《情困之時，我遇上了自稱情性的情聖》: [Case 04－戀兄情義] PART 02
情性離開咖啡店後，我靜靜坐左喺道諗...
係道諗…係道諗…
上網參考下D甜故？
咩係甜故丫～～～
點解叫做甜故呢？
有甜味架？
好啦～我都係上網Google下啦～
我拎部電話出黎，打開Safari...
喺個搜尋器上打入“甜故”...
搜尋器立即出現左好幾條高登既Link...
高登？！
高登唔係討論區黎架咩？
關甜故咩事呢？
但當我仲一頭問號之時，我見到高登有一個Post既標題好吸引！
個標題係叫做【重甜】《終於俾我上到哥哥張床》！
咩標題黎架？
而家興咩？
點解個標題好似已經講左個故事講乜咁架呢？
呢D係唔係就係叫標題黨呀？
唔好理～佢又真係吸引到我視線喎...
呢個標題名...就好似...話俾我聽...裏面所講既內容...會係有關兄妹亂倫...
兄妹亂倫...兄妹亂倫...
我不自覺咁撳一撳入條Link...
網頁一打開，我就見到個User名係叫做...
『鴻福郎BB？！』個名咁搞笑既～～～
都係唔好理咁多～睇下內容先～
內容係講...『一對兄妹？！』
真係講兄妹亂倫？！
再睇下先...
係講一個好錫妹妹既哥哥...
同我既處境好相似喎！
妹妹因為長年累月被哥哥既愛錫下...日久生情...
同我既情況好相似喎！
到左妹妹十六歲生日之後，妹妹決定要將自己全個人交俾佢哥哥...
同我想做既事都好相似喎！
妹妹開始計劃獻身大計！
根本就係講梗我啦！
之後呢...之後呢...
有乜計可以參考下？
『TO BE CONTINUED？！』無架喇？！
點解咁快無架？
頭都未開喎！
點解唔講埋有乜大計先TO BE CONTINUED丫？
點解要咁吊胃口架？！？！？！
我唔制呀～～～
我唔制呀～我唔制呀～點可以得咁少架？！
我再睇一睇個發文時間...
都係岩岩今日先開Post咋…
唔...唉...好啦好啦...唯有等下啦...
希望唔好隔太耐先出一次文...更加希望唔好斷尾啦...
唉～
離開咖啡店之後，我喺回家既路途上諗下諗下，又噏下噏下...
『點先可以挑起哥哥對我既性慾呢...』唔...
投其所好...情性話過要投其所好...
『但係...咩係投其所好呢...』邊一方面呢？
喺回家車程上諗下諗下...
見到一對情侶喺後座攬攬錫錫…
唔...究竟我有無機會可以好似呢對情侶咁...同哥哥攬攬錫錫呢...
我只係想錫哥哥一個...我只係想同哥哥接吻咋...
哥哥...
返到屋企，打開大門，望一望...
父母又要返工...
哥哥今日唔係話同Friends去踩單車架咩？
尋晚話今日著去踩單車既運動裝都仲掛住喺衣櫃門上既？
唔通...又俾嗰個Ashlynn姐姐捉左出去？！
一諗起嗰個Ashlynn就嬲喇！
成日當哥哥係工人...奴隸咁洗！
無啦啦挑起條筋又會叫哥哥出去喎！
有時上到黎屋企，當正自己係大小姐！仲要指住哥哥呼呼喝喝...指指點點咁！
見到哥哥咁樣...我真係心都碎埋丫...
哥哥又係既...都唔知哥哥鍾意嗰個Ashlynn姐姐D乜...
Ashlynn姐姐係就係胸大大...腰纖纖...腳長長...但脾氣臭丫嘛！
胸大大...腳長長...
唔通哥哥係鍾意D胸大大...腳長長...既女仔？！
我再望一望落胸前...撳一撳自己對小饅頭...
唔...仲係發育梗...仲係有D細呢...
再望一望自己對腳...
唔算得上好長...
不過以我嬌小既身形...算係咁啦...
我呢種身形...可唔可以令哥哥對我產生興趣呢...
唔...
我望一望部電腦...
電腦...
聽D男同學講...佢地既電腦收埋左好多唔俾得人睇既野架喎...
