『李生李生~請坐請坐~』

見客…

『關生唔好飲住...唔好飲住先...簽埋個名先再飲啦~~~』

見客飲酒…

『黃生黃生...唔好嘔住...唔好嘔住...簽埋個名先再嘔...』





飲到嘔...

『趙生趙生...醒下丫啦趙生...你飲到咁簽左都無效架趙生...』

飲到斷晒片...

『蔡生蔡生...唔好摸丫喂...條女收錢架喂...我無錢俾架喇喂...』

係D客飲到斷晒片...





自從上次同Catherine一齊過平安夜~一齊迎接聖誕來臨~一齊過聖誕節之後,話咁快又過左一年~

一年喇...

時間真係過得好快呢...

而喺呢一年內,我都有Keep住搵Catherine行街睇戲食飯~

而大時大節,我都有約Catherine出黎一齊過~





好似話聖誕後既除夕咁...

「喂…」Catherine好似未瞓醒咁...

『仲未瞓醒丫?而家幾點丫?成四點幾喇~我客都見完喇~』我一邊行去地鐵站,一邊恥笑下Catherine~

「嘩…四點幾咁早咋...我尋晚...我今朝...我都唔知...唉...唔鬼記得添...」Catherine仲好似斷梗片咁...

『喂…你醒未架?』唔醒我唔問住架喇...

「醒架喇...醒架喇...嗚呀~~~」Catherine打左個大喊露...

『真係醒?一加一等於幾多丫?』

「二…」





『二加二呢?』

「四…」

『四加四呢?』

「六…唔係…八…」

『八加八呢?』

「八加八…唔...十…十六…」

『十六加十六呢?』





「唔...十六加十六…廿...三…三十二…」

『三十二加三十二呢?』

「六…六十四…」

『六十四加六十四呢?』

「一百二十八…我真係醒架喇...」

『嗯~嗯~終於肯醒喇嘛~~~』每次都係計到去一百二十八先識得醒~

「係丫係丫~你打黎唔係叫我計加數咁無聊丫化?!」Catherine把聲變得精神~

『唔係唔係~我想問下你除夕有無約姐~』既然Catherine都醒喇~就單刀直入啦~





「除夕?做咩丫?想約我丫?」Catherine把聲變得古惑...

『係丫~想約你出黎一齊倒數丫~』仲駛問咩...

「除夕丫...本來就有班姊妹約我去飲野俾仔溝既~之但係...你約到喇喎...好啦~本小姐就推左佢地~俾個機會你陪我出去倒數啦~」Catherine仲要得得戚戚咁~

『感謝娘娘恩賜~~~』原來喺不知不覺間,我已經成為左Catherine隻兵...

係咯…原來我已經俾Catherine收入兵營都唔知添...

不過都唔緊要啦~

入Catherine既兵營都唔錯丫~





起碼都叫有軍糧派下丫~

除左約Catherine喺除夕出黎倒數外...

又好似話情人節咁...

「下星期三得唔得閒丫...下星期三…」Catherine諗左一諗,「係二月十四黎架喎!」

『係丫~我見你又無拖拍,我又無拖拍喎~咪諗住約你出黎一齊過囉~』大家都無拖拍,約出黎一齊過就最好不過啦~

「你唔俾我有人追架?」Catherine又得得戚戚咁...

『我就係驚你有人追,所以早D約定你~』你咁靚女,緊係大把人追啦~

咁我地呢D做兵既,無計可施之下,只好搏下行船爭解纜~先到先得啦~

「唔...好啦~反正追我嗰幾十個男仔都仲未約我~無D誠意咁~我就俾次機會你~同你出去啦~」Catherine超級得戚咁...

『謝主隆恩~~~』

連情人節都約到出街,其他節日...我諗應該都無乜差池~

「咩話?清明黎架喎嗰日!」Catherine笑住口咁大聲講~

『係丫~清明黎架~放假丫嘛~我諗都無人會喺清明搵你接婚禮Job架啦~』我就係睇準呢個時機~

「係姐~你唔俾我接左個死人化妝既?」Catherine笑住口又唔順氣咁問~

『同架咩?!』玩到咁大?!

