假如世界只留下小部分人，你還有勇氣生存嗎？: 舊同學

呯！呯！樓上傳嚟兩下槍聲！




正當我地想上去嘅時候，見到一個肥仔仆左落嚟，啪！啪！








我即刻埋去扶起佢，「嗯！咁熟口面嘅」
呀傑係我後面講

我即刻望真啲佢。「係喎，肥仔峰！你冇事呀嘛？呀健唔係同你一齊架咩？」



「冇事，係呀，呀健係上面槍殺緊啲喪屍！」







「槍？」



「係呀，頭先係門口見到個警察比啲喪屍咬死左，跟住呀健咪攞左佢支槍囉！」



「咁我明啦，個兩個警察應該係一齊嘅！但有一個比喪屍咬死先，另一個就好似我地咁過左嚟！咁我知啦，頭先幫呀文個個係咪呀健？」







「係呀！頭先我地聽到有啲聲咪去走廊睇下囉，咁岩見到呀文比啲野捉住囉」



「快啲走呀！輕鐵站等！」有把聲係樓上傳嚟。把聲係呀健嘅



我即刻扶起岩岩仆左落嚟嘅呀峰，向輕鐵站進發！







呯！呯！呯，又嚟三下槍聲！



「嗚！嗚！」





「佢吧咩槍嚟？有咁多子彈咩？」



「佢個把得六粒子彈！」呀峰絕望咁講






「計埋頭先救呀文個兩粒，咁咪得番一粒？唔得，我要上去救佢！」



「你聽唔到佢地我地走咩？仲有，我地做到啲咩？咪只係佢嘅負擔？」呀傑一路講，一手拉走我



「我都認為我地呢家要走，呀健佢講得出做得到，冇事嘅！」呀峰拍拍我



「等我嚟！」呀峰同呀柔講！之後一手抱起呀文，就向樓下跑






「唔該唒！」呀文同呀峰講



唔好睇肥仔峰咁肥，佢都好大力，跑仲跑得好快！



就係咁，我地一路跑，沿住我地嚟嘅地方，一路走到鳴琴站








「嗯？頭先m記個幾隻野呢？」呀柔講



我望一望，入面只剩番一小小血肉，個幾隻喪屍都唔見左，應該係比呀健嘅槍聲吸引左過去！



行到鳴琴站之後。啪啪！啪！



令我地見到個震撼嘅畫面，因為m記有啲窗對住輕鐵站！見到最小有五個人痴左係窗到，成身都係血！睇嚟都係喪屍嘅早餐。


仲有一個重傷嘅人，垂死咁拍拍窗邊，空洞嘅眼望住我地呢邊！希望我地可以救佢！



老實講，我地都照顧唔到自己啦！仲點救佢，就算救到，佢都比野咬過，唔知會唔會變屍啦。




「對唔住！」我只可以咁講



沙！一聲，岩岩叫我地救佢嘅人比隻屍一手插穿心臟，玻璃都碎埋。


我去都只係可以好似一開頭咁避開一邊望住佢無助嘅眼神，慢慢咁比屍食，可能頭先佢唔拍玻璃，啲屍會發現唔到佢，但佢見到我地，一心認為我地可以幫到佢。



個種內疚感係我心入面莫名其妙咁擁出嚟，一個二個人想我地幫佢！但都救唔到！！！
天呀！