只見飛揚BB好似呆晒咁~

『飛揚~飛揚...飛揚!』我搖一搖飛揚BB~

「係係?係咩事呢Emma?」飛揚BB仲係失魂落魄咁~

『無事嘛?你面色有D難睇喎...』我打量飛揚BB幾眼...

唔係應該係我面有難色先岩架咩?





點解飛揚BB既面色會仲難睇過我既?

「無無…咩事都無...」飛揚BB仲係口震震咁...

「魚旦麵,牛腩麵。」就喺呢個時候,靚仔侍應放低兩碗好似湯碗咁大碗既麵~

『嘩~好大碗丫~仲好多魚蛋添~飛揚果然無介紹錯~』我望住碗麵~雙眼發晒光咁~

真係成隻湯碗咁大碗~





仲要係D麵又多~D魚蛋同D牛腩多到~成個碗都係~

「係咯係咯…真係好大碗呢...」飛揚BB好似有D唔係好相信咁~

『係呢~飛揚等等有咩做丫?』我就一邊咬下咬下粒魚蛋~一邊問~

「今日約左人上山過夜影星空...」飛揚BB又咬下咬下舊牛腩~

『上山影星空?同邊個去咁浪漫丫?』我古古惑惑咁望住飛揚BB~





無理由係同阿Wing架~

阿Wing去緊Camp都仲未返~

「邊係浪漫呢...同個老朋友咋嘛…」飛揚BB尷尷尬尬又唔想去面對咁答...

飛揚BB答得咁尷尬...又唔想去面對咁...仲要話係老朋友...

『女仔黎既?』我打量一下飛揚BB...

「嗯...」飛揚BB心事重重咁點點頭...

仲要心事重重咁既樣...

『唔...呢個人...對你黎講...好重要?』我眼定定咁望住飛揚BB實一實...





飛揚BB諗下諗下...

好似想開口...但又開不了口...

好似因為有太多太多...過去...經歷...感受...

無可能用短短幾句就解釋得清...

亦都唔知點樣講...

飛揚BB有咁既表現...唔通係...

『係你心中既青鳥...你既公主...』我帶上一點點黯然神傷咁望住飛揚BB...





「嗯...」飛揚BB點一點頭...

真係…

真係羅海月...

喺呢個世界上...我諗就只有羅海月可以能飛揚BB失魂落魄...

應該話...飛揚BB個心...一直都係喺羅海月手上...

從來都係...一直都係...

任何時候...飛揚BB都會諗住羅海月...

一直帶住羅海月呢個人生活...





所以...飛揚BB先會成日都好似呆下呆下咁...

因為...飛揚BB每分每秒都係想起佢...諗住佢...

點解要咁呢?

『佢真係咁好咩?』我無奈咁講一句...

羅海月真係有咁吸引咩?

「下?」飛揚BB唔係好明我既意思...

『真係值得咩?』我繼續無奈咁講一句...





真係值得你將個心交俾佢咩?

「下?」飛揚BB仲係痴痴呆呆咁...

『一個離棄過你既人,真係值得令你為佢失去自己咩?』我一面哀愁咁樣問飛揚BB...

一直行屍走肉...行屍走肉...

「ER…」我無等到飛揚BB講出想講既說話...

『佢根本就無資格得到你個心!』我帶著一絲絲不忿望住飛揚BB!

「你錯喇!唔係佢拎走左我個心!」飛揚BB講得有D大聲!

大聲到我都有D俾飛揚BB嚇左一嚇...

「係我...唔願離開...」飛揚BB無奈咁...又委屈咁...低著頭…

唔願...唔願...

『對...對唔住...』無錯...係飛揚BB唔願離開...

一直都係...

我應該一早就知道...

只係我...一直都唔肯面對...

唔肯面對...一直都係飛揚BB唔願離開...

唔願離開呢個命中注定既羅海月...

雖然係咁...之但係...

「係我對唔住先岩...對唔住Emma...我唔應該向你發洩我既情感...」飛揚BB一面內疚咁望實我...

