[真人真事+少少甜] 一切，由MSN開始: 特別篇 (一)、雄：死性不改
「你比佢地任何一個都好上一千萬倍呀！由我轉校第一日黎到呢到，已經覺得你與眾不同，你從來都唔會好似其他女仔咁當我男神咁拜。
無論你對住邊個，你都係咁溫柔。就係你呢種溫柔，深深咁吸引我。藍藍，你比個機會我，比我好好咁照顧你。」
我竟然將呢番說話講出口！
大雄呀大雄... 你明知藍藍頭先先同丁當出現左問題，你就即刻表白，未免太過乘人之危！雖然個個都話係我搞到藍藍同丁當關系疏遠，但… 我都無諗過會咁。唔通追求自己愛既人都係一種錯？
藍藍無直接回應我，但其實我都心知肚明，明知藍藍心中果個人係丁當，而我只會係朋友。
之後成晚我地都係到隊啤，飲飲下我都飲左七、八枝。藍藍飲左半枝都已經紅都面哂，叫佢咪再飲，但愈叫佢唔好佢就愈要飲。
呢個時候既藍藍特別可愛，係到大聲唱歌、玩韆鞦，成個細佬女咁。好彩我平時間唔中都自己隊下啤，咁快醉就唔可以好好記住呢一刻既藍藍。
「大雄，過黎陪我玩氹氹轉！」藍藍捉住我，呢一刻我真係好想攬實佢。
佢不停要同我一齊轉呀轉，轉到我頭都暈埋。一停低，藍藍就爬到我身上，係我耳邊話：「丁當，對唔住… 係我傷害你，我愛你呀。你番黎啦… 」
我都未反應得切，佢就哄上黎，嘴左落我度。
呢一刻既我，真係百感交雜… 理性話我知我應該推開藍藍，因為佢心入面諗緊既唔係郭雄仁，而係丁當。但我又享受住藍藍同我近距離既接觸，佢既嘴唇係幾咁溫暖，我都唔捨得離開。 我抱得藍藍愈黎愈實，因為我擔心我一放手，佢就永遠唔會再番黎我身邊。
無耐之後，藍藍係我懷內訓著左，我諗佢真係飲太多啦，醉到我點叫都叫唔醒。
無辦法啦！我唔知佢住邊，惟有帶佢番我屋企先，總好過係遊樂場入面訓。我只好抱藍藍番麗城先，好彩老豆老母呢個星期番左大陸姐。
藍藍訓左我張床度，簡直係我夢寐以求既事！佢雪白既雙腿，不過不失既上圍，再加上令人疼愛、憐惜既容貌，都令我心動不已。我足足呆望左半個鐘，小雄呢個時候都跑左出黎趁趁熱鬧。
小雄，你要好好聽話呀！依家亂黎就真係乘人之危！就算人人都話我係壞人，我都要做番藍藍心中既好人，更何況人地心入面無你…
藍藍，你知嗎？今晚呢個係我初吻呀！以往都無一個女仔可以係我心入面留下深刻印象，偏偏係我望到你既第一眼，就已經知我愛上左你。
我從來都唔信咩愛情，一直覺得自己一個都可以生活得好好，但原來唔係咁。
我輕輕吻左一下藍藍額頭，就係佢隔離訓著左。
點解我係藍藍心中從來都只係朋友。