帶住既緊張,又興奮既心情上晒今朝既堂~

當然啦~因為今日就係哥哥黎睇我表演既大日子丫嘛~

真係好心急丫~好心急要唱首“Fly me to the moon”俾哥哥聽丫~~~

唔知哥哥覺得我唱得好唔好聽呢?

唔知哥哥鍾唔鍾意呢?



又唔知哥哥佢會唔會Get到我既心意呢?

真係好想快D到表演時間丫~~~

「喂喂~我地食乜好丫?」未出到校門口,Jenny已經摸住個肚仔問食乜好~

Jenny睇起上黎係標準Model身材,都唔算肥~但點解好似咁大食咁架呢?

「平時有GiGi發板,我地就唔駛諗姐~但而家...GiGi俾嗰棵橡膠樹罰無得出去食Lunch...我地要自己諗食乜...」Ada扁扁地嘴咁...



無左GiGi喺身邊,硬係周身唔自在...

「嗰棵咁既橡膠樹,擺明就係借D意罰GiGi留低!都唔知GiGi會唔會有事添架...」Christy又擔心...又嬲嬲地咁既樣...

係囉...嗰棵橡膠樹出晒名係鹹濕阿Sir黎架嘛…

平時丫…上PE堂既時候,都會掛住?我地班女仔...

仲要?到硬起晒...凸晒出黎...



鬼死咁嘔心!

而家GiGi俾佢留低左...都唔知會唔會有危險添架...

萬一…橡膠樹夾硬黎...強姦GiGi...

「咁又唔駛擔心咁多既~GiGi係我地五姊妹之中,最識得保護自己嗰一個~一定無事既~我地都係快D諗下食乜好啦~唔係就好快會餓死架喇~」Jenny餓到手軟腳軟咁攤住喺我身上...

『喂丫~~~你好重丫~~~』我推一推落Jenny個豐乳上,但Jenny仲係無氣無力咁攤喺我身上...

我地四姊妹行下行下,又擺下擺下咁...

身邊都有好多同學又或者喺隔離學校既學生放Lunch...

死啦...再唔快D諗食乜野,一陣道道都無位架喇喎...



「不如我地去食Outback咯~」Christy突然提出意見~

「好丫好丫~」Jenny點晒頭,「我都想食個扒丫~~~」

Jenny真係好大食~

係唔係就係因為咁大食,所以個胸先咁大架呢?

又奇怪點解D肉無走去條腰又或者對腳道既...

Ada諗左一諗:「不過呢個時間先過去...過到去會唔會無位架?」

又係喎...我地而家先過去...過到去都有排等啦...



如果有人幫我地拎定位....

係喎!

唔知哥哥有無出到去呢?

唔知哥哥喺邊呢?

『等我打個電話俾我哥哥先!』

我立即拎出手機,打俾我最愛既哥哥~

“嘟~嘟嘟~”

「喂~」唔駛兩秒,我就聽到哥哥把聲~~~



『哥~你喺邊丫~』我有D撳唔住內心既喜悅,甜絲絲咁笑住問~

「無丫~行梗市中心咋嘛~」哥哥自然回答~

竟然喺市中心?!

「喂喂~你哥哥喺邊丫?」

「喂喂~你哥哥好似好靚仔架喎~」

「喂喂~係唔係介紹你哥哥俾我地識丫?」

Ada, Jenny, Christy就喺我身邊依依哦哦咁...



『咁岩啦~一齊食飯啦~』我專登講得有D大聲,等哥哥聽唔到嗰三個姣婆既呻吟聲!

「下?你地幾多人呀?」哥哥問左一問。

「喂喂~真係可以見到你哥哥丫~」

「喂喂~我駛唔駛化返個妝先丫~」

「喂喂~我條裙夠唔夠短丫~」

『我地呢邊加埋我有四個~我地諗住去Outback道食~你去拎定位先啦~』我都係快快手手講重點...

「喂喂但但...」我無等哥哥講完...

『我呢邊好嘈丫~一陣間見啦~』我都係快快手手Cut線...

呢幾個姣婆真係丫...

未見到哥哥已經春心蕩漾咁既樣...

