房裏面～

飛揚BB打一打開個衣櫃～搵下搵～

好細心咁又好溫柔咁搵下搵～

我就八八卦卦咁探一探頭睇下飛揚BB會搵D咩衫褲俾我～

飛揚BB喺個衣櫃裏面搵左好一陣子～拎起左件...好似係...純白色既Tee...同埋一條...黑色既...運動褲～

等到飛揚BB再拎埋舊...浴綿出黎：「衫褲洗乾淨未著過...浴綿係新既未用過...廁所裏面既所有野都可以隨便用～」

『唔該～』我甜絲絲咁接過飛揚BB手上D衣物浴綿後，轉身行入個廁所～

“啪”一聲閂門聲後，我故意唔鎖道門～

等一陣飛揚BB真係忍唔住...可以完全無任何阻礙之下直衝入黎～

我再拎一拎起飛揚BB俾我既純白色Tee～

嗯～都幾大件下～

不過就好似透透地咁～

嘿嘿...呢個飛揚BB都古惑喇～

俾件咁透既白色Tee我...想睇D咩呢？

我就再拎起條黑色運動褲...

雖然唔可以話好短...但都夠我繼續曬美腿～

飛揚BB咁鍾意腳～只要俾佢見到我對白滑美腿，佢都會流晒口水架啦～

好～準備沖涼先～

我除一除條粉紅色碎花吊帶連身短裙～再除一粉紅色Bra～一對豐乳就彈左出黎～

將個粉紅色Bra放喺條粉紅色碎花吊帶連身短裙上之後，我又除一除條粉紅色既Lace底褲～放埋喺條粉紅色碎花吊帶連身短裙上～

我一絲不掛企喺飛揚BB平時用開既廁所裏面～聽下出面有無動靜～

我聽到出面...好靜...

無腳步聲...乜聲都好...

好靜好靜...

唔...唔通飛揚BB唔知係唔係適當既時機...唔知係唔係衝入黎既最好時機？

唔...可能係飛揚BB唔肯定我除晒衫未...

可能唔肯定我除晒衫未就唔敢貿貿然有所行動...

始終...喺呢D時候...男仔都總係會心大心細...

始終...都係要女仔主動D...俾多D提示...

“灑”我就開一開花灑～

我就再留心下出面...聽下會唔會有腳步聲走近...

等我留意左一陣...都仲係聽唔到出面有乜異樣...

唔...

“滴滴滴滴滴滴滴滴滴”我只好淋一淋個身...

淋一淋個頭...

暖水灑到柔順既髮絲...流落精緻既面蛋...再由粉頸流到落豐滿既雙乳...直流到纖幼既小蠻腰後，滑到落小腹...沾濕已修剪過既陰毛...流到落修長既美腿...

但出面都仲係好似無乜動靜咁...

唔係丫嘛…我俾晒提示你...你唔係咁都唔立即衝入黎丫嘛？

定係你真係咁有定力呢？

會唔會真係太過君子喇？

唔會既...唔會既...

再君子既男人都係男人...

孤男寡女個女仔仲要喺個男仔屋企沖涼...個男仔點都會FF到D野...

點都會FF到有D想曳曳既...

點都會...一定會！

我繼續沖涼...又帶住期待既心留意住出面既情況...

但我只係聽到出面...好似有D音樂聲...

“舉止仍像...”

我再留心D聽...

“你的笑 卻是照舊...”

好似真係有D歌聲...

“...美麗神仙伴...”

呢把聲...好似係...

“...經不可能追”

唔...

我唔係聽得好清楚...始終都有D細聲...

飛揚BB聽緊歌？

聽歌都唔衝入黎？！

唔係丫化…

或者係啦...或者真係啦...

或者飛揚BB就係咁君子...

