[多甜+少少陰謀+啲啲感情]《你有冇諗過，你用緊嗰間試身室其實係一間炮房》: 003

「Cindy。」

「咁準時啊你。」Cindy笑住咁對你講。

你好尷尬咁以笑遮醜，「哈，你未仲準時。」

你聽其他人講，每逢約會女仔都會遲到，所以只係預早咗五分鐘到，估唔到Cindy竟然仲早過你到，搞到你好似要人等你咁。

「你到咗好耐？」



佢搖頭，望一望手錶，「都係黎咗三個字度啫。」

「哦……」

依一次係你咁大個仔第一次同女仔單獨約會，你完全唔知應該講咩或者做咩好。

「喂，去食嘢先囉。」

「哦。」



你跟係佢身後面，就好似一隻跟尾狗咁，佢行東你行東，佢行西你行西。

「你想食咩？」佢問你。

你口塞塞咁講：「啊，想……無所謂啊，咩嘢都得。」

同女仔完全無相處過嘅你，唔明白「無所謂」係幾咁令女仔討厭，女仔同你去街，就係想你幫佢做決定，你反而要佢幫你揸主意，簡直係自殺行為，不過你好好彩，因為Cindy無因為咁而扣你分。

Cindy係你嘅印像中係一個幾好嘅同事，佢有一對圓滾滾嘅眼睛，個鼻幾堅挺，上圍豐滿，而且佢仲要下唇厚過上唇，正所謂上唇厚重情，下唇厚重性，佢講唔講情就唔知，不過好大機會係一個重性之人。





最終，你哋兩個人入咗去一間連鎖餐廳度鋸扒。

「係呢，你做乜會約我嘅？」你始終都係問咗出黎，一個係你心入面最大嘅疑惑。

佢咪咪嘴咁笑，「有件事要你幫手，所以先請你食餐飯。」

「咩嘢事？」你問。

佢拎咗一部平板電腦出黎，開咗一段片，片入面嘅環境好明顯就係你哋間鋪個更衣室，你見到兩條肉蟲攬埋一舊，係度依泣緊。

「你……佢哋……」

Cindy講：「你認唔出佢哋咩？佢哋‵係店長同埋Sara。」



你再認真咁望一望，嗰兩條肉蟲的確就係店長同埋Sara。

店長，今年四、五十歲，做個小店長就當正自己係土皇帝咁，成人點人做乜做物，揸住雞毛當令箭；Sara，一位入職咗好幾年嘅同事，佢年紀比你仲要細一歲，聽講係讀唔成書，中三就出黎做嘢，佢經常性早退，鍾意就返，唔鍾意就唔返，搞到你哋一班同事都好麻煩，但係又無人會話佢或者炒佢。

「佢哋有染？」你覺得驚訝。

Cindy笑住咁點頭。

「咁……咁你想我點做？」

Cindy伸咗一個懶腰，「我想你用依條片去要脅佢。」

「要脅佢？邊個佢？」



「Sara，我要你用依條片，逼佢同你搞嘢。」

「點解要咁做？就算要咁做你搵其他人一樣得？做乜要搵我？同埋咁樣做好大獲嫁喎……」

Cindy搖頭，「你唔明嫁啦，依件事唔係你想像中咁簡單，店長係我哋『組織』一直都好關注嘅目標之一，我哋唔想比佢知道組織監視緊佢。」

「組織？」

「依件事你唔需要知道。」

「咁……咁我都係唔明，點解你要我拎依條片去要脅佢？」

Cindy收埋部平板電腦，「因為Sara，係另一位我哋組織密切關住嘅人。」

你開始感覺到，你已經捲入咗一場你唔應該走入去嘅陰謀裡面。