[真人真事+少少甜] 一切，由MSN開始: 第十章、丁: 1 on 1
呢一個禮拜，我都用籃球隊隊長選拔做藉口，一早就自己返左學校練波。一黎我真係好想做到籃球隊隊長，二黎我知道藍藍因為大雄而拒絕左我，我除左失望之外只有失望
，所以我特登避開佢，唔想面對佢。 「喂，你禮拜五好似要同大雄打喎，準備成點?」肥仔明打打下洗無啦啦同我講。
「下？出左名單喇咩？
」 「今朝岩岩出左啦，你唔知咩？」
「我真係唔知喎…」又會咁好彩第一輪就撞到佢嘅…
「我睇佢打波都幾勁喎，聽講之前仲打過啲唔知咩咩青年軍，你真係唔好彩喇
」 「佢有幾勁呀？咪係靠個樣呃下啲女跟住啲人咪吹到佢好勁囉，我到時屠爆佢啲人就唔會咁講嫁喇
」或者呢個正正係一個機會俾我終於可以名正言順嘅機會去砌低大雄
。 返到屋企之後，我主動msn藍藍。
我：
18:45 你星期五果日會唔會黎睇呀？
藍藍：
18:47 應該會呀
18:47 大雄都有叫我去睇
原來大雄條Hi Hi一早就叫左藍藍去睇，姐係佢覺得已經贏硬我？
我：
18:48 咁就好
18:48 你想邊個贏呀？
藍藍：
18:49 我都唔知呀
18:49 你地2個都係我朋友 我兩個都會支持嘅
18:49 你加油啦
我：
18:50 好啦 thx
既然藍藍都黎睇，咁我呢場波就一定唔輸得。
話咁快就黎到星期五，我同大雄場波係第一場。籃球場邊一早就企滿哂成班女，佢地緊係唔係黎睇我啦，仲有啲唔知醜嘅係度大嗌「大雄加油！」。
「係學校打波都好似要作客咁，等我一陣收哂你地皮啦」我心諗。
係成班女入面，我搵到藍藍嘅蹤影。不過，佢無望住我，佢望住嘅只係大雄。原本心入面仲ff過佢可能會幫我打氣，原來係我一廂情願姐。
『比賽依家開始。你地２個抽籤睇下邊個開波先』教練拎左２支籤出黎。正當我想讓佢抽先嘅時候，大雄話：『唔洗抽啦，丁當係前輩，俾佢開先啦
』咁囂張！？你真係以為自己贏硬？ 『咁我唔客氣喇喎』
『唔洗，反正都差唔多姐』亞太區有一天成為亞太區你個街，唔發火真係當我病貓？
『因為仲有幾場要打，所以個比賽會縮短啲，首先入到７個果個就贏。依加開始。咇！』
教練一吹雞，我就即刻係三分線後起手。『嚓』籃球係空中劃出一條拋物線空心破網。
『係有啲料喎』大雄原來有啲嘻皮笑臉，依家個樣都變得認真起黎。
跟住到佢開波。佢向右做左個試探步跟住就鎈向我嘅左邊，我用個身頂住佢唔俾佢鎈入鎖匙圈入面，跟住佢一個step back跳投，個波就擦板入左。
跟住場邊啲女仔就出哂水咁尖叫
，我心諗佢只不過符碌姐洗唔洗呀。 之後你一球我一球，比數黎到４：４，我開波。我帶波鎈向右邊，諗住用first step過佢，不過俾佢跟到。佢一直貼住去到右邊低位，依個時候我跳起fade away，佢隻手掂到少少我個波，跟住個波係個籃框到浪左２下，最後都出番黎。『Hi！』咁都唔入真係無天理。
之後到番大雄開。佢首先插２下花，跟住一個cross over就製造出少少空位跟住起手，我即刻跳起想block佢，點知佢原來係假動作，佢趁我跳起左就即刻切入上籃得分。
『咇！５：４，大雄勝。』場邊女仔即刻大叫拍手，我見到藍藍好開心嘅係度拍手，果一刻，我成個人都好似跌左入谷底咁，我知道自己已經徹底輸左。
依個時候，大雄笑住咁走過黎同我握手，不過我望都無望佢就走左。我突然覺得自己真係好無用，果一刻嘅我只係想搵個地方自己一個人摺埋靜下。