好似仲話係D…色色野…
哥哥既賬號入面...會唔會有D...
唔...都係唔好估估下...不如開哥哥既賬號睇下有無線索仲好啦～
話唔定，真係可以搵到D有關哥哥既...喜好呢～
我手快快咁開著部電腦...撳一撳哥哥既賬號...
Password係...我既生日日期～
我好快手咁入左我既生日日期落去之後，好快就登入到～
嗯嗯～等我睇下哥哥最近睇過D乜相先～
我打一打開哥哥最近睇過既相...
圖片一打開，我見到既係...呢個咪係...
『Heidi？！』乜哥哥佢鍾意Heidi架咩？！
之前好似都無聽過哥哥話鍾意Heidi既？
又唔聽見佢會播SuperGirls D歌...
又唔係好睇得見佢有留意Heidi D新聞咋喎...
不過諗下諗下，又唔係喎...
之前做梗M Club既時候...哥哥又好似真係會坐定定睇架喎...
嗰陣時我仲有D好奇...點解哥哥會鍾意睇女人劇...
唔通...哥哥真正想睇既係...
『係Heidi所飾演既黃河？！』
我嘗試開啟儲有Heidi相片既Folder...
一張又一張...係Heidi既相...
而且仲有好多張...都係Heidi飾演黃河既劇照！
好多張都係黑色頭髮既Heidi，著住套校服...
樣子甜美，而且可愛...
哥哥鍾意既...係好似黃河咁既學生妹？！
但係...Heidi既身材...都好似我咁咋喎...
基本上如果我剪短D頭髮，十足十Heidi咁...
「話時話...你都幾似Heidi架喎～」情性都有咁講過...話我幾似Heidi...
而哥哥又好似真係...好鍾意Heidi咁...
「最重要既都係投其所好～」
投其所好？
如果哥哥真係鍾意Heidi既話...
而我又真係走去剪返個Heidi頭既話...
哥哥會唔會...就好似鍾意Heidi咁...鍾意左我呢？
我坐喺電腦前，望住Heidi...黃河既相諗左好一陣子...
Heidi…黃河...我...
為左可以得到哥哥...我...
『就剪個Heidi頭啦～』
反正剪個髮姐～又唔係有乜咁大不了～
我諗我剪個Heidi頭，都應該幾靚丫～
而且我都真係幾似Heidi...
分分鐘真係可以吸引到哥哥既話...
點都要試一試～
我登出哥哥個賬號，再登入返自己個賬號先閂機～
扮晒好似無開過哥哥個賬號咁～
做唔見得光既野...一定要鬼鬼祟祟...仲要還原一切...咁先唔會俾人發現架嘛～
尤其係唔可以俾哥哥知...
一定唔可以俾哥哥知我偷偷走去了解佢既喜好...
如果唔係...好易令哥哥對我有戒心...
如果哥哥對我有戒心既話...就好難令佢對我產生興趣架喇...
嗯！要小心D！要謹慎D先得！
確保電腦關閉後，我就急急腳咁走去髮型屋～
一走入髮型屋，不論係Junior、髮型師定係客人，男又好女都好，無一不將目光放到去我身上...
其實我已經習慣～
由細到大，去到邊都會有人話我好可愛～好靚女～
老師又會特別照顧我～
同學都會特別鍾意同我玩～
不過...雖然好似萬千寵愛咁～我又唔覺自己真係咁吸引...
而更重要既係...我只想我最深愛既男人寵愛我就足夠了～
而呢個男人...當然就係我哥哥啦～
「靚女～咁快又黎修修髮喇？」我既指定髮型師Jimmy已經主動走左埋黎～
『嗯～又要麻煩你喇～』我對住Jimmy點一點頭～
「唔麻煩～黎～我親自幫你洗頭～」Jimmy推開左個Junior，親自招呼我～
『咁就真係麻煩晒喇～』我有D唔係咁好意思～
靚女係唔係真係著數D？
或者係啦～
但其實...都有好多麻煩野架...
好似話有可能會俾D三姑六婆喺背後指指點點啦～
又或者好似而家咁，搞到D男仔會為你爭風吃醋啦...
如果話可以唔理，就當然可以唔駛理啦～
但如果唔理唔得呢？你又唔知點理好...
