《男孩的她》: 第十章—對的人，錯的時間

「多謝你……你唱得好好聽……不過……」她沒有再哭。

「呢一刻，我只係想自己靜一靜，我再唔值得任何人去愛我。」她平靜的說出。

「我會好好珍惜你架，我唔會好似佢咁……從依家開始，我只會錫你一個，寵你，唔會呃你，答應你既每一件事我都會做到，對你講既每一句話都是真話，唔蝦你，唔鬧你，相信你，有人蝦你，我會第一時間出嚟幫你，你開心既時候，我會陪著你開心，你唔開心，我都會氹你開心。」我鼻頭一酸，眼框漸漸的泛紅。

「對唔住……你走先啦俾我自己一個靜下。」

我這是被拒絕嗎？



「你自己……小心啲啦……」我不捨地向着門外走。

她沒有再看我一眼，只是默默低頭起來。

不知從何時，外面下着滂沱大雨。

我沒有帶雨傘，只好任由雨水洗刷我的身體，同時亦希望令自己清醒。

最後，不知在雨中走了多久，我終於受不了，找到附近避雨。



在屋簷下躲雨，看着出面的街景，腦裏卻浮現我和小晴一同避雨的情景……

那天我和她都沒有帶傘，只好匆忙地走到某處屋簷下避雨，儘管我倆都渾身濕透，卻望着對方，笑得很甜很甜……

回憶再轉向那句歌詞……

「最美的不是下雨天，是曾與你躲過雨的屋簷……」

不能說的秘密。



路小雨……葉湘倫……

我能像葉湘倫一樣，為了心愛的人即使要穿越時空仍在所不惜嗎？

待我回神過來，雨已經停了。

天空卻沒有岀現陽光，烏雲仍然密佈。

雨過，不一定天晴嗎？

我想起白雪……

樂：「喂……」09:36

我whatsapp白雪。



「叮……叮……」手機響起whatsapp的提示聲。

雪：「你仲夠膽搵我？你做人咁唔負責任架！話留低我就留低我，留低我已經唔啱，仲要一句都唔講就走左！咩態度呀？」09:45

樂：「對唔住……但係小晴……」09:46

雪：「講緊你呀乜野小晴呀？」09:50

看來，她真的很生氣……

樂：「我咩事唔重要，你關心下佢啦，佢前男友話要搵佢復合……」09:51

事實上我是忍住眼淚打這段話的。



雪：「咩話咁大件事？上嚟我屋企先傾！」09:51

小晴的事令她暫時放下生氣的情緒。

我把所有事都告訴白雪，當然包括我向她表白的事。

「你係咪傻架，表白都唔揀啲咁嘅時候表白啦。」白雪說。

「呢件事唔重要……最緊要係令小晴開心返。」

「唔使你講，我自己會識做。」

「咁好啦……對唔住打攪左你，我走啦。」

「邊個叫你走啊，你都未食早餐啦！」



白雪拉着我重新坐在沙發上。

一陣香氣傳入鼻子。

「食嘢啦！」白雪指着桌上的那碗麵。

我的眼淚全掉進湯裏。

「你又喊咩啊男人老狗？」白雪不解地看着我。

「無……從來都冇人煮野比我食……有啲感慨姐……」

「傻瓜……」白雪用她溫暖的身體抱住我。



「咁你表白失敗諗住點啊？」她問。

「其實你覺得佢同我一齊會唔會覺得幸福？」我問。

「點解咁問？」

「『我最鐘意靜香，因為佢，我活著先有意義。』
『既然係咁點要放棄呢？』
『我認真想過啦，如果靜香嫁比我的話，會貧窮受苦一世，我如果真係鐘意她，就唔應該比佢同我一齊受苦。但係如果因為我令佢唔幸福的話，我會更痛苦。』」

我把《多啦A夢 伴我同行》中，大雄的想法說出來。

「即係你覺得佢跟住你唔會幸福？」她問。

「係……」我失望地答。

「你係咪無腦架？俾人拒絕一次就覺得你自己俾唔到幸福佢，完全冇關係囉。佢拒絕你可能唔係因為佢對你無好感，而係你選擇嘅時間唔啱。咩貧窮受苦姐？你既然覺得自己無用，依家就讀好啲書，你又話要同佢同班，同條毛呀？你又唔溫書又咁頹，你估A班好容易入呀？應承過佢又做唔到，你同佢前男友有乜分別？」白雪鬆開了我，一口氣像機關槍說了以上的話。

「你有咩夢想呀？」她問。

如果一星期前你問我，我會沒有答案。但現在你問我的話……

「我嘅夢想就係同佢一齊。」我堅決地回答。

「如果你有夢想的話，就要去捍衛佢。如果你有理想的話，就要去努力實現。夢想就係令你感覺堅持就係幸福既野。冇人鍾意失敗，但係，陰影都係人生嘅一部分。人唔會任何時間都會順順利利，失敗左咪試到成功為止囉！」她換上溫柔的語氣說。

「知道啦明白啦白雪姐！係喎，你唔嬲我啦？」我心中那團火再次燃起。

「我唔係啲咁小器嘅人囉！」白雪作勢打我的肚子一下。

「嗯嗯知道啦。」我露出久違的笑容。

「喂你有冇發現一啲野呀？」她問。

「發現咩啊？」我一面疑惑。

「你個公仔麵呢，索晒水啦，仲衰過撈麵啊！」她大笑。

「哇！係喎！頂！」我十分無奈。

「唉，我怕咗你，我煮過個俾你啦。」白雪轉身走進廚房。

待續。