我著上白色吊帶短裙...白色碎花婆仔鞋...

手中綁住一大束汽球...

企喺迪士尼樂園既中央廣場...

搖下搖下...擺下擺下...

心情有D緊張...





其實由尋晚開始...就一直緊張到而家...

咁大個女...都係第一次表白...緊張都好正常姐...

唔知飛揚BB會有乜反應呢?

又會唔會...接受我呢?

一直以黎...所有野都喺我既掌握之內...





但今次...真係難以估計...

我帶住緊張既心情望住門口...期待住我一直都期待住既人出現...

唔使幾耐...過左一陣...我就見到我所期待既身影...

「Emma…」飛揚BB帶住微笑行過黎~

『你黎喇~』我笑得勁甜~好似蜜蜂糖一樣咁甜~





等到你黎喇~終於都等到...呢一日...

「嗯~係呢~點解約我黎呢道既?想我陪你黎玩?」飛揚BB對住我好似有D怕怕地羞咁~

做乜咁怕羞~

要怕羞嗰個唔係應該係我咩~

『唔唔~』我擰一擰頭~『我約你黎,係要向你表白~』

飛揚BB聽到我講出“表白”呢兩個字之後,成個人都呆晒咁~

係太過突然?

未有心理準備?





『喺你未拒絕我之前,聽我講個故事先~』我微微擺動一下身體~

「哦...」飛揚BB仲係呆晒咁~

『是咁的...喺我十五歲嗰年,我同爺爺黎迪士尼玩~我本來想同米奇影合照,但因為已經過左時間,所以無得影...』我扁扁地嘴…扮到勁慘勁慘咁...

而飛揚BB又好似成個好專心咁聽故仔既小朋友咁~

『嗰陣時既我,其實好任性...我大吵大鬧話要爺爺買左成個迪士尼,鏟平佢!等以後都無人可以再同米奇合照!』我眉頭一皺~谷起塊面豬登!

「哈哈~」飛揚BB笑左一笑~

『唔好笑住先啦~我好認真架~』我繼續谷起塊面豬登~





「OKOK~請繼續~」飛揚BB就忍住唔笑~

『就喺我爺爺要打俾香港迪士尼既主席之時,米奇突然喺我眼前出現!』我碌一碌大對眼~

「哈哈~唔得唔得...頂唔順~真係頂唔順~D劇情咁CCTVB既?」飛揚BB又忍唔住笑左出黎!

『你唔好笑住先啦~認真架~』我搖一搖飛揚BB~

「OKOK~繼續繼續~」飛揚BB諗左一諗~

『米奇話可以同我合照~原因唔係因為我霸道~』

飛揚BB皺一皺眉...又諗左一諗...

『原因係因為我既堅持~』





講到呢到...都應該差唔多…

『一份對愛既執著~』

飛揚BB應該記返起...

『佢話同佢合照都得~不過就有一個條件...』飛揚BB無等我講落去...

「要應承我,以後都唔可以再咁任性。」飛揚BB伸一伸出手指尾~

『嗯~我以後都唔再任性~』我一副天真爛漫既笑容~勾一勾飛揚BB手指尾~

我隻手指公掂一掂落飛揚BB隻手指公~





就好似當年咁~就好似當年第一次見到飛揚BB既時候咁~

「你...你就係...」飛揚BB好似唔係好敢相信~

『嗯嗯~你終於都記返起喇~』我就喺個銀包仔裏面,拎出一張相~

張相裏面有一隻米奇同一個女孩~係當年我同飛揚BB既合照~

「你仲有Keep住呀?仲要Keep得好好喎~喂喂...等等先...嗰陣時既你...明明係一個大肥妹黎架喎!仲要成面暗瘡!點解你而家...同而家既你根本就係兩個人!你喺日本整過容黎丫?」飛揚BB指住張相裏面既我!

仲要勁唔敢相信咁既樣!

我立即望一望張相:『咩喎~我無整過容丫~係我好努力咁Keep...唔食煎炸野啦~做多D運動啦~唔好翹腳啦~唔好過十點鐘瞓覺啦~係忍唔到口...久唔久飲下可樂囉...我諗住要做一個完美既女仔先返黎搵你嘛…』

我谷一谷起塊面豬登...

你都唔知...你都唔知我為左你幾咁努力...

唔單止唔再任性...好努力做個乖乖女...學識賢良淑德...大家閨秀...

我仲勁辛苦咁忍口唔食煎炸野...

明明最鍾意就係食薯片...飲可樂...

懶得做運動...

但就係要Keep好個身段...Keep好D皮膚...點忍唔到口都要忍...

幾懶都好都要做運動...

坐都要保持良好坐姿...

明明有劇未煲完都要十點鐘前瞓覺覺...

就係因為你咋...因為想以最完美既姿態再次出現喺你面前咋...

「咁你點知隻米奇係我?」飛揚BB指一指住自己~

『我同你影完合照之後,我有偷偷跟喺你後面~我見到你入左去後巷,除左個米奇頭抖氣~嗰陣時我覺得你都幾靚仔丫~最重要既係你講既一句話,我覺得好有意思~我覺得我自己只會聽你話...只有你既說話...咁...我就愛上左你喇~我真係有聽你話,唔再任性!好努力咁做個乖乖女架~』我面紅紅咁點點頭...

我一直都係咁愛你...就只愛你一個...

「但...隔左咁多年...你係點樣同幾時知道我喺你姑丈道工作?」飛揚BB好似總係有D野諗唔通咁~

點講好呢...

無理由直接講所有野都係我既精心安排掛...

唔...

『唔...乜你到左而家,仲覺得所有野都係偶然架咩?』我向飛揚BB打左個眼色~

我諗飛揚BB唔會真係咁天真掛~

『咁...飛揚...我...可唔可以...』我都未將"做你既女朋友"講出口...

飛揚BB捉一捉住我對手:「Emma…原來有一位天使,一直喺我背後守護住我,我都唔知道...好彩既係,當我知道既時候,都唔係太遲~我已經錯過左太多,錯過太多幸福既時光...但可以既話...可唔可以以後既所有快樂...所有幸福...所有美好既時光,都有我喺你身邊,一齊經歷,一齊度過?」

估唔到...到最後...

我甜絲絲咁笑一笑~點一點頭:『嗯~』

飛揚BB就急不可待咁攬實我!

估唔到到左最後係由飛揚BB開口問我可以唔可一齊~

咁都唔錯既~

話晒我都做左咁多野~假如到最後都係要我開口問可唔可以一齊既話,我實在太唔矜持啦~

女仔嘛~女仔點都要有返D矜持先得既~

就算係好似我呢種咁主動爭取既女仔~

所以你地做男仔既,唔會成日都要等女仔開口呀~

無幾多個女仔真係會咁主動架知唔知丫~

到你等到個女仔走左去既時候,就真係後悔莫及~塵世間最痛苦既事莫過於此~

『喂喂喂~呢D時刻梗係要影返張相先架啦~仲有帶返個米奇頭箍~』我幫飛揚BB戴上米奇頭箍後,喺手袋仔拎出手機~

『攬實D~攬實D~』我攬到飛揚BB實一實~

「哦哦哦...」飛揚BB又攬一攬實我~

我同飛揚BB笑笑口~面貼面咁望住個畫面準備自拍~

『1~2~3~』當我數到三既時候...

螢幕既上方...個通知欄彈示出一條...WhatsApp既Message...

WhatsApp now
Amy:我地已經收到你既尾...

Case 14 | Close File