聽完阿哥講佢既愛情故事...

又同我講出一句“如果你真有一個好愛既人...就要同佢講清講楚!唔好令自己後悔!”...

我都參透左好幾日...

但都仲係唔多理解...

係我太過蠢鈍?





定係我太過單純?

我都唔知...

我只係知道,有D人未經歷過,係唔會明白個中感受。

愛過方知心痛,痛過方知情重嘛~

我繼續努力參透,無時無刻都嘗試參透出箇中玄機...





直至到左一個星期五,練完波之後,當我諗住返課室拎返把遮之時,我喺學校既走廊上見到阿雪...

阿雪拎住部相機,影下影下...

『阿…阿雪~仲未走既?喺道影咩丫?』我離遠已經叫定阿雪,免得行到埋去先黎嚇親佢。

你知啦...我地呢D毒撚,無時無刻都會嚇親人架啦~

阿雪望一望過黎,笑一笑:「HI~Gary~無丫~想影下間學校咋嘛~你都未走既?」





『我?我...漏左把遮丫嘛…係呢...做咩無啦啦影學校既?有攝影比賽咩?』我行到埋阿雪身邊。

每次行到埋阿雪身邊,總係聞到阿雪身上既淡淡清香~

其實呢點都幾奇怪!

雖然話人既嗅覺係最靈敏~但當習慣左種氣味之後,就唔會再對嗰種氣味產生反應。

不論香或臭都係一樣。

直至到過左好多年都無聞過,突然又聞返,你就會立即認得出。

而我之所以覺得奇怪,係因為我喺呢段時間,久唔久都有喺阿雪身邊。

照計應該已經習慣左佢既氣味先係架...





點解到左而家,阿雪既體香,仲係刺激到我既腦內神經架呢?

「咁好天你都帶遮架?用黎遮太陽丫?」阿雪笑一笑,「唔係咩攝影比賽~只係...我想留住一D回憶姐...」

留住一D回憶?

我諗阿雪係想留住中學生涯既回憶...

但...而家就開始?

『唔...我地而家先中五…仲有一年時間喎~會唔會早左D丫?』係咯...而家我地既中五生涯都仲有三分之一左右,仲有時間喎~

阿雪擰一擰頭:「都唔早喇...唔好唔記得,我地上到中六,就要用更多既時間去溫習...而且話就話有一年,實際就只有大約半年返學既時間...」





唔…阿雪又講得岩既…

唔好話上到中六,我諗今年暑假除左返暑期工之外,都係時候準備DSE...

而中六既實際上堂日子,大約都只有半個學期多DD...

六年中學既生涯...話咁快就過去喇...

「所以襯有D時間,又見今日天氣幾好...黃昏之下,令到成間學校都帶住淡淡既艷陽紅...咪影下囉~嗱~你睇下~靚唔靚丫?」阿雪隊左部相機俾我睇...

我望一望...

『好靚丫!』真係影得好靚!

平時經常往來既走廊,一直都係平平無奇。





但而家由阿雪手上既相機一睇...

平凡既走廊被橙紅色既陽光照射下...總有一份...一份...悽楚?

「靚呢~我都好鍾意呢一張~仲有仲有...呢張...呢張...呢幾張~我都好鍾意~」阿雪一路轉下轉下個掣,靚相就不斷喺我眼前飛過...

好靚...真係影得好靚...

每一張相...裏面既地方...本來係我呢五年來,差唔多每日都會經過既地方...

但而家由LCD顯示器顯示出黎既影像...總係為熟悉既地方添加左一D...一D...陌生既...悽楚?

『你真係好厲害呢~可以影出咁多靚相!』我望住一幅又一幅大師級既作品...





「唔~」阿雪擰一擰頭,「仲未仲未…我覺得仲未夠呢...我總係覺得仲未將全間學校留住落黎...我總係覺得...好似差緊D野咁...差緊D...好重要既野...我一定要留住落黎~」

總係差緊D野?

一D好重要既野?

呢一刻,我唔係好知阿雪所指既“好重要既野”係D乜野。

但就喺呢一剎那,我眼前就好似有道閃光閃過咁...

對我黎講既重要野係...喺中學生涯中...認認真真拍一次拖...

呢個係我既心願...

無錯...其實呢個係我一直以黎既心願...

或者你會覺得好無聊。

或者你會覺得好白痴。

或者你會覺得要許願都許個有意義D!

但對我黎講,喺中學生涯可以認認真真咁拍一次拖,已經係最大既意義!

要知道,人一生就只有六年中學生涯。

過左呢六年之後,光陰不再回復,你再無辦法重拾中學生活。

你再無法體驗中學生喺學校裏面拍拖生活既日子。

而呢段本來係最美好既時刻,就會成為你人生中最遺憾既回憶...

