《男孩的她》: 第七章—自作多情

「喂喂喂，點解我個頭濕咗架？」小晴拍醒了我，生氣地指著她的頭問。

「um...係我啲口水嚟……」我摸一摸她濕掉的頭髮。

「王子軒！你點訓訓到流口水架？我去洗頭呀衰人！」她生氣地說。

「喂……」

看看牆上的掛鐘，時針已指向十時。



我走進廚房，打算煮早餐給小晴。

女孩子大多都喜歡能烹飪的男孩子。

更何況，我要她原諒我。

我長期都是自己照顧自己一切起居飲食，區區的一個早餐怎會難到我？

「吱……」一陣香氣隨聲音撲鼻而來。



不消一會兒，一個精美且充滿愛心的早餐煮好了。

同一時間，咖啡機磨岀咖啡。

我早前學的拉花終於有用處了！

我在咖啡上拉兩個相連的心。

這兩個心，當然是代表我和小晴。



然後我用番茄醬在碟上寫了「小晴，對唔住呀！」

「嘩你咁浪費架！」小晴捏了我的臉一下。

「咦你幾時喺度架？」我捉住她的手。

「咪你拉緊花嗰陣囉。好靚呀，你一定要教我呀！仲有你認真嗰時個樣其實好可愛，哈哈！」她笑著說。

「超，我不嬲都咁可愛。」我面紅耳赤地說。

我從沒有被人稱讚過，這次是第一次。

更何況，被心愛的女孩稱讚。

「喂食得未呀我好肚餓呀，又喺度發呆。」她拍一拍我的頭。



「係係係，請小晴晴你稍移玉步去飯廳。」我笑說。

「嘩好好食呀！」小晴兩眼發亮。

「好食就好啦，咁原諒我啦好無？」我很滿足。

「既然咁好食我就原諒你啦衰人。」小晴笑說。

「喂你咁鬼孱弱點解唔做多啲運動呀？」她問。

「我有哮喘嘛……」

「係喎唔記得咗……游多啲水咪會好啲囉！」她伸一伸舌頭。



我突然想起，白雪曾跟我說過，小晴特別喜歡陽光型、愛做運動的男孩……

「喂你又發呆架……」小晴捏了我的臉一下。

「咁你同我去游水囉。」我乘機約她。

「唔呀！」小晴馬上拒絕。

「就嚟考試啦，又話一定會同我一班，你依家嘅成績點可以又到A班呀……比心機溫書啦！」她續說。

「係喎，哈哈。知道啦，等我仲以為你唔肯。」我笑說。

「係喎，點解你成日都整我塊臉架？」我問。

「好玩囉，唔係你以為係咩？你唔準架，唔可以蝦我架。」



甚麼？原來只是好玩……我還以為……以為有甚麼特別意思……一切都是我自作多情……

「喂，你又發呆，死呆仔！」她搔我的腰。

「你夠膽搔我？」我強顏歡笑，不斷搔她。

她毫無還擊之力，抱著我一同跌落地面。

她被我壓在下面，我倆四目相投。

我閉上眼睛，緩緩地把頭降低，打算吻她。

咦，這個甚麼質感？



我打開眼睛，打算看看。

「嘩，頂！」

原來是小晴的手錶。

「死咸濕仔又想抽我水！」她打了我的頭一下。

我爬起身並坐下，看着她可愛的面孔。

「喂其實你有冇諗住識返個男朋友？」我鼓起勇氣地問。

「吓……而家冇呀……我唔想拍拖……」她斷斷續續地說。

「我依家只係想要一班好朋友，好知己，即係好似你嗰種咁。」她平靜地說。

我卻平靜不到。

「好知己，即係好似你個種咁。」

腦裏不斷重複……

原來……原來真的只是自己自作多情……

說得也對……這樣的女孩我怎高攀得起？

「我……我走啦……仲未做完功課。」

我衝門而岀，無論小晴怎樣叫我，我依舊頭也不回，免得被她看到我的眼淚……

待續。