《蒲英的約定》: 第一章──出生

我叫李政蒲，今年二十一歲。出身於香港並出身於中產家庭，父母都係醫生，而且佢地長期係韓國工作，所以剩低我同細佬生活。

而我地係香港就有個監護人，我地叫佢做張啊姨。佢個老公同我地父母係世交，因為佢同我地父母都係醫生世家，已經唔知幾多代都係醫生同同事關係，所以關係十分之好。除此之外，張啊姨佢地都有個女，叫張詠英，今年十七歲，同我細佬同年，一樣細我四年。咁我地因爲小學中學都係同一間，而且佢地又係住我地隔離，所以啲大人都托我要好好照顧佢兩個。而亦因為咁而慣咗照顧佢地而冇時間拍拖，所以我直到而家都未有過女朋友。其實自從中六畢業後，我老豆突然強制要我去韓國讀醫，不過我唔肯，所以最後係變咗留係韓國考跆拳道。P.S本人已經係黑帶，老豆話我自少要考到四段先可以返香港…

「你說把愛漸漸放下會走更遠 又何…」「喂，揾邊」「喂呀仔我知你今日pass咗四段啦你可以返去香港啦，不過而家香港沙士好嚴重啊你自己小心啲啦。」「老豆你傻咗啊，九唔搭八咁，又唔顯示電話號碼又俾我返香港。」「你唔好理啦總知你快啲返去香港接埋詠英過黎啦，佢老豆即係啊馬叔叔話個傻女講同你有個唔知咩約定，如果見唔到你就唔離開香港喎係咁啦機票已經訂咗下午四點你細佬會攞俾你架啦速去速回啦bye。」「哦…」

「叮咚叮咚」「嘩唔好再快啲。」我一路講一路以100米嘅速度跑去一樓開門。「啊哥呢度係一張來回機票一張韓國機票，老豆話唔使執行李，接咗詠英就即刻返黎韓國ok?」「哦，係啦細佬，你知唔知發生咩事？做咩咁突然嘅？搞到好似香港好危險咁…」「我都唔知喎，不過而家香港沙士傳播得好快，好似日日都有好多人中招，所以真係好唔安全，所以唔好講咁多，你快啲出發，詠英就靠你啦。」我笑笑口咁講：「傻仔，你放心啦，我一定會交返個完整無缺嘅張詠英俾你架啦，哈哈。」「咩喎…」

之後，我就出發去機場。



其實我都唔明點解會係要我接而唔係細佬，呢樣嘢明明應該係留俾細佬做架嘛，話哂都係佢鐘意咗啊詠英十幾年啦，唉。不過，我同詠英嘅約定究竟係咩呢，一時唔記得咗添，哈哈。