愛情・從來只適合旁觀: 高二篇（一）

話說同劉梓靈分左手之後，我就開始頹，其實又唔可以話頹既，只係變番做拍拖之前既狀態即係成日無所事事禁，
或者係習慣左同佢一齊既時候總係唔會有咩空閒既時間，所以而家變到一無野做就好唔慣所以我決定去跳街舞，其實我以前都有接觸過，只係冇堅持到，
但係其實都有興趣就係禁，我開始自己一個人去練，每日上網睇教學片，睇完就去出面既公共練舞室，日日如事，呢種日子其實一直持續到我黎美國讀大學之前
禁話說高一好快就完左，暑假無野做我都係日日去練舞，因為個舞室係公用，所以我亦都識左好多跳舞既人其中一個就叫阿欣（唔係我學校個個），佢大我兩年，跳開jazz，
我同佢個排成日都會見面，我地會出街食野，睇下戲，出黎吹下水禁不過我地唔會一齊練舞，一來大家跳既style唔同，二來其實我中意一個人練，會自在好多，吸收得快好多就係禁，基本上我同佢成個暑假都陪著大家，
或者你會問我同佢係唔係曖昧緊，其實我都唔知，只係我對佢冇個種感覺講明，佢個樣絕對係女神級，不過我諗大家都會試過，雖然你覺得個個女仔係靚，不過就梗係唔係你中意個類，所以我從來冇諗過同佢進一步發展話禁快就過左三個月，
我記得臨開學前個晚佢打比我「喂，阿乙，你係邊呀？你可唔可以出黎陪我呀？」電話裏面傳出佢喊緊既聲
「你係邊呀？我即刻過黎揾你啦」佢份人唔係易喊既人，佢從來都冇試過禁樣，所以我知我應該要即刻過去揾佢
然後我見到佢個陣，佢一個人坐左係海邊，我行埋去坐左係佢隔離，我冇出聲，只係陪著佢
「我男朋友係出面有第二個呀....佢話唔要我啦」


「嗯，禁起碼你而家睇清楚佢係咩人啦，呢啲人唔值得你為佢喊」其實我係呢刻先知佢有男朋友，不過我又冇咩感覺，因為我始終對佢冇feel
其實而家諗番，或者佢都係想收我做兵就係禁，我陪佢坐左成晚，然後送左佢番屋企
開左學之後既三個月，雖然我地仲有聯絡，但係已經比暑假個陣少左好多，應該話佢少左揾我其實我從來都好少主動揾佢，所以佢唔揾我，基本上我就唔會諗起佢
記得有一日嘉宜上完堂走埋黎揾我傾計「喂，暑假成日同你一齊玩個個女仔邊個黎嫁？」點解佢會知？因為阿欣facebook有tag我囉
「跳舞friend囉」
「個樣幾得喎，同佢有冇發展空間先」我冇答佢，只係笑左一笑，然後繼續訓同以前一樣，
嘉宜一直同我曖曖昧昩禁，只係我冇咩點理佢，除此之外，一切都好似冇變過禁，一切都好似番番去同梓靈拍拖前禁就係禁，
我繼續日日去練舞，不過阿欣自從暑假之後已經冇出過黎跳，我亦都冇約過佢出黎
話禁快又到左聖誕假，本身諗著都係毒係屋企，點知23號個日阿欣whatsapp我，問我24號晚得唔得閒出街禁我見無野做，就應承左佢啦
24號晚我地約左係我屋企附近等，佢化左妝，睇得出有悉心打扮過我地去左食野先，


佢擺左部相機出黎，話新買既，之後我地影左好多相，我影下佢，佢影下我，又一齊合照下
之後我地去左睇聖誕燈飾，我地行下行下，有對情侶叫我幫佢地合照
「一，二，三」咔嚓
「唔該曬呀，駛唔駛幫你地影番呀？」個男仔問我我同阿欣有啲尷尬禁對望，跟著異口同聲禁話 「唔駛啦」
之後個男仔行開左，我地就繼續行，然後去左食糖水，然後....然後就冇然後了
 其實個晚冇發生過咩特別野，個晚之後，我地再聯絡，已經係幾月後既事我記得最後一次見你，
係我有左第二個女朋友之後你約我出黎食野，然後食食下野我同你過我又拍拖了，之後我地就冇再見過
有人話澳門好細，但係其實唔係真係禁細，至少我冇再撞見過佢，
間唔中會係facebook，instagram或者朋友圈見到佢既近況
不過 大家已經冇再聯絡，我只係知佢一年前結左緍，不過當然佢冇請我，我亦都冇去佢既緍禮


或者到第日我放假番到澳門既時候，我地會係街上面偶遇，問下大家既近況，然後再道別
或者我對你既記憶佢慢慢變淡，不過我永遠都記得，個陣我生日前一晚，我地一齊去左舞室，練完舞過左12點之後，你睇到我facebook顯示我今日生日你話一定要請我食生日蛋糕，但係見周圍間間蛋糕店都山曬門，我話唔駛啦，最後你衝左係m記買左杯麥旋風逼我食，仲話用支吸管插係上面當生日蠟燭，再同我講生日快樂然後叫我許願，真係每次諗起都笑死我.....喂，阿欣，好耐冇見啦，你幾好嘛…..

（本身話會寫同嘉宜既往事，但係我近排又冇心情寫佢，所以我等日有心情既時候再寫啦）