[我部電話成日都唔夠容量呀,不過我又唔想換機喎] 我同日本妹禁講 個陣我地仲未一齊
[點解呀? 唔夠容量好煩嫁喎]
[因為我唔想冇曬同你既wechat記錄囉...]
[禁記錄可以再儲過加嘛~我地再可一直傾落去加嘛 同埋個啲記錄好似可以備份番嫁]

我同日本妹一齊左之後,因為我人仲係美國,所以我地除左多左facetime之外,都冇咩改變
而且佢唔係個種痴身既人,應該話佢太過獨立,令我有時都分唔清自己做佢男朋友同做佢朋友有咩分別
不過我諗著我仲有一個月就番澳門過暑假 到時成日見應該會好啲啦
如事者,就禁過左最難捱既一個月 我終於番左澳門
而番到去個日,係我地一齊一個月既日子


我番到去個陣,係凌晨,我一早同佢講左會去個屋企樓下揾佢
不過佢個晚仲同左friend去睇戲,最後我係佢樓下等左半個鐘
我個陣心都淡曬, 不過我見到佢真係好開心,所以都冇講啲咩,只係送左份禮物比佢當一個月禮物
[你禁大頭蝦,我諗你都唔記得我地今日係一個月嫁啦]
[我記得呀~]
我個下仲心淡,因為我知道 我係佢心裏面 真係冇咩地位
後來我再問番佢點解永遠朋友都比我重要,佢話個日係friend生日,所以推唔到
其實我今次番澳門得三個星期都唔夠,我真係想見佢多啲
不過 我知道 其實佢唔係禁諗...
我成問佢,究竟揾啲咩friend呀? 佢話[咪外國番黎個啲friend囉,佢地就黎走啦,仲早過你走,所要見多啲~]


其實...我都就黎走啦,而且佢地幾個月前就番左黎,你地都見過好多好多次啦
我係你男朋友喎....不過算啦...我都明白...其實佢唔care我,佢對我既野,一向都唔上心
我地曾經因為呢個問題而鬧交
[其實點解你啲朋友永遠都重要過我?我算係咩呀?]
[我真係好重視朋友,可能你會覺得我好自私,不過我希望兩者共存]
最後都係我唔想得番禁少時間仲同佢嘈,所以主動氹番佢....
其實我地既關係一直冇公開過,因為某啲原因...所以其實我一直好冇安全感...
我有一次問佢:[喂,其實係呢幾年生日我都係美國,你會唔會介意我部唔到你過生日嫁?]
[其實都有少少既,不過都冇辦法啦]
[其實我可以走一個星期堂,番黎陪你過嫁喎]我真係覺得呢樣係我一生人最瘋狂既計劃.....


[其實我生日都有中午同夜晚加嘛,到時你陪我食完晚飯,我就可以去揾啲friend飲野啦~]
相信大家睇到呢度,都知道我想講咩啦,真係....心都淡曬
其實我番左黎成二十日,見佢既次數都唔夠6次,而且佢永遠都唔會比曬一日既時間我
因為佢總係之後會約左friend,我就好似係佢攝時間既工具禁.....
我所有知道我拍拖既friend(當然佢地唔識我女朋友啦) 之聽完我地既相處之後都不約而同禁講左一句:[下,禁你即係兵黎炸喎]
我番左黎之後,因為佢之前話想要一條皮做既錶帶,所以我就特登自己去做左一條比佢
由cut皮到縫製,全部都係我一手包辦.....而換黎既,就係一句好平常既多謝
跟著我知佢好中意熊本熊,所以我買左一架同熊本熊cross over既電單車模型
最後花左4晚通霄砌比佢,我一開始以為好似砌高逹禁啦
點知原來又要油油,又要貼水印紙,又要痴膠水,真係砌到我精神崩潰.....
之後我諗著走個日送比佢當係佢既生日禮物...不過...
我問過佢,佢會唔會黎送我船,因為我係搭船去香港機場之後再飛番美國
不過我睇得出其實佢怕煩唔係好想送
我係澳門既子,佢會為左朋友而推左同我既約會
不過就一定唔會為左我而推左同朋友既約定


我每一晚都係度諗,熱戀期都冇,禁我地仲會有將來咩?
上星期...我好難得禁,終於約到佢睇戲...我決定左..睇完戲..食完飯...送到佢番屋企...就同佢講分手
到左睇戲個日,佢因為晏晝同friend出街,所以搞到我地遲左入場
我地去緊戲院個陣...佢同我講
[我今晚睇完戲之後原來要番學校學生會開會呀,我同唔到你食飯啦...]
我原本仲猶豫緊同唔同佢講分手,但係個刻...我決定左同佢講
個次就係我地最後一次出街....為數不多既約會.....
我好珍惜我地最後既時間,因為我知道,可能我同佢以後唔會再見到....
睇完戲....到左停車場..我係車度攞左個熊本熊電單車出黎送比佢,佢知我用左禁多時間黎砌都好感動
仲主動錫左我一啖,個之...亦係我地最後一次kiss.....
[不如我地影相丫?]我想同佢留番一個最後既回憶....
佢攞左我部機求其影左幾張之後...就比番部機我啦
[不如我楂車楂慢啲丫...禁我就可以見你耐啲...]
[但係學生會個邊夠鐘啦....]
我冇理佢,我楂到好慢好慢...因為我想同佢一齊耐啲....


但係唔知點解...望著佢既時間,總係過得特別快.....
[就黎到啦....]我同佢講....其實我個陣流緊眼淚,只係我另轉左面,唔想比佢見到....
最後....到左學校....
[禁我走啦~遲啲再揾你啦]
我捉著左佢隻手
[ 日本妹呀...其實...我真係好中意係嫁....]
佢聽到之後甜甜地禁笑,我真係好中意見到佢笑....
[不過呢...我知道你其實唔係禁中意我...]
[或者...我地都係做番朋友會好啲]
我望到佢個樣有啲錯愕...或者佢冇諗過我會同佢講分手
我既眼睙開始忍唔著.....
[你既生日...我陪唔到你過啦....你以後既日子...我都陪你唔到啦....]
[我知你好緊張朋友,只係....我接受唔到自己係你心目中既位置禁低....]
[你唔覺得..我地做朋友個陣開心啲咩?]
佢猶豫左陣....之後話[我唔識答]


其實佢講得呢句,我已經知道答案啦.....
[唔緊要啦...以後仲有熊本熊陪著你嘛....]
佢攞著熊本熊....講左句多謝....然後就落左車.....
然後....然後就冇然後啦
之後幾日,我不停揾好多唔同既女仔出街想麻醉自己,不過每次一靜落黎既時侯,就會不停諗著佢....
我唔知佢仲會留係我個心裏面幾耐...可能...會係一世....
或者真係得不到的永遠是最好的.....
呢篇小說之所以叫做愛情.從來只適合旁觀,就係因為我覺得我只適合做一個愛情既旁觀者,或者談戀愛...真係太辛苦
呢篇小說開始之前....我仲未同日本妹一齊...而家....再一次證明我只係適合做一個旁觀者.....
或者拍拖就係禁,永遠都係痛苦既時間比快樂既時間多....
如果傑克沒有沉入大西洋底
如果英雄沒有捨身炸掉彗星
如果每個故事都像賀歲電影
愛就不會如此刻骨銘心

聽日...我就番美國啦....


我既故事....講完啦


愛情.從來只適合旁觀 (完)