陣間俾佢地見到...實渣都無得剩...

『你地幾個丫~同我聽住丫!唔准搞我哥哥!』我叉住條纖腰,怒視住三個姣婆!

「做咩姐~~~我地又唔係猩猩王~~~又唔會食人既~~~」Jenny淫淫賤賤咁搭一搭我膊頭...

「係咯係咯~~~可能你哥哥都對我地有性~~~趣呢~~~」Christy又鹹鹹濕濕咁搭一搭我膊頭...

「係咯係咯~~~我地可以令你哥哥...」我無等到Ada講落去...

『總之!邊個敢搞我哥哥,無姊妹做!』我谷起塊面豬登,谷到塊面都紅紅地...

「係係係~阿Wing既哥哥已被落禁溝令了~~~」Ada, Jenny, Christy無癮咁擰擰頭...

係丫係丫~擺明就係要落禁溝令啦!

我咁愛我哥哥,點會俾你地班邪花搞搞震?!

同佢地三個姣婆約法三章之後,我地好快就黎到Outback~

『哥哥~』一入到去,我就已經見到我親愛既哥哥~仲有...

榮哥哥?

原來哥哥搵左榮哥哥出黎~

佢地兩個去過邊呢?

一定係去左?女啦...

榮哥哥好鍾意?女...成日帶壞哥哥架!

而我身邊嗰三個姣婆又好似守唔住寡咁急住腳走過去...

『介紹下先~Ada, Jenny, Christy~我地四個喺學校係五姊妹呢架~』我立即坐到哥哥身邊,續一介紹三位好姊妹俾哥哥同榮哥哥識...

我再用上一對銳利既眼神,望一望三位好姊妹!

但佢地既視線只係放喺哥哥同榮哥哥身上囉!

『呢位係我哥哥飛揚~而呢位呢就我哥哥既好兄弟榮哥哥喇~』我亦都將哥哥同榮哥哥介紹俾三位好姊妹識...

「HI~」哥哥好有禮貌咁打個招呼~

「HI~你地好~鍾意食乜隨便叫,呢餐我請。」榮哥哥擺出一副豬頭文風度~

「真係架?」Ada一聽到有人請客,雙眼發光咁望住榮哥哥...

哎呀...真係失禮死喇...

「阿Wing你就好啦~有個咁型既阿哥仲要有個咁穩重既朋友~」Jenny仲要姣到出晒面...

「其實都唔係D咩既,只係因為我有個特別會籍,黎呢道食有半價優惠。」榮哥哥就好似一個風度翩翩既紳士!

「可惜GiGi黎唔到丫...如果唔係介紹埋呢兩位穩重型男俾佢認識都好丫~」Christy擺出一副痕樣...

『唔准搞我哥哥!』我谷起塊面豬登!立即翹實哥哥隻手!擺出一副惡相!

「知啦知啦~知你最錫你哥哥喇~」Jenny取笑一下我...

知你就唔好亂黎喇!

我真係會嬲架!

「GiGi俾嗰個鄭Sir罰...都唔知會點添架...」Christy越講越擔心...

「嗰棵橡膠樹丫?佢仲有喺道教咩?」榮哥哥突然好緊張咁講!

「咦?你都識佢呀?」Ada亦都加入戰陣...

「梗係識啦~我以前都係讀呢間既~嗰棵爛鬼橡膠樹好咸濕架!唉~你地個姊妹無硬~」榮哥哥擰晒頭...

「係囉!佢呀嗰日仲借D意...」三個好姊妹就喺道同榮哥哥講佢地既戰績...

好丫好丫~

榮哥哥有話題引到佢地三個既注意喇~

係咯係咯~你地三個就乖乖地將注意力放喺榮哥哥身上好喇~

唔好諗住打我哥哥主意呀!

成餐飯佢地三個就掛住同榮哥哥交流~

我呢?緊係黐實我既好哥哥~開開心心撐檯腳咁~無視晒在坐其餘嗰四個人~

甚至全個世界既人都無視晒~

喺我眼中...甚至心中...都只有我哥哥一個!