「搵食艱難丫嘛~咩都要撈下架啦~」Catherine把聲好似笑得有D甜咁...

同死人化妝都可以笑得咁甜?!

『咁你得唔得閒丫?』

「咁你係唔係陪我一齊去化死人妝丫?」

『好喇好喇~我陪你一齊去喇~』

「你去我都未去丫~」

『咁你得唔得閒姐?』

「想去邊先?」

『去掃墓囉~』

「掃你嗰個丫?」

我同Catherine連清明都約出黎一齊過~

無乜節日約唔到囉~

好似話復活節啦~中秋節啦~哈佬喂啦~兒童節啦~婦女節啦~端午節啦~重陽節啦~愚人節啦~

所有所有既節日,我都同Catherine一齊過~

一齊過晒咁多個節日~

雖然話每個節日都係同Catherine單獨咁過~

每個節日都好開心~好難忘~

但就係...就係無同到Catherine一齊囉...

係咯…我同Catherine都仲係...無機會喺埋一齊囉...

就算話情人節我買埋束紅玫瑰...自己親手整埋朱古力...

「嘩~好大束紅玫瑰喎~仲有朱古力添丫?多謝晒~等我又影張相~Upload上Facebook先~傻佬送左束大大束既紅玫瑰...仲有整到好核突既朱古力俾我...」

就算話復活節我扮埋復活兔,整埋復活蛋...

「哈哈哈~做乜戴住對兔仔耳丫?哈哈哈~你個樣好傻丫~仲有復活蛋添~好~影張合照放上Facebook~傻兔送傻蛋...」

就算話我地每次出黎都玩得好開心~

每次出黎都玩得好有Feel~

每次都好似...好親密咁...

但就係...無藉口俾我...俾我開口講一聲...我愛你...

我地玩得再親密...行得再貼近...都總係好似...好似差梗D...差梗D...

我唔知差D乜...

我只係知道...就算係Catherine上黎我屋企飲野...飲到醉晒要留喺我屋企瞓又好...

要湊Catherine返屋企照顧佢又好...

我望住Catherine既樣...

望住Catherine個醉樣...

我個心...總係會痛一痛...

痛一痛...好無奈咁痛一痛...

我痛...係痛點解你要...『飲到咁醉呢?』

『周生丫周生~小心上車丫~睇頭丫~』送左個周生上車之後...

再喺周生個銀包裏面,拎左張一千蚊紙俾個的士司機後...

『返去瞓啦柒頭~』目送住架紅的離開...

我一個人...又企喺條斜路上...

望下上...望下下...望下望下...

老蘭...夜晚既老蘭...

我又身處喺呢個人間鬼域喇...

燈紅酒綠既老蘭,我差唔多每晚都會黎...

呢一年黎,只要係見客,我都會約個客黎老蘭傾野。

唔係我特別想黎飲野。

唔係D客想黎食女。

而係因為Catherine...

一切都係為左Catherine...

呢一年黎,有時Catherine都會打黎搵我求救...

「我好...暈丫...Edwin...Edwin...我...」有時Catherine飲得勁醉,都會打黎搵我。

每次知到Catherine飲醉,我都第一時間飛過黎湊佢返去...

每次都係...每次都見到Catherine勁醉咁...

Catherine識得打俾我都叫做好D...

我試過有幾次見完客,出黎就見到Catherine醉到坐左喺樓梯道!

仲要有幾個男人圍住佢,拉拉扯扯咁!

我就緊係第一時間衝過去趕走班仆街,湊返Catherine返屋企啦!!!

真係好彩我咁岩經過,唔係既話早就俾人輪左唔知幾多次喇!

唉...

為左可以第一時間救Catherine,湊Catherine返屋企,我就約D客黎老蘭傾野。

等Catherine打黎又好~俾我咁岩遇到都好~都可以第一時間湊返Catherine返屋企丫嘛~

唉...

我一個人,喺條斜路行下行下...

一路行,一路留意下酒吧門外...

留意下橫街窄巷...

留意下會唔會見到Catherine既身影...