錯過了先知道,有D遺憾係會令自己後悔一世...

後悔...?

「喂~做乜呆晒咁丫?係唔係都想親手留住最美既回憶丫?仲記唔記得我教過你既攝影技術丫?」阿雪隊一隊部相機俾我...

『我...我都可以影?』我接過阿雪手上既相機...

「當然可以啦~」阿雪向我打左個眼色...

親手留住最美既回憶...

我立刻舉起部相機,以0.5秒對準阿雪...

“咔嚓”

最美既回憶由我親手留住...

「喂~做咩影我丫~」阿雪笑笑口咁拎返部相機黎睇...

『咁你都算係回憶既一部分丫...』而且係最重要嗰一部分...

「唔得唔得!要Delete左佢...」阿雪正想撳垃圾桶個掣之時...

『唔好唔好!你睇下...影得幾靚...就咁Delete左...會好浪費...』我捉住左阿雪隻手...

我同阿雪都一齊望住個LCD顯示器...望住裏面既阿雪...由我親自攝下既阿雪...

我唔知有幾個人有睇過“Because I am A Woman”既MV...

呢個MV,係幾年前我阿哥晚晚Loop既MV...

而如果你未睇過既話,就真係要睇下。

MV中一開始,講述一個攝影師喺兩旁樹影下,影梗人像相之時,有個女仔咁岩行過,巧合之下就將呢個女仔既回眸攝左落黎。

當然,我就唔敢講我而家呢張相有MV裏面嗰張影得咁靚...

但我敢講絕對有個種神髓!

唔係話我既攝影技術高超,只係阿雪俾到呢種感覺我...

一種...錯愕既美...

「唔...都真係幾靚~好啦~我就Keep起佢啦~嗱~你繼續影下~不過唔可以再偷影我!」阿雪谷一谷起塊面豬登...

『哦哦...』我接過部相機之後,開始對住唔同既角落四圍影...

「唔係咁唔係咁~試下咁咁咁…」

『哦哦哦...』

我一路影...

「唔係咁唔係咁~再試下咁咁咁…」

『哦哦哦...』

阿雪一路喺我身邊提點...

「都唔係咁都唔係咁~或者試下咁咁咁…」

『哦哦哦...』

但我一直都好似影唔返嗰種感覺...

「仲係差少少…仲係差少少…再試下咁咁咁…」

『哦哦哦...』

或者係因為無左阿雪喺我面前,我再搵唔到焦點...

同阿雪喺學校四圍影,差唔多影云晒成間學校之後...

“淅瀝淅瀝”出面落起雨黎...

我同阿雪都企喺校門前...

「估唔到頭先咁好天,而家會落起大雨黎...」阿雪望住眼前既雨景。

『嗯...今朝睇新聞,天文台都話今日黃昏時段會有狂風驟雨。所以我先帶定把遮咋嘛~』我拎住手上既黃色遮,Fing兩Fing。

「估唔到你又幾細心架喎~」阿雪打量左我幾眼...

『邊...邊係呢...我遮埋你返去啦~』我打一打開黃色遮...

「咁就有勞晒喇~」阿雪行近我身邊...

我把黃遮仔有D細...阿雪差唔多要貼實我...

而我就硬係有D唔係咁好意思咁...

唔係好敢貼隻手臂埋阿雪道...

「唔...可惜...今日都係影唔到...」當我地就快要行出校門之時,阿雪望一望上條天橋...

『嗯?你想影D咩?』我疑惑咁望一望阿雪...

「唔~」阿雪擰一擰頭,「我相信...總有機會既~」

阿雪踏前一步,又一步…

我跟住阿雪既步伐,行出校門。

“淅瀝淅瀝淅瀝淅瀝”雨勢相當之大,大到我把細小既黃雨傘都好似無乜用咁...

我當然唔捨得令阿雪淋濕!亦唔敢貼得阿雪咁近...所以我都用晒大半把遮遮住阿雪...

「喂~你濕晒喇~企埋D啦傻瓜~」阿雪見我已經淋濕左大半個身,主動拉我埋佢身邊...

『哦哦...』俾阿雪拉一拉之下,我貼實左佢...

而阿雪亦都快快手手咁,翹住左我!

我既手臂...感...感覺到...阿雪既小...小饅頭...

食!波!皮!呀!

我隻手臂感覺到阿雪既小饅頭...彈性...

好有彈性...

而且仲要...一路壓過黎...我地一路行...阿雪個小饅頭就一路壓下壓下咁壓埋黎...

由食波皮...變成食波餅...