「多謝榮哥~」三個好姊妹對住榮哥鞠晒躬咁~

「唔駛客氣~得閒再出黎食下飯啦~」榮哥哥一副親切樣~

「當然啦~榮哥哥咁好人~記得得閒搵我地丫~」三個好姊妹好似心懷不軌咁...

『咁我地走先喇~哥~記得準時兩點丫~拜拜~』都係襯佢地三個未將視線轉移落哥哥身上之前,拖佢地走!

一返到學校,三個好姊妹就好似飽暖思淫慾咁,個個都一副懶洋洋又淫蕩蕩咁既樣趴喺檯上瞓陣先喎~

咁樣瞓喺張檯上面咁無防備,真係俾人姦左都唔知咩事~

我就無佢地咁得閒喇~我仲要搵GiGi準備一下等陣間既才藝表演~

要憑歌寄意,向哥哥表露心跡,唔可以有乜閃失架嘛~

話時話,唔知GiGi佢點呢?

唔知GiGi有無俾嗰棵橡膠樹侵犯呢...

唔知GiGi而家喺邊呢?

都係打個電話俾GiGi先!

我拎出手機,打俾GiGi~

“嘟~嘟嘟~”

「喂。」唔駛兩秒,我就聽到GiGi把聲~~~

『GiGi~你而家喺邊丫?你有無事丫?』我有D心急,又有D擔心!

GiGi係我最好既姊妹,我緊係擔心佢啦!

「我?我而家喺音樂室準備梗。我會有乜事丫?」我聽到有D電子琴既聲音,GiGi應該喺道試梗個電子琴。

『你喺音樂室丫?我而家過黎先再講啦~~~』我已經急急腳咁走去音樂室~

「嗯。」

我行快多幾步,因為我真係好心急見GiGi~

總係覺得,見遲D個心都會忐忐忑忑~~~

未入到音樂室,我已經聽到電子琴既聲音~~~

再行快兩步~再行快幾步~

我一打開音樂室既門,已經見到GiGi一個人喺道試梗琴~

『GiGi~~~你無事就好喇~~~』我跑到GiGi面前,攬一攬住佢~

「喂喂…傻妹...我會有乜事丫?」GiGi攬一攬住我,摸摸我個頭。

『我幾驚嗰棵死人橡膠樹會搞你丫!』我再攬一攬實GiGi~

「哈...佢?佢係鹹濕...但佢唔敢搞我既...」GiGi掃一掃我背脊。

唔敢搞GiGi?

嗰棵死人橡膠樹,點解唔敢搞GiGi呢?

「好喇好喇,我地都係爭取時間,夾下歌先喇。好快就要入禮堂架喇。」GiGi鬆一鬆開。

『嗯~』我都快快手手拎返起個結他,同GiGi夾歌~

結他聲開始響起...

“Fly me to the moon And let me play among the stars”

我同GiGi開始夾起歌黎~

我地兩個都好夾得黎~

一直都係~

我地兩個既性格好似有好大分別~

但我地兩個...做D乜野都係咁一致~

我地好投契~亦都會鍾意對方所鍾意既野~

不論係鍾意玩音樂~食既野~去既地方~做下D手作仔賺下錢~

我地不約而同咁,都會鍾意對方所鍾意既事物~興趣~活動~環境~

我都有諗過,我地會唔會愛上同一個人呢?

GiGi會唔會愛上我哥哥呢?

如果GiGi愛上我哥哥...而我哥哥又真係愛上左GiGi...

我諗我唔會介意~

我唔會介意兩姊妹共侍一夫~

我真係唔介意~

因為我好愛我哥哥~亦都好愛我呢個好姊妹~

但當然...我唔希望會傷害到佢地兩個...

任何一個都唔想...

始終...我好明白...愛...係會變成傷害...