最重要既係，我已經心有所屬喇...你地就唔好再煩住我啦...
『今次我想剪個Heidi頭～～～』洗完頭之後，我坐都未坐定就主動講出我既要求～
「Heidi頭？都幾短下架喎～一次過剪咁短...你捨得架喇？」Jimmy拎起個風筒，幫我吹下吹下把秀髮～
『嗯～無問題！』我已經決定左！
為左心中所愛...一把秀髮咋嘛～算得係乜喎～
只要真係可以吸引到哥哥...
令哥哥對我產生興趣...
要我點...我都肯！
「你剪咁短既話，你男朋友仔會唔會唔鍾意架？」
『我都無男朋友～』
「你咁靚女都無男朋友？唔係嘛？」
『真架～我未拍過拖架～』
「仲要未拍過拖添？！係唔係你要求過高？」
『我要求高唔高...我都唔知喔～』
「咁多唔多人追你丫？」
『唔...點先叫做多先？』
「一個月會有十個八個男仔同你示愛？」
『每日都有十個八個男仔同我表白架啦～』
「每日添呀？咁誇張？！」
『唔...都唔係好誇張姐...我個好姊妹都係咁上下～』
「咁你同你個好姊妹咪殺晒成間學校？」
『呃...唔知呢～』
Jimmy一邊同我傾計，一邊幫我修剪秀髮...
長長既秀髮一路掉下...掉到落地上...
越黎越短…越黎越短…
頭髮既長短對好多女仔黎講都好重要～
有D女仔直頭會當頭髮係命根～
一下子太大改變，好似改變左佢既人生一樣～
而我...我真係唔係好介意～
我只介意...哥哥會點睇呢？
一直一直...喺我心中都一直出現呢一條問題...
我真係好在意哥哥會點睇我呢個髮型呢？
會唔會覺得我剪左個Heidi頭之後，真係有D似Heidi呢？
會唔會將佢對Heidi既愛，轉到我身上呢？
唔好話愛咁深入...對我可以超越...超越兄妹之情...可以...有少少鍾意我...少少鍾意我都好丫～
話晒呢步都係第一步...
第一步好重要架嘛！
如果連第一步都唔成功...以後既路仲點行喎...（本身兄妹戀呢條路就已經唔係易行架啦...）
所以...我真係好擔心...好擔心呢...
「你真係有D...唔係...你真係好似...好似Heidi...」Jimmy幫我修完髮之後，眼甘甘咁望住鏡裏面既我。
『嗯～』我仔細咁望住塊鏡裏面既自己～
喺髮型襯托之下，無論係面形同五官，都真係同Heidi一模一樣咁～
只係...我相比起Heidi...仲要細粒少少咁姐～
唔知哥哥見到，又會唔會覺得我似Heidi呢？
講到尾，最重要都係睇哥哥點諗...
丫～影張相放上Facebook先～
我拎出手機，快快手手影返張相放上Facebook...
唔知哥哥會唔會留意到呢？
唔知哥哥會有咩感覺呢？
希望哥哥有機會睇到Facebook啦～（不過如果Ashlynn姐姐喺哥哥身邊既話，睇黎都無咁既機會架喇...）
「係呢...可唔可以俾你既電話我呢？」Jimmy幫我再整一整理後，終於都忍唔住要抄我牌～
我都估到會有呢一日架喇...
只係估唔到，未吸引到哥哥之前，吸引到個髮型師先姐...
『唔唔～』我對住Jimmy擰一擰頭，再笑一笑，『我已經心有所屬架喇～』
無論係古天樂又好～吳彥祖都好～都無可能取代到我哥哥喺我心目中既地位～
我！陳飛舞！一生就只愛我哥哥－陳飛揚一個！
望住Jimmy個檸檬樣...又真係幾陰公豬咁既...
之不過無辦法啦～我個心太細喇～唔可以同時容納多一個人～
Jimmy哥哥～你都係死左條心去罷啦～
『唔好咁唔開心啦～我仲會黎搵你修修把頭髮架嘛～』俾完錢，安慰一下Jimmy哥哥，望一望佢個“好過無”樣之後，我就離開髮型屋～
剪左個Heidi頭之後，本來想返屋企Hea下，等哥哥返黎～
之但係咁岩就感覺到大脾一震～
係Whatsapp？
Whatsapp震得既話...唔通係哥哥？！
我開開心心又急不可耐咁立即拎出手機一睇！
唔？唔係哥哥...
