古井異域: 第十八章 賊贓嫁禍
“你以為係我主動惹佢地架咩。。”於是李浩然便將因由說出來。“女賊？”蔡掌櫃捏了捏下巴，女賊不是沒有，可是十隻手指也數得哂，他很好奇，這個女賊是何方神聖？
“算啦，唔做都做左啦，仲可以點姐，不過究竟呢個萬丈聯盟背後係咩人？”知己知彼，百戰百勝，況且這是關乎對方的實力和能否惹他們的問題，到時候他們派個虛源期來殺他真是易如反掌。
“南天商會。係人都知道佢係最弱架啦，所以，呢個咁嘅南天商會，響呢幾個月就開始扶植一個萬丈聯盟，希望穩固同提升實力囉。”
“哦。。即係同首堂一樣。。唔講呢啲啦，遲啲先理，講番重點，呢個引雷琉璃塔有咩用？”
“既然比你注定得到，咁我就同你講下啦。你個雷引琉璃塔我估計仲未比人煉化，呢個塔，起碼係要淬體後期，先勉強可以煉化，果個盟主得中期咁弱雞，就冇可能煉化到。”
“咁姐係我可以呀？”
“可以係可以，但係我建議你想保障啲，就等到中期先煉化啦，咁會輕鬆好多。”
“咁點樣煉化？”
“注入自己嘅髮之根源。每個人都獨一無二，唔同架。只要有足夠嘅髮之根源，咁先可以將引雷琉璃塔嘅本質同化，到時候就會有信息話你知點用架啦。”
“原來係咁。。話時話咁好嘅野，點解南天商會肯比呢個聯盟？”李浩然疑惑的問，這麼好的寶物，不是應該給他們的子孫的嗎？
“睇嚟你唔知呢個引雷琉璃塔有咩用喎。。”蔡掌櫃似笑非笑地看著李浩然，彷彿是在看笑話。
“有咩用呀？”從頭到尾其實李浩然只知道這是件很寶貴的東西，但是根本不知道有何用。不外乎是提升實力吧。
“字面解釋，引雷，顧名思義就係引啲雷過黎啦。一般行雷閃電梗係冇野啦，點講你地起碼有淬體期後期。但係，呢個唔係一般嘅雷呀！”
“咁係咩雷呀？”
“佢係九劫雷霆雲，好勁架！你個塔咪有九層囉，一層一劫，一開始係一劫雷霆。但係佢一劫嘅攻擊即使係淬體期後期都頂唔順，呢個需要好強嘅意志力同耐力！”
“你唔好同我講笑啦，無端白事比果舊爛鬼雷打？食飽飯冇野做呀家陣？”
“唔係！九劫雷霆雲其實可遇就不可求，每一道雷霆打落你嘅身體上都蘊含大量嘅髮之根源架，而且力量驚人，一野打到你身上已經皮開肉綻啦！所以唔單止係有助提升你嘅修為，而且仲可以令你嘅身體從而昇華。不過就係睇係頂唔頂得順，同埋身體強唔強壯啦。”
“原來如此。。”難怪南天商會肯給他們了，這的確是寶物一件，可是沒有人肯要呀，到時候一野被那一劫雷霆劈死，真是沒地方哭了。送給萬丈聯盟又可以收買人心，何樂而不為？
“而且，萬丈聯盟嘅盟主係南天商會林家嘅分支，幾歹都係有啲血緣關係，呢件好野響佢手上就唔奇啦，不過佢就真係唔好彩啦，比你撻左。”
“唔係我撻佢囉，係果個女賊偷姐。”李浩然還在狡辯。
“我唔理係咪你撻啦，重點就係，如果真係要煉化呢個引雷塔，真係要小心啲，一定要確保有充足嘅髮之根源呀，否則你會被反噬，到其時對你身體係有極大嘅傷害，什至留低後遺症！”
“哦，明白。。”李浩然求其道，他人也十分保險的，他只有到了中期才會開始嘗試煉化。
“仲有呀細路，唔好話我唔提你，你千祈咪鬼走漏風聲呀，南天商會雖然係廢過我地，但係唔好惹架！”
“南天商會？一黎果時就已經惹到啦。”他喃喃自語的道，這真是天意，注定南天商會和他李浩然是要作對。
“咩話？”
“冇。。冇野，我話我會小心啲姐。”李浩然慌忙道。“係呀，真係要小心啲呀。”蔡掌櫃總是苦口婆心，令李浩然覺得煩厭了。
———
“林少主，我哋終於搵到有關李白嘅消息。”他們足足花了一個月的時間才找到一些資料，進展真是緩慢。
“終於有啦？快講！”林少在林家休養，而且得到父親的補藥，已經好得差不多，等了這麼久，他也不耐煩的，不過終是給他等到了。
“根據資料，港口嘅出入根本冇一個叫李白嘅人。差唔多成個港口都翻轉，但係都冇呢個人。所以我判斷佢係外島偷渡黎既人。”
“但係佢點解可以瞞得住我地？”
