坐我對面個禿頭阿叔一直用好凶狠嘅目光啤住我差唔多半個鐘。

  我唔知道阿叔係咪覺得眼神可以殺得死人,但我自己就開始思疑,好可能下一秒,我只要仲繼續望住佢對眼,我就會無啦啦死撚咗,而呢種死法應該只會係死亡筆記先至有機會出現得到。

  同時,我亦都好肯定,佢啤咗我嘅半個鐘入面,對眼係一次,無錯,係一次都無眨過。係喎,點解我會知得咁清楚?咦……佢啤我嘅同時我又望返佢,我都好似望咗阿叔半個鐘,對眼又係一次都無眨過喎屌……

  不過我都係忍唔住道氣,心諗有咩唔滿意咪講,私私縮縮淨係得個啤字算咩英雄好漢,我立馬就拍凳然後企起身大鳩喝佢:「屌嗱星!阿叔,我有咩得罪你呀?你點解係都要啤住我,你啤我都算喇,你啤撚咗我半個鐘!你唔攰架咩?我有咩對你唔住都好!不如我同你講句對唔住……你唔好再啤我啦唔該你……」

  「我無啤你。」





  「屌!阿叔你一把年紀仲學人講大話……」不過我稍微望真啲,阿叔嘅眼神其實係凶狠得嚟又帶點渾濁嘅空洞,可能佢眼中嘅焦點確實唔係我:「阿叔,你唔係啤我,咁你啤緊邊個呀?」

  「我啤緊Billy。」

  「你好,初次見面,我個洋名其實係叫Shawn,不過你都可以叫返我中文名,文樂。」

  「唔係你,我講緊Billy。」屌!我真係忍撚夠!你老母我唔發嬲你當我ON9?

  正當我諗住開口罵臭阿叔嘅時候,我老母拉住我隻手,示意我坐返低,然後細細聲係我耳邊講:「仔,呢度精神科嚟架,你一睇就知個阿叔精神有問題啦,好可能佢有抑鬱症呀,輕度弱智高度弱智嗰啲咁架。」





  老母雖然前半段講得都幾有道理,不過我都係難掩無神神被啤半個鐘嘅怒氣:「屌,老母你咪ON9啦,就算係精神病都係思覺失調又或者精神分裂啦。」

  呢個時候,阿叔忽然好似產生咗啲異樣……
已有 0 人追稿