『唔~』我帶住微笑擰一擰頭~『如果你發洩左出黎會舒服D既話,我好樂意感受你內心最深處既情感。』

我一直情深意濃咁望住飛揚BB~

之但係...我係唔會因為你唔願離開羅海月而離開你!

反而...我更加要帶返你出黎!

就好似...Ashlynn咁...

Ashlynn唔值得你愛...

羅海月...佢根本就唔再愛你...

我唔要你再浪費時間喺錯既人身上!

約定的時間到了...這一次...一定要讓你幸福!

之不過...羅海月呢個人...一D都唔簡單...

我應該點做...又可以點做呢?

同飛揚BB食完個早餐~係時候都要離開喇...

又要離開飛揚BB...

雖然話離別是為了下一次重逢的開始...

但其實...我每次都係有少少唔捨得...

女仔丫嘛…女仔係咁架啦...

你地D男人成日都話同女友傾電話難Cut過有線...

但你地又有無諗過...你地既女朋友就係好愛你先唔捨得收線...想聽多D你把聲呢?

「返去好好氹下你爺爺喇~」飛揚BB企喺Aventador LP700-4 Roadster隔離,囑咐一下我~

『嗯~放心啦~我會架喇...我好聽你話架嘛~』我點一點頭~但仲未開著架車...

唔...點講好呢...應該點講好呢...

「好喇...咁你...揸車小心D喇...」飛揚BB都好似有D唔捨得咁...

『嗯...飛揚丫...你...今晚都要小心D丫...』我一副擔心樣...

我真係好擔心...

好擔心唔知羅海月想點...會點...

呢個女人...真係太過深不可測...

「傻瓜黎架~我又唔係上雪山~又唔係拍緊天與地~我更加唔係叫家明~有乜咁危險~」飛揚BB恥笑一下我過於杞人憂天咁...

『我...我...』我欲言又止咁...『總之你要小心D啦...』

你就梗係唔知嗰個魔女有幾恐怖...

因為你都已經中晒魅惑啦...

「好喇~我應承你我會好小心~好小心~咁你可以放心返去啦?」飛揚BB氹一氹我...

『嗯~勾手指尾~』我點一點頭後,伸出一隻手指尾~

都係勾手指尾穩陣!

「嗯~應承你~」當飛揚BB正要用手指公,掂落我隻手指公之際...

我箍一箍住飛揚BB條頸...錫左佢塊面一啖...

『我等你返黎...』我情深深望住飛揚BB...

「嗯...」飛揚BB三魂唔見左七魄咁既樣~

“吼!吼~吼~吼!”幾下引擎怒吼之後...

『拜拜啦~飛揚~』我向飛揚BB揮揮手~

「拜拜喇...Emma...」飛揚BB仲係六神無主咁既樣...

“吼~”飛揚BB痴痴迷迷咁,目送住我離開~

錫左你一啖...希望可以加強你對羅海月既免疫力啦...

希望啦...希望啦...

唉...不過真係唔樂觀...

你都唔係唔知嗰個羅海月影響得飛揚BB有幾深先得架...

唔好話我一個吻丫...就算係我獻埋身丫...飛揚BB都仲係諗住佢架啦...

羅海月呢個女人...係唔係魔女黎架呢?

係唔係識得施咒架呢?

搞到飛揚BB甘心情願雙手獻個心俾佢...

究竟呢個魔女仲偷左幾多個男人既心呢?

羅海月...羅海月...

都係打個電話俾羅海月先!

「嘟...嘟嘟...嘟嘟嘟...嘟嘟嘟嘟...李家大小姐又有乜貴幹?」羅海月好似忙緊咁...

『你係唔係同飛揚上山?』我就單刀直入!

「嗯?你又知丫?」羅海月好似有晒心理準備咁...

『你究竟想點丫?』我就再直接D問!

「你係指我同飛揚上山做D乜?你唔使理咁多~我自有分數~你都係專心D揸車啦~」羅海月Hea住咁答...

『你!你又知我揸緊車?!』講到自己好似好了解人咁!

「你嗰邊D引擎聲咁大,聾既都知啦~總之你就唔使擔心咁多啦~專心揸車啦~拜~」羅海月講完個“拜”字就收左線...