“或者佢身上有隱藏氣息嘅寶物。”明叔解釋道。
“嗯。。有道理。”
“佢有蔡掌櫃呢層關係，實力提升得咁快，同佢十不離九係有關係，而且非淺。所以我建議少主向家主建議，派人刺殺佢，做到神不知，鬼不覺！”
“好提議！我今晚就搵老竇商量！”
又在另一處，竟然是那個女賊！
“盟主，我冇呃你。。男賊住於休閣，當我深夜準備去不夜樓，就見到一個黑影打死左兩道藍影，而且回到休閣啦～”女賊銀鈴似的聲音，彷彿會誘惑人，加上她裝得嬌滴滴的，一般人心性不好真的會信到十足十！
女賊原來是在賊贓嫁禍！她當然不擔心，那兩個藍衣人已經死了，死無對證，整句假話做得滴水不漏，和李浩然脫不離關係！
可是這個和林家係血緣關係的盟主，已經是淬體中期，體態魁梧，儘管對女賊的美貌為之動容，也會理智的。“休閣？休閣啲人大多都只會係外島啲人，無端白事點會惹我地？你係咪響度賊贓嫁禍？”盟主林晚將陰沉著臉質問。
本以為林晚將只是個武夫，可是竟然考慮都這麼清楚！“我唔知點解佢會惹你哋，但係我真係冇必要呃你，我冇賊贓嫁禍！”女賊的臉上波瀾不驚，可是心裏依然是十分擔心的，若然林晚將真的看出什麼端倪，她死也不知怎死。
林晚將緊盯著女賊，希望在她的臉上看出什麼問題。作為一個盟主，他的野心和心機也沒有少，完全是步步為營。而且渴望有一天攀上林家的枝頭變鳳凰！
可是女賊真是女賊，她的變臉功比李浩然還厲害，表現得冷靜無比，一點漏洞也察覺不出來，並不是李浩然眼中那麼沒有心理質素。
“好！我就姑且信你一次，今晚，你同我一齊潛入休閣，話俾我聽係邊個！”林晚將是十分看重他的琉璃塔的，雖然那會十分痛苦，可是他也當是寶的，如今寶物被搶，他怎會不緊張？要是在平日，他可能會等幾天，計劃一下，確保萬無一失的，可是現在他已經有點慌神了，那裡想這麼多？
“嗯。”終於上釣了！女賊緊繃的神經終於放鬆下來。這就是她的計劃。
她覺得，那個休閣的男生起碼是淬體初期的。那麼如果中期和初期打鬥，她這個旁觀人就可以漁人得利，他們到時候兩敗俱傷，還可以和她鬥嗎？到時候她搶塔再潛逃就沒有問題了。
已經是晚上了，李浩然這晚打算開始收拾心神閉關幾天，以望突破，距離前往極北之地只有五個月，他的目標並不單單是中期！
剛開始感悟髮性約十五分鐘，就看到兩道人影，皆是黑衣，從窗戶跳到李浩然的房間內。李浩然當然感覺得到，不過剛把全副心神放在感悟上，起碼要十秒鐘調整才可以醒來。
“係個靚仔？”林晚將隨女賊從窗來到房間，看到只是一個十六七歲，頂天就十八歲的細路，就坐在床上，心中有點懷疑，這個和他相差起碼有八歲的細路，會撻他的東西？
“嗯嗯，就係佢！”女賊裝得似模似樣，林晚將不得不相信。“哼哼，原來起度閉關，正好，唔洗麻煩，等我打殘你，交出雷引琉璃塔！”
原本他還真是可以打殘李浩然的，可惜他們廢話多多，而且李浩然只不過是閉關了十五分鐘，這樣十秒很快就過了，李浩然迅速睜眼，避開林晚將那個有危機的掌的同時，也一掌擊出。
林晚將那裏知道他閉關會醒得這麼快，而且根本沒想過李浩然會比他強，絲毫沒有防範，直接被李浩然拍中左肩，撞到牆上，一副見鬼的模樣。
“你。你係初期。。唔。唔係，你隱藏左實力！”一個淬體期中期的修士在這裏已經十分罕有，除非在三堂五會才會經常看到，那麼這個起碼是後期實力的人，到底是什麼人？
“你老闆丫，偷襲我？你作死呀？仲有你個死女賊，識唔識寫個死字？仲帶埋啲豬朋狗友黎殺我？”
“你。你竟然呃我？！”聽到李浩然的話，林晚將那裏不知道，這個女人就是個女賊！
“我。。”她沒想到李浩然一句話就點破她的身份，令她無言以對。“盟主你相信我，琉璃塔真係起佢身上！”
盟主？莫非係萬丈聯盟果條友？李浩然一陣害怕，這個女賊還真是陰損呀。“到底果個乜鬼琉璃塔響邊個身上不言而喻。所以我勸你即刻同我彈開，如果唔係我一時嬲得濟，會殺左你！”李浩然當然是嚇一嚇他而已，他只是想這個人不是再留在這裏。