同GiGi夾完歌,我拎住支結他,GiGi拎住個電子琴,我地就入到黎禮堂準備~

禮堂已經有好多同學喺道~

亦都有好多同學喺禮堂出面等梗入黎~

「你去接你哥哥,我喺道準備得架喇。」我同GiGi放好D野入後台之後,GiGi就掃一掃我背脊,推一推我~

『嗯嗯~咁我去接哥哥先喇~』我摸一摸GiGi隻手仔之後,急急腳咁走去禮堂門口~

好心急呢~好想快D見到哥哥呢~

企喺禮堂門口望左幾望,我已經見到我親愛既哥哥喇~

『哥哥~』我衝過去攬住哥哥~

「傻妹~做咩丫~」哥哥溫柔咁攬一攬住我~

俾哥哥溫柔咁攬一攬,我成個人都軟晒喇~~~

『好耐都無咁攬住哥哥你啦~』我好陶醉咁喺哥哥既懷抱內嗲下嗲下~

真係好耐都無試過咁樣攬住哥哥喇...

難得有機會,緊係要攬到實一實~

『傻妹~我係你哥哥黎架嘛~你想幾時攬都得啦~』哥哥輕輕推一推我...

唔制唔制~

我仲想攬耐D~

就喺我一面陶醉喺哥哥既懷抱當中之時...

「阿Wing~呢個就係你哥哥喇?好靚仔好型丫~」幾個女同學走到黎我地身邊!

『唔准搞我哥哥!』我谷起塊面豬登,攬實哥哥,擺出一副惡相!

有我喺道,我係唔會俾你地亂黎!

「得啦得啦~成校都知架喇~做個Friend都得掛~」小敏仲要向我哥哥打左個眼色!

呢個小敏...係唔係想死?!

『你話呢?』我再攬得哥哥更實!

「好喇好喇~唔搞你個好哥哥喇~攬完好快D入去準備喇~」幾個女同學行左入去禮堂。

呼~終於擊退左班妖獸~

『呢道好多妖獸!哥哥要小心D!』我谷一谷起塊面豬登望住哥哥!

一個唔小心,哥哥就會俾班妖獸食左架喇!

『哥哥快D入黎坐~我幫你霸左個靚位~』我拖住哥哥,喺班妖獸身邊穿梭!

我幫我哥哥揀左最前個排中間既位置~

咁就可以好清楚咁睇我表演~

『哥哥你要坐定定睇我表演架~』我伸左隻手指尾出黎~

「一定~」哥哥以一對誠懇既眼神望住我,勾一勾我隻手指尾~

『錫晒你~』我隻手指公掂落哥哥隻手指公~

我轉一轉身,走返入後台~~~

「接左你哥哥喇?」一入到後台,GiGi就行到黎我面前,捉一捉住我對手~

『嗯嗯~~~哥哥就坐喺出面咋~~~好緊張丫~~~』我個心跳到“卜卜 卜卜”聲喇~~~

「嗯...等陣間,你哥哥一定會覺得嘆為觀止。」GiGi點一點頭~

『嗯~希望哥哥會鍾意喇~』最重要都係想哥哥Get到我既心意~

一定要順順利利喔~

懷住一份既緊張,又興奮既心情,同GiGi喺後台道等下等下~

一個又一個同學跟住上台表演~

好快...好快就到...

「到你地喇~」其中一位負責既同學向我同GiGi招一招手~

『嗯~』要上台喇!!!

幾個同學幫我地拎電子琴同結他上到台上...

我就翹一翹住對腳...坐喺張高凳道...

手拎起支結他...

準備...好好準備...

「接住落黎就係5A班陳飛舞同5A班楊綽姿同學自彈自唱一首好歌Fly Me To The Moon~有請~」

個幕一打開,我就望住坐喺台下既哥哥~

哥哥全神貫注咁注視住我~

我既哥哥...我最親愛既哥哥...

我開始彈奏結他...

“Fly me to the moon And let me play among the stars”

“Won't you let me see what spring is like On Jupiter and Mars”

“In other words, hold my hand!”

哥哥既注意力一直都放喺我地身上~

“In other words, darling, kiss me”

我地?

“Fill my heart with song, And let me sing forevermore”

無錯...哥哥既注意力唔單止喺我身上...

“Cos, you are all I long for All I worship and adore”

仲有GiGi…

“In other words. please be true!”

哥哥一直注視住我地兩個...眼神中仲帶住...一點點...驚訝?!

“In other words, I love you!”