[真人真事+少少甜] 一切，由MSN開始: 第五十七章、藍：心知肚明

「大雄，送到我呢度得啦。我自己上去就ok。

」

「咁好啦。番去同我講聲，我走啦。

」之後，大雄就轉身走左。

我係大堂坐左五分鐘之後，決定出去行一行。

自己一個行下行下，唔經唔覺行到去半籃球場，我行入去坐左一陣。

仲記得小學個時，明明矮得得，又無力，但丁當總係鍾意黎呢度打波。佢成比d高佢成個頭既中學生笑，但佢永遠都唔會因為咁而放棄籃球。

到左中學，佢唔太鍾意去半籃球場啦，話個度個場太細，唔夠刺激。

初中放學無野做，我就陪佢去籃球場，睇佢打波已經成為左我當時既習慣。

我好鍾意睇丁當打籃球，因為我總係會見到佢自信既一面。

佢唔夠人高，灌籃、搶籃板呢D都唔係佢強項；佢又容易緊張，所以一要射罰球或者三分波，佢就會好易失準。

所以，佢係一名後衛。宮城係彩子既No.1後衛，而丁當係我心目中亦一樣。佢跑得快，身手敏捷，傳波亦係佢既拿手，成日都打出好多靚既助攻。

再大個d，佢少左係海濱打波，因為平時佢都有校隊訓練，而且佢有時夜晚鍾意同我係海傍跑步。

其實我一直都叫佢個段時間去做自己鍾意做既野，因為我知佢一直都唔太鍾意跑步，但佢又堅持要陪我，話：「雖然呢，你對我黎講係兄弟，但係其他人眼中你係女仔呀！一個女仔夜媽媽跑步都唔係太好。