[真人真事+少少甜] 一切，由MSN開始: 第四章、丁：戀無可戀
我個心不斷係度諗，究竟係邊個同藍藍傾左成晚msn呢?
呢個疑惑係我心中一直揮之不去。我成程車都冇同藍藍講野，但唔係因為我冇野想講，而係因為我太多野想問。究竟同藍藍傾左成晚係男定女?佢地傾左啲咩?果個人有咩居心? 但其實諗深一層，我真係好傻的嗎。
藍藍根本就唔係我邊個，就算佢真係同其他男仔msn都好平常姐，我根本冇能力去阻止。丁當，你做咩要諗咁多姐，藍藍係你朋友，唔係女朋友，根本就冇咩值得你去介懷。我嘗試催眠自己，唔再去諗有關藍藍嘅野。 返到學校，我照舊搵肥仔俊吹水。見到個轉校生一早就坐在係度，果種不安全感又再湧上心頭。佢一見到藍藍，就懶熟係度講早晨。
「女班長，我有D功課唔係好識做，你可唔可以教下我？」我偷聽到個轉校生同藍藍講野。果陣嘅我心諗，個個都唔問偏偏要問藍藍？雖然講唔出點解，但係我好似有少少討厭左佢。
「好呀。你有咩唔識？」
睇住佢地兩個係度密密酙，我個心就好唔舒服。肥仔俊見到我心不在蔫，就問我：「做咩呀？見到自己條女俾人溝緊葡萄呀？」
「邊向左走向右走個係我條女呀？向左走向右走有咩！毒J一個就有...
」 「大家咁熟怕咩姐，係咪認左佢囉。」
理性上，我知道我根本冇理由要妒忌。但係感性上，我知道我其實一直都鍾意藍藍，只不過我從來冇正視過呢個現實。或者我一直都習慣左藍藍一直都係我身邊，所以從來都冇諗過會失去佢。你同左佢一齊咁多年，咁都唔表白？Hi，你估我想嫁咩，毒向左走向右走邊向左走向右走度有勇氣表白丫。身為一個毒向左走向右走，我知道與其表白收好人卡之後連朋友都冇得做，倒不如保留住依家呢段彌足珍貴嘅友情，一直陪係佢嘅身邊，因為當兩個人親到無可親密後，或者友情萬歲先至係最好嘅結局。
「女班長，我岩岩到呢間學校唔係好熟啲地方點行，不如你一陣帶我去行一轉丫？」
「好…好呀。」
「你條女就黎俾人搶走喇喎，你真係唔做啲野？」肥仔俊都偷聽到佢地嘅對話。
我都想做啲野。不過，除左睇住佢地兩個慢慢熟起黎之外，我仲可以做啲咩？
我個腦突然間閃過一個念頭，唔通同藍藍傾左成晚果個就係郭雄仁？佢應該都唔知道藍藍嘅msn嫁，係我諗多左姐。我唔敢就諗落去，亦希望呢個唔係事實。因為，講到尾，我都接受唔到藍藍會遠離我，一樣我從來都冇諗過會發生嘅。