假如世界只留下小部分人，你還有勇氣生存嗎？: 出路

6點30分



「個啲咩嚟架？係樓下有好多丫，我地點走呀？個啲係咪人嚟架？」呀柔不停嘴係咁講




「等等先！我諗個啲應該係人變，其實我地都唔清楚，因為都係發生左冇幾耐！我整係知我地呢家要走！咁請問你同呀文夠未呢？」







呀文同呀柔即刻放手！場面即刻靜左一靜




「我地呢家點算？周圍都係，我地點走？」呀傑一路講一路拎住把好多屍血嘅菜刀係到fing







「呀傑！唔好咁緊張住先啦！比啲時間我諗下！！！」叫人唔好緊張，其實我仲緊張。




「不如我地跳去低座個邊丫？」呀柔講







「得喎，試唔試下？」



「死就死啦，唉！」呀傑講


因為高座同低座係冇直接嘅路去到嘅。所以我地要跳落去先得！不過首先要去到2樓。




「就行番我去岩岩上嚟個條路啦！就先上嚟都冇野！」







於是我地行番落去。



去到五樓嘅時候。


「喂，你地睇下！個到係咪有啲野？」呀柔指住防煙門出面！



「睇睇！係喎，好似有幾隻屍訓左係到，好似死左咁。係旁邊仲訓左一個警察屍體喎！」呀文走過去撘住呀柔講







「唔好理啦，快啲走啦」呀傑好心急咁講。



「咪住！如果係警察，咪可能有槍？如果有槍可能會幫到手！」



於是我地即刻行過去睇下！



「嗯，呢把係左輪嚟架喎，屌，冇唒彈啦！唔掛得之旁邊有啲屍死左係到啦，一定係佢開槍殺死啦！」







「你睇下佢有冇後備彈！」呀文指住條屍講




「係喎，呢到仲有兩粒，收埋先，呀傑，你拎住？」





「屌，冇手拎呀，你自己拎番，就算我拎左我都用唔到啦！」呀傑一心以為我玩佢，但我真係唔記得左，因為呀文又拖住人！咁我唯有自己拎番啦。







跟住我地行到二樓。




「喂，睇下下邊？個十幾隻屍呢？唔見左嘅？」






「頭先上嚟個陣有冇關門？」呀文問呀傑




「冇呀！」呀傑諗一諗



呀文望一望樓梯下邊！





「仆街啦！快啲走，上緊嚟！」呀文大叫




呀傑一聽到，就好似保特上身咁。9秒9跳左落低座




呀傑行頭，我行第二，之後呀文叫呀柔跳落嚟先



「嗚！嗚！！！！！呀」
啲屍好似發現左食物咁，突然非常興奮，叫聲即刻轉邊左！



呀柔跳左落嚟之後，到呀文。




呀文一跳！「呀！！！！！！！」
............................