《男孩的她》: 第二章—陽光的溫暖

「你好呀......」我連忙衝上前說。

「咦？你咪尋日個男仔？早晨呀！係喎，你點知我個名架？」朱允晴用一個奇怪的眼神看著我。

四目交投一刻，我感到心臟跳得異常劇烈。

「喂，你又呆左嘅？你都未答我。」她假裝生氣。

「um...係高文同我講架......五大女神嘛......」我尷尬地說。



「咩五大女神呀，佢又亂講野，唉。4A朱允晴呀，多多指教！」她伸岀右手。

「4D王子軒......你好......」此時的我臉頰已經紅得像個紙紮娃娃。

「喂行啦天然呆，再企喺度，唔熱死都遲到啦！」她再次展現笑容。

沿路中，我倆甚少交談。

不經不覺，我們已經到達班房。



「喂我到啦怕醜仔。」她笑著說。

如果......時間永遠停在這一刻，我人生就不白過了。

「頂，我又諗緊咩？」連我也忍不住嘰笑自己。

「嘩，尋日先識人，今日就一齊番學，效率高喎！」

原來是高文，他旁邊還有陳才略。



他不待我回應，便自己接下去。

「唉唔玩你啦，知你無朋友，等我介紹佢比你識啦」高文指著旁邊的人說。

「Yo！在下陳才略，睇你個死樣，春心動啦一定，等我教你溝女！Yo！」陳才略以Rap的方式說。

鐘聲響起。

「你好呀，打鐘啦，番去啦不如。」我心中大喜，為成功脫身而興奮。

誰知道，他在往後的日子，是我的好兄弟？

太陽高掛天空的正中央之時，正是我們放學之時。

上午的課，我全都聽不入耳；不是在想朱允晴，就是聽著高文和陳才略的話。



自我未懂事時，母親已離我而去，她的容貌，我一眼也沒見過。

父親是個粗魯而不細心的人，他長期在外公幹，可笑的是我連他的工作也不知道。

他十分嚴厲，只是我就讀的學校稍有不合他意，他就會替我轉校。

這種行為，形成今天的我：長期孤單和沒有朋友。

我每一天回家，也只有電腦做我的玩伴。

轉校亦令我不敢交朋友，生活圈子就只有電腦和單車。

我也是個小孩子，我也想被人寵愛，被人保護。



可惜父親只給我物質，還給了我那該死的哮喘。

想不到吧，一個高大的中三男孩原來心靈毫無堅固之言。

「喂每次見你都咁呆既？」

這把聲音......朱允晴！

「嘩架單車你架？好襯你喎！」她微笑道。

「係呀......不如，我載你一程啦！」我的膽量不知從何而來，而且有點後悔。

後來我才發現，這個決定是我一生中最正確的決定。

「咁......好啦。我想去附近個公園坐下。」她依舊微笑。



她雙手輕搭在我的肩膀上，我多麼想時間永遠不流動。

我倆並肩而坐，樹葉隨風飄動。

「你好似有心事喎！」她一臉關心地問。

「我......我......」

就這樣，我把藏在心裏很多年的心事全部說給她。

她聽過後，用右手輕捏我的臉。

「好多人喺落雨既時候都抱怨，但係我反而好高興，因為落完雨太陽就會岀現。如果你放棄左，又點會見到呢？係咪先？」



「多謝你呀......朱允晴。」我心跳得很快。

—————

「唔該你就真，要你送我番嚟。仲有呀，叫我小晴得架啦，拜拜。」她依舊展岀動人的笑容。

「拜拜小......小晴。」我向她揮手。

回家後，我竟不是馬上玩電腦，而是躺在床上，細味小晴剛才那一捏。

難道，這就是戀愛的感受？

我愛上了她？

我回想著她溫暖的笑容、一舉一動，帶著微笑墮入睡夢中。

待續。