「咩話?張子樂原來有女朋友,仲要係你cafe熟客而且你地已經正面交鋒?」
晞欣驚訝得只懂張大嘴巴, 下巴快要脫臼。

「嗯。」
「唔怪得你早幾日post左首《不如不見》上面書….... 我同屋企去左個小小既旅行姐,有冇咁多事發生,食花生都食唔切啦。」
「花生殼一地都係添喇…」

我沒可奈何,只會苦笑。

「佢女朋友係點嫁?」


「你add左張子樂facebook咪知囉。」
「賣咩關子姐,你畀我睇完我再add佢啦!」

我默默地搜尋了張子樂的名字,接著把手機遞過給晞欣。
再看到他們臉書上的合照,我應該會抓狂。

「空姐黎wor,不過有d港女味,點解張子樂唔係鐘意mk妹就鐘意港女?」
「你問佢啦,問我做乜姐。」

「黃詩瑩唔好嬲,果個咁既張子樂都盲既,我地當同情佢啦下。」


晞欣的一句挖苦,令好幾天鬱鬱寡歡的我展露了笑容。

「你把口呢真係唔收。」
「把口收左點氹得你小公主咁開心,既然張子樂咁衰,我就同肥強講以後都唔同佢去街。」

說起肥強,我才想起子樂提及過肥強將會有所行動。

「乜肥強又約左你咩?」我試探地問。
「我旅行之前約嫁啦,不過日子未定,同佢講左番黎再約實佢,依家唔駛啦。」



「下?都唔關肥強事⋯」
「係唔關佢事,但佢同張子樂咁熟,我冇信心囉,你有冇聽過物以類聚,人以群分?」

「有⋯不過你畀多一次機會人啦,一次姐,好冇?」
我真的不想因為自己和張子樂之間的事情而影響到他們兩個。

畢竟,他們的發展空間還有很多,就這樣抹殺了一切的可能性很可惜吧?

「唉⋯好喇好喇,不過呢次你要同我一齊去。」

我沒有任何說不的餘地,只好硬著頭皮點頭。
晞欣滿意地笑了。

肥強,你一定要爭氣,我可是豁了出去地幫助你,不要辜負了我的一片苦心。
不要像我和張子樂,落得「不如不見」的窘境。



那一夜,我輾轉反側,精神疲憊得很,卻沒有任何睡意。
更糟糕的是,因為沒有吃晚餐,我的胃在無聲地抗議著。

看了一下床頭的時鐘,還有五分鐘才踏入凌晨三時,若要撐到天亮,那應該是mission impossible。

我唯有躡手躡腳的走出睡房,去廚房找了一下有沒有想吃的。

很可惜,裡面全都是冷冰冰的食材,還是需要花時間烹調那種。
如果可以有一口熱粥又或者點心那就好了。

這裡附近,應該有一間粥麵店還沒有打烊,就到那裡碰碰運氣吧!

才剛踏出家門,手機便響起了訊息提示。



難道是晞欣發現了我在夜深時份一個人出外遛躂,想要我給她買點宵夜?

「咁夜仲唔瞓?」原來是來自Jason的一個算是問候的短訊。
「咁你又唔瞓?」

「未瞓到,係床碌到頭都暈。」
「我岩岩出左門口諗住去食粥,一唔一齊?」

因為想要排除這刻的孤獨感,明知這個舉動會令他誤會更深,我還是向他提出了邀請。

這一刻,我有點討厭自己,討厭自己跟張子樂有點相像。

就像《春嬌與志明》中余春嬌的自白:

「我好努力去擺脫張志明,最後我發覺,我變左另一個張志明。」



他對我的影響,比我想像之中更深遠。

「My pleasure,十五分鐘後街口OK等。」
「你又知我想去邊?」
「傻瓜,呢個時候我地附近得一間粥鋪未收之嘛,轉頭見啦。」

我慢條斯理的走在沓無人煙的街道上,感受一下難得的寧靜。相比街燈,便利店的燈光亮得使人有點目眩。
踏入便利店的一瞬,彷彿踏進了另一個世界。

「歡迎光臨!」店員的問候語,使我下意識的看了一下收銀櫃檯,但卻空無一人。

正當我疑惑著的時候,有人拍了拍我的肩膀。

「你望左去邊呀,我咁近門口仲叫埋歡迎光臨你都睇唔到。」


Jason一臉沒好氣地笑說。

「我以為你未到,唔好話你特登企係盲點位嚇我?」
「係,我錯喇,下次唔敢。」

「今次原諒你,下次唔好喇…咁行得未?」
「做多少少野就行得。」

「咩野?」
「你再行近少少先。」

我向前踏出了一步,站到了他的正前方。
然後他輕輕的牽起了我的手,拉著我往門外的方向走去。

(待續)

 (如果喜歡我的文章, 就給我一個 like 吧 )
P.S 如果大家有任何感情事 , 問題 , 也想分享下 ,
也可以給我一個 email [email protected]
Facebook Page : https://www.facebook.com/thesiufui
已有 0 人追稿