我與同居女同學的日子: 同居

係接下落黎既一個禮拜，我都成日被佢點黎點去。

「何日言，幫我落去交功課」

「何日言，幫我收簿」

基本上就做左佢私人男僕咁制（唔係你地諗個啲），唉算啦，鬼叫我有把柄係佢手。

「各位同學再見」濕鳩班主任講



放學第一時間衝返屋企打gta,打打下被人遼做團隊mission，算，join隊。係打既途中見到有條女超似唐靖欣，搞到撞車仲要被警察拉

「屌」我大叫一聲，再望下個鐘，成9點半都仲未食飯，諗住落街買嘢食。

係我食飽行返屋企既時候，我見到有個女仔既側面好靚，睇真啲，佢咪就係唐靖欣。我即刻行埋去睇下發生咩事，佢一見到係我，即刻攬住我喊，我等佢喊完就問佢發生咩事，佢話佢離家出走，同啲親戚又唔熟。

「咁依家點算」佢問。
「如果你唔介意既話就去我屋企住住先，我自己一個住，放心，我唔會食左你」
「咁…………」
「咁咩咁，行啦」都未得佢同意就拎左佢既向住我屋企行………………



就係咁，我同佢既同居日子就開始左………………