阿雪既波...波餅...

諗下諗下...我下面就開始硬...硬硬地...

阿雪既小饅頭...一直...壓向...壓向我手臂...

呢種彈性...呢種彈性...我好想...親手...揸一…揸一…

揸你老母!

唔可以咁架!阿雪對我既信任...我唔可以借阿雪對我既信任去抽佢水架!

唔得!唔可以揸...揸你老母咩?!諗都唔好諗呀!

邊個FF阿雪既小饅頭,我J都扯斷佢!

唔好諗...唔可以對阿雪既小饅頭有幻想...

要做一個君子...喺阿雪面前,我係一個君子!

「再埋D啦~你隻手臂淋梗雨架~」阿雪再翹一翹實我...

我隻手臂完完全全壓左喺阿雪個小饅頭上!

唔得喇...

呢種彈性...

唔得喇...

我真係唔得喇...

我既理性...快要...

『我...我OK架...最緊要係你唔好淋濕身...』我都係同阿雪保持一下距離...

就算我淋到濕晒...病埋都無所謂!

最緊要都係阿雪...

唔可以俾阿雪淋親...更唔可以侵犯阿雪!

阿雪眼定定咁望一望我:「傻瓜~」

或者我真係好傻...喺阿雪面前...喺任何人面前...

但我情願傻...都唔想佔阿雪便宜...

任何時候,我都只想保護阿雪...守護阿雪...

縱使我既能力好微弱...

縱使我係一個一無是處既毒撚...

但我都會盡我一切所能,保護我一直最愛既人-黃雪美!

「唔該晒你送我返黎丫~」阿雪行到屋苑大門前。

『唔...唔駛客氣~大家都係住附近咋嘛~』可以既話,我想日日都同你一齊返學放學添...

「不過為左遮我...就搞到你成個身都濕晒...」阿雪由校裙袋中,拎出一包Tempo...

阿雪拎住張紙巾,幫我喺面上...喺頸上...喺膊頭上印下印...

望住眼前既阿雪幫我印下印下...好有...女朋友Feel...

「做乜眼甘甘咁望住我?淋雨淋到呆左喇?」阿雪喺我面前揮一揮手...

『哦...無無無...你...你有無淋濕?』我打量一下阿雪...

「少少姐~返去沖個涼,換件衫就OK喇~」阿雪印一印衫袖...

我望一望阿雪既膊頭...都濕得幾勁…

濕到透透地...透出白色既...吊帶...吊帶...

「你望咩丫?」阿雪冷眼望一望我...

『無無!咩都無!』我立即緊張咁揮揮雙手!

「嗯~咁我返上去喇~多謝你送我返黎~拜~」阿雪揮一揮手,轉身行入大門。

望住阿雪入埋升降機...

唔...其實落雨又有乜好怕喎~

返到屋企,第一時間都係沖返個涼,換返件衫~無咁易病丫嘛~

吹乾埋個頭之後,我就打開部電腦,開一開Facebook...

我見到有六十幾個訊息...

我幾時變得咁受歡迎?

打開一睇...

係阿雪Inbox我!

打開收件匣,裏面有好多好多好多相!

全部都係頭先我用阿雪部相機影既相!

阿雪主動Send返俾我丫~

我碌下碌下,睇下睇下...

但點解少左一張...少左最重要嗰張?

我幫阿雪影嗰張相呢?

好奇心之下,我諗都無諗會唔會太唐突就Send個Message問阿雪...

“係呢~點解無左我幫你影嗰張既?”

“Shirley:嗰張我緊係唔會俾你私有啦~”

私有?

咩意思呢?

“Shirley:不過我就會用黎做我既頭像~”

用黎做頭像?!

一轉眼,阿雪既頭像就換成我頭先幫阿雪影嗰張相!

阿雪用我影既相做頭像呀!阿雪用我影既相做頭像呀!

張相上面...仲有一句Caption...“留住最美回憶”...

係我幫阿雪留下既最美回憶!

最美回憶...

阿雪亦都係我既最美回憶...

由第一日踏入中學生涯開始...

我就一直暗戀阿雪...

阿雪係我整個中學生涯中,最美麗既回憶...

我唔想呢一個美麗既回憶變成遺憾...甚至後悔...

後悔無好好珍惜呢個機會...

珍惜可以同阿雪一齊既機會...

有D野,唔試過又點知唔得呢?

雖然話試過未必得,但唔試過就一定唔得!

“Shirley:我好鍾意呢張相~多謝你~”

“唔多謝~只要你鍾意就好喇~”

無錯!就算係柒,都要柒一次!

一定要…一定要向阿雪表露心意!

但...要點樣表白呢?