會唔會見到...又醉到不省人事既Catherine...

我穿過男男女女...

穿過D洋腸...

穿過D港女...

穿過烏煙瘴氣既街道...

喺一間酒吧門外...

俾我見到...真係又俾我見到...

又俾我見到一班仔...圍住Catherine...拉拉扯扯...

『喂!放開佢呀!』我走到去堆仆街既中間,推一推開班仆街,攬一攬住Catherine。

「咩料呀?搵食排隊啦!」其中一個MK仔推一推我...

『搵咩野食呀?!佢係我個Friend!搵食行遠D啦!』我再攬得Catherine實D!

「我地夠係佢個Friend咯!」成班仆街異口同聲咁大大聲聲講...

屌你老母...我呢隻唔係你地嗰隻囉好唔好?!

「唔?Ed...Edwin...係Edwin你丫?你都...你都黎左丫?黎~一齊飲~我地一齊飲~飲丫~~~」Catherine攬實我...扭下扭下咁...

『你飲左好多架喇!飲到醉晒架喇!唔好再飲喇!』我攬住Catherine...扶住Catherine...等佢唔好亂咁黎...

「我無醉!我都無醉...做乜話我醉...唔...飲!我地轉場再飲過~」Catherine仲係搖下搖下...擺下擺下咁...

『仲飲乜鬼野丫飲?再飲就飲死你架喇!』我扶住Catherine,行前幾步...

「喂!做乜丫?想帶條女走去自己食呀?!你咪走呀!」幾個死MK就擋住喺我面前...

『走啦...我唔想搞大件事丫...』我扶住飲到爛醉既Catherine都已經周身唔得閒...

你班仆街死MK就俾我抖下得唔得?!

「走咩丫走?你放低條女我地咪走囉~」幾個死MK得得戚戚咁既撚樣...

哎呀呀!而家D死MK真係夠晒無賴架喎!

『人呢,我就一定帶走架喇!嗱!呢道D錢...夠你地玩成晚架喇...』我喺個銀包拎左五千蚊出黎...

「有錢又唔同講法~咁你就好好照顧佢喇喎~嘿嘿嘿~」班MK喺我手上拎走左D錢之後,又入返酒吧...

果然~呢個世界真係有錢使得鬼推磨~

五千蚊...

都好既~

五千蚊就可以救Catherine出險境~

值得~值得~

「飲丫~飲丫~我仲要...我仲要飲...陪我飲~」Catherine醉到挨晒落我身上...

『唉呀!你醉到咁仲飲乜鬼呀?!返去啦!』我就攬實Catherine...扶實Catherine...行下行下...擺下擺下咁...

「返去再飲~返去再飲!我要飲喔~」

『飲乜鬼野丫仲?!返去瞓啦!』

扶住Catherine行...喺條斜路行...

一路上,Catherine都係攬住我...扭下擺下咁...

「飲丫…你想帶我去邊喔...我要飲喔...」Catherine既嘴邊一直都係話要飲...

『我送你返屋企丫!』而我就好緊張咁扶實Catherine...攬實Catherine...

一直擺下擺下咁上的士...

一直都攬住Catherine...坐上的士...

其實都唔係第一次...

其實都已經試過好多好多次...

我都湊過Catherine...好多好多次...

我都已經攬過好多次醉到痴痴呆呆既Catherine...

我都聽過好多次Catherine佢語無倫次...

我已經見過好多次...Catherine既醉樣...

爛醉既Catherine...

我望一望飲到爛醉既Catherine...

真係好心痛...

我望住Catherine個醉樣真係好心痛...

點解...點解你要成日都飲到咁醉呢?

點解你要成日都俾男人圍住呢?

點解你要飲到保護唔到自己呢?

點解你成日都要飲到令我擔心呢?

點解你成日都要我黎救你呢?

點解你唔可以飲少D呢?

你幾時先唔會再飲呢?Catherine...

摸下摸下Catherine把銀銀灰灰既秀髮...

摸下摸下Catherine塊紅卜卜既面頰...

喺的士上...

喺公路上...