Cut…Cut我線?!

呢個羅海月丫...

真係又無禮貌...又深不可測!

深不可測...

“吼~吼~吼~吼!”我一直諗住呢個深不可測既奇女子...一路揸住架Aventador LP700-4 Roadster喺高速公路上飛馳~

好分心咩?

好危險咩?

你越叫我專心,我就越係要唔專心架喇!

都未算~

“And you don't seem to understand…”

呢個時候仲要電話響添~

我望一望部電話...

『係爺爺?』我立即接一接聽~『爺爺咁早丫~~~』

「喂~爺爺掛住乖孫女丫嘛~乜真好早咩?定係乖孫女既初夜大戰左成晚~好夜都未瞓~所以先覺得早咋嘛?」爺爺古古惑惑咁問...

『爺爺喔!無黎正經丫!』講到人地咁難為情!

「呵呵呵~你爺爺我幾時有正經過~點姐?係唔係米已成炊姐?」爺爺仲要繼續無黎正經咁問!

『唉...唔好提喇...』我都仲未講完...

「個衰仔攞左我個乖孫女既第一次唔肯負責任呀?!唔怕!我轉頭就搵人買起佢!」爺爺火都黎埋咁~

『唔係丫唔係丫!你冷靜D先!』我就立即安撫下爺爺~

「仲話唔係?!唔係D咩呀!個衰仔我睇錯左佢呀!買起佢都便宜左佢!我要買起佢條J!!!」爺爺仲係好火咁~

『唔係丫唔係丫!真係唔係丫!我地都無搞到!』我就急住令爺爺冷靜落黎!

「下?你地無搞到?」爺爺好驚訝咁~

『唔...爺爺肚餓未丫?不如我地見到面先傾好嘛?』反正都想俾返支筆爺爺先...

「唔...好丫好丫...有乖孫女陪就梗係好啦~」爺爺仲有D困惑咁~

『嗯~咁就去返平時去開間酒樓啦~』而且出黎講既話...好似好D既...

「嗯~你慢慢丫~唔使急架~最緊要小心D~專心D~」爺爺提一提醒我~

『嗯嗯~咁等陣見啦~』雖然話可能會有D難為情...

「嗯~等陣見啦~拜拜~」

『拜拜~』不過同爺爺講既話,我又唔會覺得尷尬既~

始終爺爺都係最錫我~又知得我最多野既親人~

“吼~吼~吼~吼!”我踩盡油~向住港島方向飛過去~

唔使一陣,我就黎到中環~

“吼!吼~吼...吼...”泊好架LP 700-4 ROADSTER之後,我就上酒樓~

一入到VIP房,我就已經見到爺爺沖緊壺靚茶~

『爺爺~咁快黎到既?』我立刻上前攬一攬住爺爺~

俾爺爺早到過我添~

我已經飛住咁過黎,仲諗住可以好似平時咁開定壺靚茶等爺爺添~

「爺爺心急想睇下我個乖孫女點丫嘛~點丫?個衰仔係唔係蝦你?唔怕同爺爺講!等爺爺為你作主!」爺爺一邊摸住我把秀髮安慰我~一邊心痛我~

『唔係唔係~我地成晚乜都無做過...只係攬住一齊瞓咋...』我帶點失望咁嗲下嗲下爺爺...

「下?只係攬住一齊瞓?咩都無做過?」爺爺好似好驚訝咁~

『嗯嗯...咩都無做過...』我又嗲下嗲下咁...

「佢就連抽下你水都無丫?」爺爺勁驚訝咁~

『摸下D重要少少既部位都無...』仲縮都縮唔切咁...

「唔係丫化…佢係唔係男人黎架?我既乖孫女咁吸引...佢都把持得住?和尚都無佢咁好定力啦下話...」爺爺囧晒樣咁...

『爺爺喔!』又無黎正經喇!

「咁真係丫嘛…試問世上邊有貓係唔食魚架?」爺爺仲係唔敢相信咁...

『我都係咁諗...之不過佢真係一隻唔食魚既貓囉...』我扁晒嘴咁...

「唔食魚既貓都只有兩種架姐...一係佢唔好魚...一係佢唔得...」爺爺諗下諗下...

