[真人真事+少少甜] 一切，由MSN開始: 第六章、丁：匿名情書

就係我打緊rank嘅時候，電話突然間響起，「Hi，邊向左走向右走個打黎呀！ 」我望一望部電話，一見到係藍藍打黎，連團戰都即刻放低聽左電話先。 

「丁當... 頭先MSN我果個人知道我係邊個... 原來係我自己亂放張紙條，搞到有人知我新MSN hotmail。」本來暫停放低左嘅困惑，依家又再次困擾住我。 

「正一大7頭！你自己D野都唔緊張D嫁！ 我真係無你辦法。」原來，我竟然係咁緊張佢。 

「依家點算呀？佢仲話要我做佢女朋友先話我知佢係邊個...」咩話！？咁狼死？ 

「咁... 你咪試下同人開始囉。你再咁拒絕人，就做剩女，變老姑婆嫁啦。到時無人要，唔好喊住黎求我呀哈哈」呢句一講左出口，我就已經好後悔。 點解我連講出一句「唔好痴埋去」嘅勇氣都冇？即使我扮到幾唔在乎都好，即使我扮到好灑脫都好，但其實我知道我唔會想佢同其他男仔msn，唔想佢離開我。果一刻，我竟然為左果啲無謂嘅自尊而講左違心嘅說話。   



跟住嘅成晚，腦裏面都仲係不斷諗藍藍同第二個男仔msn果件事。 望住藍藍msn果個綠色圈，究竟佢係同緊第二個傾計？定係等緊我?我希望唔係前者。 

突然，msn彈左個框框出黎。 

★靜香...'： 
21:15 唔該，我想問下聽日有咩野要交呀？ 

靜香？邊個黎嫁… 

我： 


21:15 你係邊個？ 

★靜香...'： 
21:16 我同你同班嫁，其實我只不過係求其揀一個人黎問姐 

會唔會係咁啱呢個時候黎搵我問學校野呀…見到佢個名叫做靜香，不其然又會令我諗起大雄呢個人，所以我求其打發左佢就算。 


第二日，我照舊同藍藍一齊返學。 



「你覺得果個男仔會係邊個？ 」藍藍問。 

「點知喎，一陣咪知囉。」我刻意避開話題，唔想再提起呢件事。 

一返到學校，我發現我個位竟然有封信，仲寫住我個名。 我拆開黎睇，入面啲字都幾靚，不過就無署名。內容如下： 

丁當 
或者你唔知我係邊個，但係我終於有機會同你同班，我真係好開心。不過我知道你已經有藍琛蕾，所以我都唔會介入你地，我寫呢封信俾你只不過係想你知道有個人會係你背後默默咁等你，希望係之後嘅日子可以同你好好相處 

我睇哂成封信之後，即刻望左去肥仔俊個位，佢真係返左喇喎！唔通係佢寫封信……整鬼我！？ 我行埋佢個位度，拍下佢膊頭。 


「死肥仔！好向左走向右走無聊呀你，食飽飯等屎柯咩？ 」 

「你up咩呀？我咩都無做喎…」 



「仲扮野？封信唔係你寫仲有邊個寫呀？ 」 

「咩信呀？你收到情信？   」肥仔明個樣又好似真係幾誠懇下，應該真係唔係佢寫。 

「喂，咩信姐？真係有情信？拎黎睇過 」 

「Hi，關你向左走向右走事咩」既然唔係肥仔俊玩野，咁仲會係邊個呢？ 

我望一望個班房，係就係有幾個女仔坐係度，但係個個都無講過一句野。我啲毒向左走向右走平時又唔多朋友，除左肥仔俊都無咩人會玩我，唔通…真係毒向左走向右走都有人鍾意？ 

呢個時候，藍藍見到我左望右望咁，就問：「做咩呀？又 目及 女呀？」 

「咩呀，目及 仔唔得嫁？」 



我無將自己收到情書呢件事話俾佢聽，當時嘅我覺得呢個只係一個惡作劇。如果係平時嘅我，可能會好好奇係邊個女/男仔寫俾我，但係果陣時嘅我根本無心情去諗。