喺暗黃色的街燈閃爍下...

我又再一次陪伴住爛醉既Catherine...

「Edwin…Edwin…又係你...Edwin…點解...點解...」Catherine又再一次醉到語無倫次咁...

『係丫…又係我丫...又係我湊你返屋企丫...』

攬住Catherine擺下擺下咁...

『喂喂…你自己俾少少力好唔好?』又擺到黎Catherine屋企門前...

「你好攬嘛…你好好攬喔...」Catherine仲係攬到我實一實...挨喺我身上...

『喂喂…你企直D個人先...企直D先得唔得?』我扶一扶穩Catherine,又喺佢件褸袋摷下摷...

「喂喔~唔好摷我啦~好痕...喔~喔~」Catherine又喺我身上扭下扭下...

『我唔摷你又點拎到條鎖匙幫你開門丫?』Catherine攬得我太實,我好難摷條鎖匙囉...

「喂喔~好痕喔~摸人地...條腰...好痕喔~」Catherine仲係咁扭...

『唔好郁唔好郁唔好亂咁郁...就...就...就...拎到喇!』幾經周折,終於俾我喺Catherine個褸袋拎左條鎖匙出黎...

“咔”開一開門,我就扶住Catherine入屋…

「我要飲...我又要飲...」Catherine又走埋去個酒櫃道拎酒...

『唔好再飲喇!你今晚飲得好醉喇!』我就一手抱起左Catherine...

「我...我要...我要丫...」Catherine俾我抱起左都仲要踢下踢對腳...

踢到對鞋都甩埋...

『唔好亂咁郁好唔好?跌死你丫...』我就抱住Catherine行去床邊...

「我...唔唔...我...」Catherine仲係唔肯停落黎...

『你乖啦好唔好?聽話啦好唔好?』我溫柔咁放一放Catherine落床...

再去整條暖毛巾過黎...

已經熟晒手勢喇...

已經好清楚用邊條毛巾...

用咩水溫...

我都已經...照顧左Catherine好多次...好多好多次...

「唔唔...好暈...轉下轉下...」望住Catherine瞓喺床上扭下扭下...

扭到條黑色短裙都揭起晒...

露出白色既底褲...

『瞓好D啦...幫你除左件褸先啦...』我幫Catherine除一除件褸...

「好熱...好熱喔...」一邊幫Catherine除褸,佢仲要一邊嗌熱...

『除左唔熱喇...除左唔熱喇...』我幫Catherine除左件褸之後,再幫佢抹下塊面...

輕輕抹一抹...

抹一抹額頭...

抹一抹面頰...

Catherine望住我...眼定定咁望住我...

『點丫...好唔好D丫?』我抹一抹Catherine塊面豬登之後,摸一摸佢把秀髮...

Catherine無出到聲...只係眼定定咁望住我...

『做咩丫傻豬?』我再摸一摸Catherine把秀髮...望住佢對迷人雙眼...

「唔好對我咁好...」Catherine望得我好實...好實...

『我點可能唔對你好...』我俾Catherine身上既酒氣搞到好似...痴痴迷迷咁...

「你唔會愛上我架...」Catherine望到我實一實...擰擰頭...

聽到Catherine咁講...我...我...

『我點可能唔會愛上你...我一直都好愛你...由我再遇返你開始...我就再次愛上你...我從來都無唔愛過你...一直都...一直都...』我摸住Catherine把秀髮...講出我既心聲...

一直埋藏喺我深心處既心聲...

「你唔會架...你唔會愛上我架...你唔會愛上我架...」Catherine仲係望到我實一實咁擰擰頭...

『我一直都好愛你...我一直都好愛你...好愛你...好愛你...好愛你...唔!』Catherine攬住左我...錫我...

我就攬實Catherine...喺張床上錫晒上黎...

Catherine個嘴...好大酒氣...

好濃烈…好濃烈既酒氣...

喺濃烈既酒氣之中...夾雜住...Whisky...Brandy...Vodka...

唔同種類既烈酒…

Catherine佢...Catherine...Catherine...

我同Catherine喺床上攬下錫下...攬下錫下...