而係...
『GiGi～』
我望住部電話，見到Whatsapp顯示左一條由我既好姊妹GiGi所發出既Message～
我解鎖後再睇一睇個Message～
*噹* “GiGi：岩岩剪完髮？”
睇黎GiGi已經睇到我Post上Facebook嗰張相啦喎～
果然係好姊妹～咁快就留意到～
“嗯嗯～～～好唔好睇丫？”
*噹* “GiGi：嗯 好似Heidi”
就連GiGi都覺得我好似Heidi～
*噹* “GiGi：你而家得閒嘛？”
“嗯～得閒丫～”
*噹* “GiGi：陪我行街得嘛？”
“嗯～當然可以啦～”
*噹* “GiGi：半個鐘後市中心間Starbucks等”
“OK～一陣見～”
或者你會覺得，GiGi好似好Cool咁～
都係既～GiGi既別名係“Cool Table”～真係聽個名都覺得凍～
不過你又唔好睇佢咁Cool咁喎，佢一直都好關心我，好照顧我架～
我地由中一開始，就已經好好感情架喇～
而且...GiGi係唯一一個...知我愛上左我哥哥既人...
就只有得GiGi一個知道呢件不為世人所認同既愛...
坐左喺Starbucks道，啜下啜下杯碎朱古力咖啡星冰樂～
不論係職員定係客人，總之係雄性既都將注意力放到我身上～
好似坐喺對面個男人咁...睇佢大約都有三十歲...
個男人完全無視坐喺佢隔離既女朋友，大模斯樣咁望到我實一實！
而坐喺佢身邊既女朋友，好明顯已經黑晒面...
另外仲有坐喺角落嗰班男仔，睇佢地大約都係二十歲左右～
個個都拎住部手機對住我...扮晒野咁！
你估我真係唔知你地喺道偷影梗我咩？！
只係我唔出聲咋嘛…
唉...男人喔...點解我可以吸引到天下所有既男人，但就係吸引唔到我哥哥呢...
唉～
我一於好少理，因為我心就只有哥哥一個～
等下等下，等左無耐就已經見到有一個嬌小既身影行梗埋黎～
呢個著住件白色背心，黑色熱褲，短髮，中間分界，前陰中間分開到下巴尖，兩邊鬢髮卻長到落微微凸起既胸前既女仔，就係我既好姊妹GiGi喇～～～
你又唔好睇佢細細粒粒好似中一仔咁喎！其實GiGi仲要大我幾個月架～
『GiGi～你黎喇～』我向住GiGi揮揮手～
「對唔住，黎遲左。」GiGi向我點一點頭道歉。
『無丫無丫～都未夠鐘～係我早到左姐～』我起身翹一翹住GiGi隻手臂～
GiGi打量左我幾眼：「你既髮型好襯你。但係...點解會無啦啦想剪到咁短既？」
GiGi真係好直接呢～
『因為我想吸引我哥哥...』咁我都不況直接同GiGi講...
「你想吸引你哥哥？」GiGi打量左我一眼，然後開始行。
『嗯...我...我岩岩搵左嗰個話可以幫人解決情困既情性喇...』我翹住GiGi，跟住佢行。
「係？咁佢點講？」GiGi望住前路。
『佢初初聽到我話愛上左我哥哥既時候，唔贊成囉...但最後...佢話要我挑起哥哥對我既性慾...最重要係投其所好喎...』我細細聲喺GiGi耳邊講...
免得俾街外人聽到...
話晒都係犯法野…唔可以俾咁多人知架...
「咁同你剪呢個髮型有乜關係？」GiGi疑惑咁望一望我。
『因為...我頭先偷偷地開哥哥個賬號黎睇...發現佢好似好鍾意Heidi...所以就諗住剪個Heidi頭黎吸引佢視線囉～』而且有咁多人話我似Heidi，唔知哥哥會唔會都咁覺得呢～
「哦...原來係咁...不過單單咁樣好似唔係好夠...」GiGi帶我走到入6IXTY 8IGHT。
嗯？原來GiGi想出黎買衫～
『好似唔係好夠？』GiGi所指既唔夠，係乜野唔夠呢？
「要挑起你哥哥對你既性慾，單單剪個髮當然唔夠。」GiGi行到去D Bra Bra前面望下望下。
『唔好咁大聲～～～』我撳一撳住GiGi個嘴仔...