甚至係聖人啦～

唉...試問呢個世上邊有貓唔食魚架？

唔...或者...可能飛揚BB係君子～唔想就咁衝入黎侵犯我～

但係...唔係問題～

成晚流流長～我就唔信我引唔到你對我曳曳！

我快快手手沖好個涼～

『飛揚～我可唔可以用你條毛巾抹身丫？』我大聲問一問飛揚BB～

「哦...可以丫...」飛揚BB嗌一嗌入黎～

『咁邊條係你架？』我望住幾條毛巾又大聲問一問飛揚BB～

「白色最大條嗰條...」飛揚BB又嗌一嗌入黎～

使乜嗌姐～入黎指俾我睇咪得囉～

真係俾晒機會你都唔識把握架～

我就拎起條白色最大條嗰條毛巾～抹下把秀髮～又喺嫩滑既肌膚上印下印下～

當印到去D敏感既位置...我又專登印多幾下～

印下我D體香落條毛巾道～

當然就唔少得印乾我修剪過既毛毛啦～

印乾晒～印晒D體香落條毛巾道之後，我就著上飛揚BB件純白色Tee～同埋一條黑色運動褲～

件白色Tee著上身都真係幾大件～幾鬆身～

不過就算係咁鬆身都係隱約凸左兩點粉粉地色既乳尖出黎～

無錯～係凸點～

因為我無戴返個Bra～

唔止無戴Bra～我仲連條底褲都無著～

真空狀態～

俾飛揚BB見到我凸點仲要知我無著底褲既話...一定會心動！

為左可以確保飛揚BB知我連底褲都無著，我故意唔用條吊帶連身短裙包住晒條粉紅色既Lace底褲～

仲要拉出少少～露條底褲邊出黎～

好～搞掂晒～

『沖完涼舒服晒～』我左手拎住自己件粉紅色碎花吊帶連身短裙～右手抹住個頭～赤住雙腳由廁所行返出去～

「沖完...涼...」正當飛揚BB企起身，擰個頭去我呢邊之時，飛揚BB眼定定咁望住我對豐乳～

正確黎講係眼甘甘咁望住我兩粒粉紅色既乳尖～

嘿嘿...係唔係估唔到呢？

係唔係好吸引呢？

係唔係喺道諗緊我除左無戴Bra之外...會唔會連底褲都無著呢？

「使唔使吹乾個頭先丫？」飛揚BB行埋我身邊～幫我拎一拎條毛巾～

飛揚BB偷偷望一望我手上既吊帶連身短裙...望一望裏面...包住個粉紅色Bra...仲望到粉紅色既Lace底褲邊...

飛揚BB而家知我裏面乜都無著...係唔係覺得好方便呢～

我諗除左覺得方便...仲一定會有少少想...少少想...

『嗯～有無風筒丫？』我左望望～右望望～

「黎丫～等我幫你吹啦～」飛揚BB行到入房～

我就放好D衫喺我個袋仔附近之後，雙手放後～彈下彈下咁彈過去～

我一路彈過去，胸前一對豐乳又跟住彈下彈下～

飛揚BB就望到實一實...望住我嗰兩點實一實～

嘿嘿...睇黎...飛揚BB真係俾我吸引到喇...

今晚你係我架喇～

飛揚BB定一定神，快快手手拎起個風筒：『坐到床邊先～』

我大方得體咁坐喺床上面，雙手仲要放到大髀上～

“颼”飛揚BB企喺我面前～相當溫柔咁撥一撥我把秀髮～

飛揚BB又溫柔又細心咁～

『你真係好好手勢呢～』我望一望上去～望住飛揚BB好專心咁幫我吹頭～

「OK咁啦～因為我之前做過Salon架嘛～」飛揚BB繼續溫柔咁撥下撥下我把秀髮～

『點解既？你對理髮都有興趣架咩？』我一直注意住飛揚BB～

「唔係～只不過屋企無錢，要去玩想買野都要自己搵錢自己支付～」飛揚摸下摸下我把秀髮～

『飛揚你好叻丫～』我Keep住注意住飛揚BB～

飛揚BB真係好吸引～

專注住一件事既飛揚BB真係吸引死我喇～

「叻乜鬼丫～我都係學左洗頭同吹頭咁大罷咋嘛～放完個暑假之後就無做喇～」飛揚BB無奈咁笑笑口～

『咁起碼都叫識多樣～做你女朋友又好，老婆又好，囡囡都好，有你幫佢地吹頭，好幸福架～』我甜絲絲咁望住飛揚BB～

好似而家咁～我有你幫我吹頭真係好幸福～

「哈哈～幸福真係可以咁簡單咩？」飛揚BB恥笑左我兩聲～

『幸福本來就可以好簡單～俾自己所愛既人為你做任何一件事都好幸福架啦～』我搖下搖下個身～點下點下個頭～

你知道嘛～呢個星期可以同你一齊工作～一齊食Lunch～一齊去迪士尼～一齊見客～一齊睇場～一齊煮飯仔～真係我咁大個女，最幸福既日子黎架～

我好希望...以後既日子都可以同你一齊幸幸福福咁過呢～我既飛揚BB～