Catherine都主動伸條脷出黎...伸條脷過我道...

我就舐住Catherine條脷...

酒味...好重酒味...

Catherine…Catherine丫...

就喺呢陣酒味...刺激到我既神經...

刺激到我…想…更加...更加再…激情D...

我右手一撳…就撳左落Catherine胸上…

「唔...啊…」Catherine輕輕嘆一嘆口氣...

我唔撳落去都唔知...原來Catherine對波都唔算細架喎...

仲好有手感添...

我隔住Catherine件衫...隔住Catherine個Bra...輕輕手咁...輕輕手咁搓下搓下...搓下Catherine個乳房...

雖然話隔住左個Bra...但個Bra都比較薄身...所以都可以好直接咁...好直接咁感受到Catherine個乳房既彈性...

「啊…唔...啊…」Catherine一邊同我打茄輪...一邊低聲呻吟...

『Catherine…唔...Catherine...』好正...好正丫...

可以同到Catherine親熱...終於都...可以同到Catherine親熱...

一邊搓住Catherine個乳房,一邊打住茄輪...

好重既酒氣...酒氣...

我感覺到Catherine隻手向下一伸…

『唔!』我條巨棒就俾Catherine隻手仔捉住左...

Catherine佢...Catherine佢捉住左我條...

Catherine隔住我條西褲...捉住我條巨棒...上下上下咁...Chok下Chok下...

Catherine佢...Catherine佢幫我...Chok...Chok...

好舒服...俾Catherine Chok得好舒服...

舒服...舒服到我都忍唔住手...

我右手搓弄住Catherine乳房...左手就向下伸落去...

伸落去...向下伸落去Catherine條短裙邊...

揭一揭起…再伸隻手入去...入去佢條...佢條底褲...

嘩!

我只係隔住條底褲摸一摸...都摸到Catherine下面好濕好濕...

濕到透晒條底褲...

原來...Catherine已經咁濕...

原來...原來Catherine已經濕可以...

「啊~除...除...」Catherine對大脾夾下夾下咁...

除...除?

我又感覺到Catherine隻手正要拉低我條褲鍊...

真係可以...真係可以咁...

「除..除...除喔...唔...」Catherine拉下拉下...

我條褲鍊開始向下落...

真係可以?

我對手都勾一勾Catherine條底褲...

「唔...唔...」Catherine再夾下夾下對大脾...

真係可以同Catherine...

就係我諗梗係唔係真係可以同Catherine做愛之時...

「唔...唔...」Catherine隻手停左落黎...無再將我條褲鍊向下拉...

我都停一停…望一望Catherine...

「唔...唔...唔唔...」Catherine好似...瞓著左...

Catherine佢瞓著左...

又會搞搞下都瞓得著既...

真係…

瞓...瞓得...著...

突然我暈一暈...好似好眼瞓咁...

『噢...』就攬住左Catherine一齊瞓...

一瞓就瞓左成晚...

連夢都無發過咁,深層睡眠咁瞓左一大覺...

當我一睜開雙眼既時候...

『Catherine…你...你醒左喇...我...我...』我就攬實左Catherine...

Catherine甜絲絲咁笑一笑:「醒左啦~俾你攬到實一實起唔到身丫~」

『我...我...我愛你丫Catherine...』我再攬一攬實Catherine...

「你唔係當真丫嘛?」Catherine掃一掃我背脊...

唔係…當真?!

『緊係要真啦!』難得有咁既機會,我先唔會放棄咁戇鳩!

「你唔會愛上我架...」Catherine攬住我,擰一擰頭。

『我一直都好愛你!係真架!我真係一直都仲係咁愛你架...Catherine...你就俾...俾一次機會我...再俾多一次機會我好唔好?』我緊緊咁抱緊Catherine...

我唔想...亦都唔可以...俾你再次飛走...

「唔...好丫~就俾次機會你...諗清楚...係唔係真係愛我啦...」Catherine攬實我...點一點頭!

『嗯~我愛你~』

「我愛你~傻佬~」

自嗰朝起,我再次成為Catherine既男朋友。