俾人聽到就大件事架喇...
「Sorry…」GiGi伸一伸條脷仔。
『剪個髮唔夠既話...可以點做喔...』我又唔敢太大膽喎...
唔通好似鴻福郎個故名咁...走上哥哥張床...同佢...咩咩咩...
「我當然就唔會叫你直接同佢做愛。你可以試下...揀下D Bra。」GiGi拎起左個粉紅色Bra，放到我胸前...
『喂喂…俾D男仔望住喇...』我撳一撳低GiGi對手！
6IXTY 8IGHT就係有呢個壞處！
6IXTY 8IGHT除左賣內衣褲外，仲有D休閒服賣。
等D男仔可以同埋女朋友一齊入黎揀衫都好似無咁尷尬咁～
但實際上呢？對我地呢D女仔就好唔方便囉！
你估D男仔只係想入黎同佢女朋友揀衫咁簡單咩～
佢地入黎只係想?下其他女仔揀Bra Bra…揀底底咋嘛…
鹹濕...
所以每次入黎揀內衣褲，都硬係周身唔自在架...
『揀下D Bra…都好既...反正屋企嗰D都差唔多爛...』我除手拎起個白色Lace Bra Bra睇下...
6IXTY 8IGHT D料真係好鬼差…
著唔夠一季就鬆...
都好既～可以買過D新既～唔同款式既～
「你買D性感D既，可愛D既，純潔D既，唔同款式既...試下挑唔挑得起你哥哥性慾。」GiGi再揀下D底底...
『下？用唔同款式既內衣褲去挑起哥哥既性慾？點挑丫？喺佢面前試內衣褲丫？』咁會唔會太過直接丫...
萬一…萬一哥哥佢反感既話...
「當然唔係咁快就著俾佢睇...你可以先洗乾淨...晾喺出面...等佢見到...等佢接觸到...」GiGi又揀左條黑色既吊帶背心仔...
『洗乾淨...晾喺出面？！』我諗一諗...
「嗯...你哥哥多數幾時會洗衫？」GiGi望一望我...
『佢丫...多數都係星期日晚洗，第二朝晾囉～』呢個可以話係佢既習慣～
我都留意左好耐架喇～
哥哥有好多習慣，都深深咁印左喺我心裏面～
「咁就岩喇…你今晚就將新買返去既Bra同底底全部洗乾淨，再晾晒出去。等到聽日你哥哥要晾衫既時候，不得不幫你收左D Bra同底底落黎。到時佢一定會有反應...」GiGi望住D Bra點一點頭。
『係喎～GiGi你好醒丫～』我攬一攬住GiGi～
GiGi真係有計架喎～
成個計劃一D都唔刻意...一切好順理成章咁...達成目的...
令哥哥接觸到我D Bra Bra同底底...
之但係...哥哥係唔係真係對我D Bra Bra同底底會有反應架...
萬一哥哥只係當普通衣物咁看待...
「放心…佢一定會有反應...」GiGi再點一點頭。
一定會？
點解GiGi會...咁肯定咁架呢？
「係喎…黎梗星期四既才藝表演...不如叫埋你哥哥黎...」GiGi又將視線放到落D底底道...
『叫埋哥哥黎睇我地表演？』我諗左一諗...
「嗯...到時你咪可以...憑歌寄意...」GiGi又拎起左條黑色底底...
憑歌寄意...
係喎！點解我諗唔到架呢？
我可以叫埋哥哥黎聽我唱歌...
借機表露心蹟...
「不過我就唔知你哥哥有無咁醒，會Get得到喇...」GiGi冷眼望一望我...
呃...呢層...又係喎...
哥哥佢...又真係有D鈍鈍地咁架喎...
鈍到直頭有D...蠢丫～～～
係咯…哥哥真係有D蠢蠢地～～～
哎呀～點解我會愛上左個蠢蠢地既哥哥架？！