『爺爺喔!』我谷起晒面豬登!

「咁係丫嘛…」爺爺無奈咁點點頭...

『佢唔係唔好魚…亦唔係唔得囉...』我谷到塊面都紅紅地...

「你又知佢唔係唔好魚?你又知佢唔係唔得?」爺爺古古惑惑咁打量住我...

『佢之前有女朋友架嘛…而且一個男人得唔得...做女仔既係感覺得到架嘛…』我已經講到塊面超級熱...

不過真係架嘛…

一個男人係唔得定係唔鹹濕...女仔係感覺得到...

仲要可以好清楚添...

「咁...都唔知係唔係話佢真係太好仔好喇...」爺爺笑笑口咁~

『嗯?』點解咁講呢?

「咁大誘惑都可以咁忍得住...睇黎佢好錫你~喺未同你真真正正一齊之前唔想傷害你~」爺爺笑笑口咁摸下摸下我把秀髮~

『真係咁?』我甜絲絲咁笑笑口~

我都覺得飛揚BB真係好錫我~

「之不過...」爺爺諗左一諗...

『之不過?』我一頭問號咁...

「之不過點解佢仲未同你真真正正一齊呢?我唔會覺得你做得唔夠出面...應該話你已經擺到明話俾佢聽你對佢係有意思~就算佢唔肯定...都總會有少少感覺得到...」爺爺又諗下諗下...

『嗯...』我都覺得自己已經做得好出面...

就算有幾蠢既男仔...

就算好似飛揚BB咁呆既男仔...

都總會Feel得到啦...

「所以...佢仲未想同你真真正正開始既話...應該係因為佢有D野仲未諗得通...仲未放得低...」爺爺又諗下諗下...點下點下頭...

有D野仲未…諗得通...放得低?

有D野仲未諗得通…有D野仲未放得低…

我諗...真係...

『我諗...我諗佢最諗唔通既...最放唔低既...係嗰個女仔...』我諗下諗下...又諗起羅海月呢個人...

「嗯?」爺爺一頭問號咁望住我...

『一個影響得佢好深好深既女仔...係佢既初戀情人...』飛揚BB既初戀情人...羅海月...

「唔...係佢既初戀...係嗰個女孩...哈哈...」爺爺笑一笑…

『嗯?』點解爺爺會笑得...咁奇怪?

「論樣貌...論身材...論年齡...我既乖孫女的確係完勝嗰個女孩...之但係...愛情呢樣野...有時唔係咁比較...」爺爺帶住微笑擰擰頭...

『唔係咁…比較?』我都仲係有D唔明...

「嗯...佢之所以放唔低呢個女孩...除左佢既外在因素之外...好可能仲有...對佢既過去...佢地之間既過去...一份執著...」爺爺又諗下諗下...

一份...執著...

「你可能都已經察覺得到...呢個男仔對呢個女孩既執著...係由好耐好耐之前已經開始...根深蒂固...」爺爺又諗下諗下...

由好耐好耐之前...根深蒂固...

「呢個男仔對呢個女孩既情...既愛...並無因為佢地既分開而停落黎...反而一直深愛...一直深愛...」爺爺又諗下諗下...

無因為分開而停落黎...反而一直深愛...一直深愛...

「呢個男仔對呢個女孩既思念日漸俱增...就好似...呢個女孩就好似一直都同呢個男仔一齊生活咁...喺男仔個心裏面一齊生活...」爺爺又諗下諗下...

一齊生活...一直都喺佢心入面...帶住佢喺心入面...一齊生活...

「任何人都唔可以...將呢個女孩...由佢心中刪走...」爺爺又諗左一諗...

任何人都唔可以...將呢個女孩...由佢心中刪走...

「無一個人可以...就算係你都無咁既可能...」爺爺又諗左一諗...

就算係我都無...都無咁既...

「所以...假如你真係想同呢個男仔一齊既話...你就要有呢個心理準備...」爺爺慈愛咁望實我...

『心理準備?』我唔係好明...

「有一個...同一個心裏面有一個人喺道既人一齊既心理準備...」爺爺憐憫咁摸摸我把秀髮...

同一個...心裏面有一個人喺道既人一齊...既心理準備...

其實...愛上一個心裏面有另一個既人...係乜野感覺?

我相信...Ashlynn應該係最清楚...

喺呢一刻...我清楚明白...點解Ashlynn會咁樣對飛揚BB...

完全係因為...Ashlynn知道飛揚BB心裏有另一個...

飛揚BB心裏…有羅海月…

試問喺呢個世界上...有邊個女仔可以容忍到自己既男朋友心裏有另一個女仔...

所以...Ashlynn先會對飛揚BB咁差...

或者...岩岩開始知道之時...Ashlynn都會想將羅海月由飛揚BB心中刪走...

但係...一直都刪唔走...

久而久之...Ashlynn由愛...生恨...

除左對羅海月既恨...仲有對飛揚BB既恨...

恨飛揚BB同佢一齊...但又唔可以全心全意愛佢一個...

明明就喺身邊...但個心就諗住羅海月...

就好似...背叛一樣...

背叛...其實係由飛揚BB開始...

「咁你可唔可以同一個有另一個人喺心裏既人一齊?」爺爺憐憫咁打量住我...

我...我可唔可以...可唔可以接受得到...接受得到...

『可以...我可以...我一定可以!』因為我真係好愛飛揚BB!

我愛飛揚BB既程度...係可以愛晒佢既全部!

包括佢心中既羅海月!

我唔介意...我唔在乎!

我唔係偉大!相反我係好自私...

我自私到只要可以同到飛揚BB一齊...我甚麼都願意...

「嗯~果然係我既乖孫女~」爺爺帶住慈祥既微笑,摸下摸下我個頭~

雖然我唔係好明點解爺爺會咁講~之但係我就好開心~

「不過講真一句...要鬥既話...你係鬥唔過嗰個女孩...嗰個女孩...太厲害喇...」爺爺無奈咁擰擰頭...

爺爺呢句我就更加唔明喇...

點解爺爺好似咁了解嗰個羅海月咁架呢?

點解爺爺好似...識得羅海月咁架呢?

呢點我就無謂再問落去喇...

反正我問...爺爺都只會答“我要知道有幾難?”咁架啦~

所以都係算啦~

同爺爺歎完茶...

『呀!係丫~』我喺個手袋裏面拎返支筆~『飛揚托我還返俾你架~』

爺爺笑笑口咁接過支筆:「哈哈...呢個男仔真係...真係又老實~又好仔~俾晒成副身家佢都無問題~哈哈~」

『爺爺都話飛揚好呢~』我就嗲下嗲下爺爺~

「好丫好丫~好到要嫁埋個乖孫女俾佢丫~」爺爺又無黎正經咁~

『係丫係丫~你捨得架喇?』我又古古惑惑咁打量住爺爺~

「睇你個春心蕩漾樣~我唔捨得都唔得架啦~哈哈~」爺爺仲係勁無黎正經咁~

『爺爺又笑人!』我谷一谷起塊面豬登~

「係喇係喇~唔笑啦~唔笑啦~揸車要小心D喇~」爺爺送一送我上車~

『嗯嗯~爺爺都快D返去休息下啦~』我坐返上架Aventador LP700-4 Roadster~

「嗯~拜拜喇~」

『拜拜喇爺爺~』

“吼!吼~吼~吼!”

好快返到黎屋企~

好快就除晒D衫~換返屋企衫~瞓喺床上~

我用對腳玩下玩下隻劍熊...又用對大髀夾下夾下:『你丫...真係丫...俾晒機會你你都唔咩我...搞到人而家都唔知點算好...衰人黎架...』

我再用對腳踩下踩下劍熊個頭...胸口...JJ位置:『反正你都用唔著架啦~踩爆你!踩爆你!』

我踩多兩踩...又攬返住劍熊...攬到實一實...用對豐乳夾到實一實:『唉...都唔知嗰個羅海月會點添架...都唔知會唔會食左飛揚BB添架...』

我就攬住劍熊碌下碌下...

自有分數...羅海月所指既自有分數...係咩分數呢?